السلام عليكم ورحمة الله وبركاته
اخي مبارك عليك الشهر
وكلي فخر وشرف انك تطلبني باسمي وتنخاني والله اني مفتشله بصراحه اني ما ارد عليك او اني اكون ساهيه على طلبك وما اكون شايفته
اخي العزيز المجمع اللي تقول عنه على ما اعتقد اني رحتله وكان قريب حق فندق اسيا ايربورت فندق اسيا اللي قريب للمطار وكان جنبه بعد بسطات كثيره ومجمع للكمبيوترات بعد في طريق الرجعه من الدريم والسفاري صح
وفي بعد اخوي انا عن نفسي ما اروح غير هالمجمعات
ربنسون احبه وا ايد
واحب ام بي كي وطوكيو
وعندك بعد مجمع خاص للكمبيوترات والاجهزة الاكترونية اسمه بانتيب بلازا
وعندك سيام مجمعين سكوير والثاني براغون احبه وخاص للنساء
وعندك اسواق ليلية مثل باي سوان لوم نايت بازار) By Swan Lum Night Bazar
سوق الاحد Sunday Market – Chato Chak
لازم تروحله في الصباح او الظهر لانه كبير ويغلق بعد العصر يعني الغروب يكون مغلق
اسواق الحي الصيني China Town سوق حلو وكبير بعد
مركز بوبي Bobay Center
هذا مجمع كبير وخاص للجمله ولكن في محلات تبيع مفرد
الاسواق الشعبية (تل ات براخانونغ) Prakhanong
بعد سوق شعبي وحلو بصراحه وانا احب اروح حق اسواقهم الشعبيه
مركز مجمعات رشدا (Rashada Lotus and Carrfore)
على شارع رشدا Rashada مجموعه من المراكز التجاريه الكبيرة تشمل لوتاس وكارفور وايضا مجمع
مطاعم اسماك ضخم وباسعار متهاوده وبه ايضا مسرح الفن الفلوكلوري التايلندي العالمي. كما يقع مقابل هذه
المراكز احد اكبر المجمعات في بانكوك وهو بلانت هوليوود. ويمكن التنقل مشيا بين هذه المراكز فهي
متقاربه جدا.
مركز امبريوم—Emperium
والله انا افتر بس اغلب مشترواتي من زين وربنسون بكثره وام بي كي وطوكيو الاسواق الشعبيه وكارفور وبقسي اخذ منهم سوالف حق المدارس من قرطاسيه
سيام اخذ بلايز ماكات حق شبابنا اللي في البيت ربي يحفظهم واهيال العم يستاهلون
واترسهم بلايز اللي عليهم حركات اللي على 199 بات او 100 بات السود اللي فيهم صور اسود وجماجم واشكال يحبون بعد اجراميين
وشكرا لك وان شاءلله اكون ما اخجلتك وما فشلتك
وكلي شكر لك وسامحني على القصور وان شاءلله بالغد او اليوم اخي ومشرفنا الكبير الحوسني مايقصر معك

ربي يسلمك يالغاليه
ماقصرتي رايتك بيضه
بخصوص زين وين احصلهمب في سنترالورلد وهو مصكر او عندهم فرع ثاني
وهل البيك سي مفتوح حاليا
واسف على الازعاج الشيخه

هلا اخوي الدولار
تروح وترجع بالسلامه
و المجمعات الأسواق اللي نصحتك بيهن ليمونه طبعا الأحسن والأشهر للتسوق
و بالتوفيق
انا بكون ان شاء الله بعد العيد في تايلند
اتشرف بملتقاك عزيزي

تروح وترد بالسلامه
بعد الاخت ليمونه مالنا اي كلام

زين مسكر بس تقدر اتروح آيسيتان حذال سنترال وورلد وكان بينهم باب قبل لا يحترق بس الحمدلله هالمول ما ياه شي ووايد راقي وحلو مثل زين وروبينسون

هلا فيكم ويعطيكم العافيه اخواني وخواتي بالنسبه لزين مسكر بس انا قلت يمكن خلص صيانه وترميم
بالنسبه لبقسي في جزء مفتوح منه
وفي بدال زين مجمعات كثيره وايد تغنيكم عنه
والله من تروحون هناك راح تحتارون لاي مجمع تتوجهون له من كثرهم
وشكرا