في البدايه
ماكان في بالي سفر اساسا
!!
راجعت اكثر من معهد لتدريس اللغه الانجليزية
لاني كنت ابغى التوفل
عشان اكمّل الماجستير
مالقيت اللي اطمح له
فبعدها قلت لنفسي طيب ليه ما اطلع ادرس برا
!!
قمت ابحث في النت
واراجع الوكالات حق السياحة والسفر
ولا كان ببالي نيوزلندا
لاني اساسا ما اعرفها
!!
كنت ناوي على بريطانيا
الى ان كثرت ترددي على مكاتب السياحة والسفر
خلّت واحد يحّن عليّ
ويقول لي ليه ماتروح نيوزلندا
؟؟
انا حقدت عليه
قلت اشفيه ؟؟ يبغى يزيد على البقر بقره
ماكنت اعرف عنها الاّ حليب انكور ودانو

متابع ..........
رغم اني سبق أن شفت هالموضوع في اللي خبرك

يشرفني ان اول تواجد يكون لك عزيزي
واشكر لك تواجدك مره اخرى

أهلا ... أهلا ...
وين الناس ... من زمان والله عنك ...
والله إنك تخوف بصراحة ... قتل ... وإرهاب ... الله يستر ...
لا تكون رايح تصور فيلم أكشن في كرايست تشيرج ...
والله مشتاقين لك من جد أخوي حساس .. ولك وحشة ...
بانتظار البقية الباقي من فيلم الأكشن .... متابع ... على قناة حساس شو تايم ..
تحية .

هلا هلا هلا هلا وغلا حساس
كيفك يا بعدي ... ان شاء الله بخير
اجل بغيت تروح فيها :frown::
يابعدي والله
بعدين ما يكون عندنا حساس
كمل كمل .. دنا متابع لك

مسافر متزن
وانا اقول وين هالدب مختفي
هلا والله بالغالي
هلا والله بالمايسترو
صاحب الافضال الكبيرة علينا
الانسان الخلوق
نورّت المتصفّح عزيزي

كان المقرر ان توصل رحلتي الى سنغافوره بعد 9 ساعات
لانها كانت الرحله من جده الى سنغافوره دايركت
بس حدث خلل بالطيّاره اجبرها للنزول في دبي وتأخرّت الرحله الى 11 ساعه او اكثر
قبل ما اطلع الطيّاره
كنت معطي اهلي رقم فقيد حسّاس .. تحسّبُاً لأي طارئ
وحصل الطاري
:055:
تأخرت رحلتي وجوالي كان مغلق طول الرحله حتى بدبي من كثر توترّي
نسيت اشغلّه
:secret:
طبعا انا فاغر
لكن اهلي كانوا في حالة عزاء بالبيت
يفتكروني فطسّت من ضغط الارتفاع
وما اخفيكم انه في الارتفاعات
ينزل من فمي وانفي دم
:no:
وصلت سنغافوره وبعد نص ساعه قابلت فقيد حسّاس
كانت اول مقابله لي معاه
كنت اعرفه من خلف الماسنجر فقط
اول كلمه قالها لي
فقيد حسّاس : ياخي اهلك ذبحوني
حسّاس : وعليكم السلام .. ليش ؟
فقيد حسّاس : يقولوا اي تابوت ابيض يطلّع من الطياره اعرف انه لولدنا
حسّاس : بسم الله عليّ اهلي يبغوا يسقطوني من الميراث ؟؟ :001:
فقيد حسّاس : اتصل عليهم وطمّنهم انك عايش
حسّاس متصل على السعوديه : هالا انا عايش
هالا : الله لا يوفقك ياشيخ
حسّاس : تصدقي ؟؟ كنت محتاج لهالدعوه :075:
هالا : الحمد لله على سلامتك وانقلع
حسّاس : الله يسلمك :020: طوط طوط طوط

قعدنا في مطار سنغافوره 9 ساعات على ما اظن
كان فقيد حسّاس مُنهك بحكم انه وصل قبلي لسنغافوره ب 9 ساعات تقريبا
اما انا كنت شعلة نشاط
:009:
طبعا كان ممنوع خروجنا من المطار لانه لازم تأشيرة
قيمتها 45 ريال
بس انه كلها 9 ساعات والواحد وين يروح فيها ؟
يقعد في المطار احسن
ومااخفيكم
ترا هالمطار اشبه بمركز عالمي ضخم
وخلال عدة سنوات
احتلّ المراكز الاولى لافضل مطار في العالم
الصراحه انا افتكرته سوق مو مطار
كان كبير بشكل !!
كان فيه صالتين والصالتين يربطهم قطار
:020:
كل ما اتذكرّ مطارنا اعض براطم الندم
:011:
ماعلينا
رحنا انا وصديقي عشان نحجز غرفتين نرتاح فيها
لانه باقي 9 ساعات
كانت الغرف مفتوحه على بعض
والرجال والحريم نايمين جمب بعض
ماعجبني الوضع
:no:
كل واحد دفع فينا
0دولار امريكي
لمدة 4 ساعات فقط

وصلّنا الموظف للغُرف
وقال يالله
طبعا صديقي كان ميّت نوم بعكسي
قال يالله انا بانام
قلت له اوكي وانا باحط راسي بعد
يوم حطيت راسي الا واشوف وحده جبل جمبي السرير مو باين من كبرها
ياعليها شخير
طبعا ماعجبني الوضع
قمت رميت الفلاي بوك حقي وشنطة الظهر عند صديقي
وقلت له سلام
قعدت اتسوّق
وشبكت من النت المجاني في المطار
وقعدت ادردش مع اهلي بالصوت والصوره
في اماكن الانترنت المجانيه المتناثره بكثره في المطار
لحد مايعديّ الوقت
عدّى الوقت اخيرا
واعلنوا عن انطلاق الرحله الى كرايست شيرش
من البوابه
34