x1man1x
29-08-2022 - 10:04 am
السلام عليكم ورحمه الله وبركاته
مساكم / صباحكم ورد
اخواني اخواتي تعلن الخطوط القطريه عن موعد رحلتي غدا الى تايلند
باذن الله
ولذلك ولانها اول تجربه سفر لي خارج البلاد العربيه
ارجو نصيحتكم
انا تاريخ رحلتي 28 - 6 والعوده انشالله 10 -7
كلفتني التذكره 310 دينار كويتي
والميزانيه 500 دينار كويتي
تقريبا 57 الف بات
المطلوب منكم بعد الدعاء لي بالتوفيق
انه كل شخص يشارك
ولازم تبداء مشاركته ب اذا رحت تايلند لازم امر او ازور المكان هذا .....
وكل شخص له مكان واحد يختاره
علشان استفيد واحطه بجدول رحلتي
ملاحظه سفرتي انا وصاحبي بس
وشكرا مقدما
اول شى تروح وترجع سالم ... وثانيا اجعل مخافة الله امامك وامورك تتسهل وتنبسط.
اخوى ميزانيتك جدا قليله اذا انت تبى تتمشى وتستانس وتزور اكثر من مدينه لان تايلند حاشها الغلا الى عندنا
بوكت وبانكوك اسعارهم غاليه بالسكن النظيف والمطاعم العربيه والسى فود وتمشيات والسياحه الصح.
راح تحصل سكن رخيص لكن مو اى واحد يقدر يسكن فيه.
اتمنى عليك انك تبحبح الميزانيه شويه
حتى ما يقصرك شى وتستانس وتحلل قيمة التذكره الغاليه حسبى الله عليهم على رفعت الاسعار هذى.
موفق خير اخوى