الجبيل الصناعية
واجهة مشرقة ومشرفة لمدن المملكة العربية السعودية
ومن أجمل وأرتب وأروع المناطق السكنية
ليس بالمملكة00وأنما على مستوى الخليج
وطبعاً كسائر مدن المملكة تتوافر فيها جميع متطلبات الحياة
من مطاعم ومجمع تجاري ومحلات تجارية وما الى ذلك00
وأيضاً هناك أرووع كورنيش من حيث التنظيم والهيئة والشكل والخدمات
حيث أن الكورنيش عبارة عن زراعة خضراء + الشاطئ الرملي
وعلى طول أمتداد الكورنيش هناك خدمة الأنترنت المجاني بالكورنيش
(وايرلس)
وأهم وأروع مافي تلك المنطقة
هو التقسيم المرتب للأحياء السكنية
فتأتي أسم المنطقة ثم الحي ثم الشارع ثم رقم المنزل
يعني ماتضيع أبد
وتتميز المنطقة أيضاً بالمنتزهات الراائعة والكبيرة والمنتشرة
بأنحاء المنطقة بصورة تعتبر جيدة من حيث الكمية
بالأضافة الى قرب المنطقة من مدينتي الدمام والخبر
(بحدود 70 كيلوا متر )
وتلك المناطق غنية عن التعريف
هذا على أمل أن يتم أفادتكم بصورة أوضح وأكبر وأشمل
من قبل الأخوة بالبوابة وخصوصا أهل الجبيل
فأهل مكة ادرى بشعابها
يعني بالعربي الفصيح
لا تترددون أبد00وتوكلوا على الله
فالج طيب

والله المنطقة رائعة جدا ونموذجية ولكن صغيرة وتقصر فيها الخيارات ولكن قربها من الخبر والدمام والبحرين والكويت يلغي قلت خياراتها ويرفع من رصيدها
بأختصار اذا اي شي مالقيتيه بالجبيل الدمام والخبر ساعة من البيت
واتمنى اكون افدتكم
أخوكم/عبدالرحمن

اختي -عمر المحبه- انا من سكان الجبيل الصناعيه ولا اعتقد انني سأرتاح في مكان مثلها(السكن طبعا) مدينه مريحه هادئه فيها جميع الخدمات لكن ليس بينها وبين الرياض مقارنه فالرياض اكثر صخبا وامتداد وخيارات المجمعات التجاريه اكثر الجبيل فيها مجمع واحد (الفناتير مول) وهو حليو لا يفي بالغرض دائما لكننا نجد في الخبر والدمام والبحرين والكويت متنفسا وقضاء حاجات (من الجبيل الى الحدود الكويتيه ساعتين بالضبط) وطبعا حتى تنبسطين فيها لازم تكونين علاقات مع الجيران وغيرهم والا بتحسين بالملل اما الايجارات في للشقق بين 25-30 الف اما الفلل 40-50 الف واي معلومه تريدينها ان حاضرة وفي خدمتك

انا من سكان الجبيل...ولي فيها 12 سنة...واللي زار الجبيل قبل هالوقت ما يعرفها الحين.....
يوجد خدمات للموظفين ولساكني الجبيل ممتازة... هناك العديد من المطاعم الفخمة مثل ابل بيز
سزلر هاوس دار الكرم.. وستيك هاوس قيد الانشاء وغيرهم من المطاعم اضف الي ذلك المطاعم السريعة
كنتاكي مكدونالدز برجر كنج هارديز كودو بيتزا هت دومينوز بيتزا والكثير الكثير.
وبالنسبة للمقاهي هناك مقهى سينيزو.. وهناك عدة مباني جاهزة على الواجهة البحرية للفناتير سيكون فيها
مطاعم ومقاهي عالمية مثل ستار بكس...
النوادي الرياضية النسائية متوفرة في جميع احياء الجبيل..واشهرها الحويلات
فندق انتركونتينينتال في الحويلات وكذلك الشقق الفندقية الفخمة في القناتير هناك مشروع اقامة فندق
ومدينة العاب كبيرة في الفناتير....
شواطيء الجبيل من اروع وانظف شواطيء المملكة دون مبالغة...
المولات هناك مول الفناتير ويتم تطويرة دوريا...وبه العديد من الماركات مثل السواني نكست برومود بوسني سبلاش
مانجو , كسيسويرز لا يف ستايل لا سنزا , نعومي ,, مذر كير. وغيرها لا تحضرني اسمائها حاليا.
وهناك مجمع سدير وبه سوق خاص بالاطفال من مجموعة هوم سنتر سابق.. سنتر بوينت حاليا لا يحضرني اسمة.
وهناك مول الحويلات...يوجد بة مطعم ابل بيز.. وهايبر بندة ومكتبة جرير...ومكياجى ونكتار...ومحلات تحت الانشاء.
الحدائق... حديقى الدفي ..الاندلس.. وشاطيء النخيل وجميع الشواطيء مزينة بالحدائق.
الانترنت متوفر بشبكة الوايرلس في حدائق وشواطيئ الجبيل
هناك عدة فعاليات سنوي تقام مثل..مهرجان الزهور...العودة الي المدارس..
مهرجان الطفل..وغيرها الكثير
الجبيل مدينة صناعية من الاساس.. فمعظم ساكنيها يعملون بنظام الورديات..فغالبا يكون الهدوء سمة مدينة الجبيل
وقد تكون هذة هي النقطة الغير محببة في الجبيل ولكن لا تحزني اختي الكريمة...
فانت في الجبيل لديك العديد من الخيارات وعل حسب الذوق...في الويكن والاجازات
الوكويت 250 كم...الخبر والدمام ساعة .. البحرين...المطار ....
واي سؤال ان حاضر...
تحياتي للجميع

اهلين الراايق D7ooomi99 ام آمال جوهر
شاكرين لمروركم والله يجزاكم خير على الردود وان شاء الله الخيره فيما اختار الله
بس بسالك وش قصدك بالورديات عسا مهوب شفتات لاتقولين لي بالرياض زوجي يشتغل بقسم it في احدى الشركات
لان الشركه قالت ماتجلس الاجهزه بدون احد لانهم يخافون انها تخرب وتطفى المكيفات وتحتر الاجهزه ويروح تعبهم فقالوا لهم داومو شفتات وانا الحين متبهذلين بشفتات لان شغله من 2 الضهر الى 12 او وحده باليل بس وش نسوي الشكوى على الله تعب مره تخيلي تجلسين كل هذا الوقت بشغل وش بتسوين وكل اسبوع يتغير

الله يعينك أختي عمر المحبة كلنا كذا وهذي لقمة العيش ومافي شي يجي ببلاش لازم التعب والله يوفقكم
أنا كذا دوامي لأني مصمم أبار بترول ولازم أتابعها واتابع الحفر واحيانا ارجع البيت وهاتك تلفونات بس الله يعين الواحد
قال تعالى ((لقد خلقنا الإنسان في كبد )) سورة البلد والكبد :- تعب العيش
أخوك/عبدالرحمن

الجبيل حلوه الي عايش ومتعود على الجو الهادئ ومدينة الجبيل الصناعية منظمة ومرتبة ترتيب حلو
انا بيني وبينكم ماهضمته الجبيل مادري ليه لاني عزوبي يمكن ولواتحصلي وظيفة في الدمام والالخبر رحت بس الشكوى لله الشركة شركة

اهلين
D7ooomi99
قال وش حدك على المر قال الامر منه المشكله مايجي للبيت الا تافل العافيه لان الشركه فيها كم مبنى والمبنى الواحد خمس ادوار ويالله والاجهزه الي يشتغل عليها درجة الحراره 20 وتحت برد ويالله بسبب هذي المكيفات يطيحله كم يوم ومهوب اي مكيف مثل الي عندنا والا صحراوي حجمه كبير ويدف هوى يقولي اذا دخلت اتلطم من البرد
واذا قلتله خل غيرك يشتغل لانهم مايكدون مثله قال لا ابي اصير بوجههم اذا قالوا من مزين هذى الشي قال انا لانه يبي يستفيد بعدين قلت اجل الله يعينك والله ادعي ان مايصير دوامه شفتات هناك
الصحافه
الشكوى على الله
وجزاكم الله خير على الردود

الله يوفقه أختي ويعينه
وأحمدي ربك أن زوجك من الشباب السعودي الطموح اللي يبغى يثبت وجوده وعلى قولتك زوجك شغال IT في إحدى الشركات ودرجات البرودة هذي تنحط عند السيرفرات الكبار
أنتي عاد الله الله بالرجال زبطيله كوب زنجبيل اوكوفي وحطيه بحافظه حراريه عشان مايبرد
وزبطيله الملابس الزينة الكم الطويل والقطن الثقيل وربنا يعينه ويوفقه
أحنا بحر الشموس وفي منتصف الصحاري والربع الخالي ونتمنى يوم نكون تحت مكيف
والتعب كله ترى اللي نتعبه عشان أهلنا زوجاتنا وعيالنا يعيشون أحسن حياة ومافي شي يجي بالسهل
والله يوفق الجميع
أخوك/عبدالرحمن