الله يعينك عالغربة توك ماصار لك الا شهر.. اتحمل
انا رايحه تكساس مع زوجي ان شاء الله بس مو هيوستن
رايحين دالاس إن شاء الله مافيها سعوديين ما أبي أشوف
أحد يعرفني... فشله مابقدر أغطي وجهي

. . 100

السلام عليكم و رحمة الله وبركاته
انا وصلت امريكا ولله الحمد من 12 مايو الماضي
لي تقريبا يعني شهر وخمس ايام
تكساس / هيوستن
ما توقعت فيه هالعدد الكبير من السعوديين والسعوديات
بس اكتشتفت ان العدد طبيعي يوم عرفت ان الملحقيه الثقافيه بالاصل في هيوستن
ومكتب ارامكو في هيوستن ... وفرع للقنصليه السعوديه ب هيوستن
عالعموم ..
المدينه زينه وجوها تمام بس يميل للحراره وتمطر باي وقت .. الحين تمطر على خفيف واول امس امطرت كثير بالصباح ..
اكتشتف اشيا كثير من جيتي ..
اول شي : المعامله تمام ... لكن اذا تبغى تستفيد لغه من الامريكان ... انسى .
ثاني شي : قبل يومين كنت اشوف مباراة المانيا وبولندا تحت بالصاله حقت سكني .. لان كان فيه تلفزيون وقعده ..
قعد معي واحد امريكي ... تكلمنا هذرنا شوي ..
سالني : " انت من المانيا ؟ " قلت له لا انا سعودي ..
قال : " ايش يعني ؟ " ..
قلت له انا من السعوديه .. المملكه العربيه السعوديه ..
قال : " هذي في اوروبا ؟ "
انا : ... انت من جدك ؟؟
قال ايه .. هي بجانب المانيا ؟
قلت له ذي في آسيا .. زين انه عرف آسيا بس
قعد يقولي وش الفرق بين بلدكم وبلدنا ؟
قلت له كل شي سال عنه ..
قلت له الحريم عندنا ماهم مثلكم .. لازم يتغطون ..
قال : " are you serious ? "
قلت له : " ايه والله من جدي "
قال لو انا ببلدكم بموت مااقدر اعيش كذا ..
قلت له تعال وبتتعود :sweatdrop
لاحظوا اني ما كلمته وقلت له ان ذي اشياء من ديننا ..
ما بغيت اجيب طاري الدين .. يكفينا فكرتهم عنه غلط ..
تكلمت معه كلام كثير وفصلت له و بعدين شكله بدا يقتنع با اللي نسويه صح وان ذي قواعدنا وشروطنا بالحياه :rolleyes: ..
المهم عندي هذره كثير ودي اقولكم عن اشيا كثير صارت لي .. بس شقول ل اقول ..
ايه باقي شي مهم ..
على كثر السعوديين اللي ب هيوستن ..
محد منهم كان رجال معي الا 1 بس .. اي والله انه واحد ... والباقي الله يستر عليهم ... اسلم عليهم ما يردون ...
ما كني لا مسلم ولا ولد بلدهم ولا حتى انسان يمر يمهم
مسوين احزاب وجماعات الله يهديهم .. :frown: ..
ودي اتعمق بهالمساله اكثر لانها زاعجتني جد ..
بس خلني اشوف آراءكم و رايكم باللي قلته لكم :21: ..
بس تذكروا ان هالاشيا اللي قلتها هذي انا مريت فيها ..
يعني لحد يجي ويقول لا كلامك غلط وانت بس تبي تهذر ..
لا يبه ... هذا اللي صار لي ومن تجربتي اللي لها شهر وخمس ايام
وبالنسبه للنقطه الاولى يوم اقولكم ما بتتعلمون من الامريكان ..
تراني اقصد اللي نقابلهم كلهم .. سواء اللي بالسوبرماركت او اللي بالمطاعم او حقين السكن او اي امريكي تصادفه ...
لا .... والله اني صرت اكلمهم كني مااعرف شي بالانجليزي تعرفون ليه ؟؟
لانهم اغبياء .. ما يفهموون زين .. والله اغبياء ..
يعني والله انجليزيتي تمام بس خلوني افقد ثقتي بنفسي من عدم فهمهم اللي يدل على ثوارتهم ..
بس اذا تبي تستفيد لغه صح .... كل شخص داخل المعهد يكون تمام معك وتحس انك بلبل اذا تكلمت معه لانه يعرف انك تبغى تتعلم ويساعدك
تعبت وربي من هالغربه
لا صديق ولا رفيق ..
حتى القرايب نسوني مع اني معهم بنفس المدينه ونفس المعهد
خلوها مستوره بس ... حالة ماهيب زينه والحمد لله ..
وربي ان مملكتنا احلى مكان ..
بس هنا الدراسه احسن .. هذا اللي مصبرني ..
بس جد السعوديه غير ورب الكون غير اخي الحبيب احب اعلق اذا سمحلت لي بالتعليق
اولا لهجه الامريكان لايمكن ان تدرس يجب عليك ان تتعلمها من السينما او التلفزيون او الشارع وهو اكبر جامعه في العالم الكل يتعلم فيه وانا اقصد الشارع مثلا المطاعم المحلات الاسواق والتعايش مع الناس
الامريكان شعب مغلق وتلاقي ناس يمكن ماطلعوا من ولايتهم ابد واذا سافروا مثلا الى اورلاندوا كانهم راحوا اخر الدنيا وطبعا مو كلهم معظمهم ومعلوماتهم بالجغرافيا صفر مايعرفون الا البلد اللي فيها حرب وشعبهم مشاركين بالحرب بس استغربت من الرجل اللي مايعرف السعوديه معقوله المكله مشهورة جدا هناك وانا كويتي واذا سالوني وين الكويت اقولهم بالقرب من السعوديه يعرفونها على طول
بالنسبه للاخوان اللي ماردوا عليك السلام يكفيك ان الملائكه ترد عليك السلام ولايهمونكهه اصلا انت مو في حاجتهم والله يعينك على الغربه لكن انصحك تروح المسجد واذا عرفت المسجد حاول تتعرف في المصلين وخلهم يستفيدون من معلوماتك عن الاسلام وتخاوي المسلمين الامريكان منها تاخذ الاجر ومنها تتعرف على اشخاص جدد ومنها تستفيد باللغه او اللهجه
فعلا الانسان مهما راح ومهما سافر مافي احلا من بلده
الله يعينك على غربتك ويصبرك على فراق الاهل والاصدقاء

مرحبا اخي الباشا
الحمد لله على سلامتك اولا
وثانيا حز في نفسي طاري السعوديين اللي ما ردوا السلام يااخي اذا الواحد في الغربة ويشوف ربعه ويعززو هالاحساس داخلك (صعبه).
على العموم بكره تاخذ على الوضع وكل شي بالاول صعب
وبالتوفيق ان شاء الله

أخوي الباشا ..
أولاً :الحمد الله على سلامتك
ثانياً : بدى لي من كلامك إنك إنسان عاقل وهدفك العلم لذلك أتمنى إنك تشرفنا وتجيب أعلى الشهادات
ثالثا : مسألة مهمة فعلاً وتطرقت إنت لها مسألة الأحزاب والجماعات .. أنصحك إبعد عنهم
أنا كان لي تجربة بنفس الأسلوب تلقى كل اهل منطقة معينة مع بعض واشياء من طلعت من السعودية صار بلاوي بس حاول ماتدخل معهم وخلك جوكر كل يوم مع حزب وشف الناس الكويسين (الرجال) وصادقهم ولا تحاول ترتبط معهم ويحطونك على أهوائهم بنمط معين ..
والله هالحزبيات لأني فعلا عشتها كانت قمت التخلف