نعم اخوي يوجد مكاتب في الرياض تطلع لك الفيزا ولابد من الحصول على التاشيرة
فندق في حي العرب ماريوت ولاند مارك وزينث
في بويكت هوليد ان
بس ماوضحت كم مدة اقامتك
دولي

الله يعطيك العافية أخوي الدولي
وبيض الله وجهك
مدة الرحلة أسبوع إن شاء الله من 15 /4 /2010 حتى 22/4/2010
وين احصل المكاتب اللي تطلع فيزاء.؟
وكم تتوقع اسعار الفنادق اللي ذكرت .؟؟
لك ودي وتقديري

أولاً / هل لا بد من الحصول على تأشيرة سفر ( أحمل الجنسية السعودية )
وهل هناك مكاتب في الرياض تستخرج التأشرة .؟؟
ماتدخل الديار التايلنديه بدون تاشيره دخول.
الشي الثاني انا ماأنصحك تروح لمكتب سياحي يطلع التاشيره (بياخذ عليك مبلغ وهي ماتسوى)
انا بنفسي(انا مدام) رحت للحي الدبلوماسي معي اخوي
تدخل سفارة تايلند مافي زحمه تعبي النموذج وتاخذ معك
صورة جواز+3صورة شمسيه+صورة تذكرة+تسجيل بيانات+100ريال
خلصت بعد يومين تستملها من شباك السفاره الخارجي وبس
====
ثانياً / أرغب في اسم فندق في بانكوك في حي العرب شرط يكون فندق خمس أو اربع نجوم
ريمبراندت
ثالثاً / اتمنى تزويدي بأسماء منتجعات في بوكيت .
لو ميريديان كارون بيتش

تشكرات أختي الفاضلة شموخ
وبكرى إن شاء الله رايح للسفارة
لكن سؤالي لو سمحتي
هل يطلب فيوتشر للسكن من قبل السفارة
وإلا يكتفى بالتذاكر والصور وتعبئة النموذج
لك كل الود

تشكرات أختي الفاضلة شموخ
وبكرى إن شاء الله رايح للسفارة
ولو عالرحب والسعه
بحول الله موفق
لكن سؤالي لو سمحتي
هل يطلب فيوتشر للسكن من قبل السفارة
لا ابدا فقط تذكرة الطيران
وإلا يكتفى بالتذاكر والصور وتعبئة النموذج
بالظبط
ورحله سعيده بإذن الله

بيض الله وجهك ورحم الله والديك اختي شموخ
ادري ثقيل دم لكن تحملي
انا ما راح اجلس في بانكوك ودي اطلع على طول لبوكيت
وصولي يوم الجمعة 16 إبريل الساعة الثامنة صباحاً إن شاء الله .
ممكن احصل طيران على طول لبوكيت ...
لأني راح اجلس اربع أيام في بوكيت (( راح احجز يومين في الهوليدي إن ويومين في كاتا بيتش ))
ويومين قبل السفر في بانكوك لكن ما أدري وين احجز ابي فندق حلو وقريب من حي العرب .
وش ريك اختي شموخ في برنامجي والأهم كيف اطلع من مطار بانكوك على طول لبوكيت .
تشكرات

بيض الله وجهك ورحم الله والديك اختي شموخ
ادري ثقيل دم لكن تحملي
ومن قال ياخوي عالرحب والسعه
ولو تمون ولاثقلت ولاشي
انا ما راح اجلس في بانكوك ودي اطلع على طول لبوكيت
وصولي يوم الجمعة 16 إبريل الساعة الثامنة صباحاً إن شاء الله .
ممكن احصل طيران على طول لبوكيت ...
توقيت ممتاز لمشاهده الطبيعه راح تحصل بحول الله
انا من حظي كان بالليل وقت متاخر
من شوي كنت كاتبه تجربتي انا كنت حاجزه من الرياض
طيران داخلي على اساس لما اوصل اطلع لبوكيت
قدر الله حصل عطل بالطيران التايلندي وقالو لي فيك تنامين ورحله من بكره
قلت نو لاني حاجزه اساسا حتى لو ماحجزت بقول كذا لان صعبه ابيت ليله وافك الشنط
واطلع من بعده جدا متعب
وحولوني على طيران اير اسيا لان فيه رحله والحمد لله طلعت منهاا
==
لأني راح اجلس اربع أيام في بوكيت (( راح احجز يومين في الهوليدي إن ويومين في كاتا بيتش ))
الهوليدي ان كثير يطلبونه لكن موقعه موحلو بنوب في شارع صغير
انت تقدر تشوف الفندق من الخارطه وكأنك تشوفه لايف
انت ماتحب البحر مباشره
شوف موقعه بالخارطه
ولي باك معك
ويومين قبل السفر في بانكوك لكن ما أدري وين احجز ابي فندق حلو وقريب من حي العرب .
وش ريك اختي شموخ في برنامجي والأهم كيف اطلع من مطار بانكوك على طول لبوكيت .
الفخامه والقرب تحصله في ريمبراندت في بانكوك بوفيه راقي وجميل خدمه ونظافه
وموقعه
لي باك معك اشوف شو رسيت عليه

اختي شموخ
الهوليدي ان كثير يطلبونه لكن موقعه موحلو بنوب في شارع صغير
انت تقدر تشوف الفندق من الخارطه وكأنك تشوفه لايف
انت ماتحب البحر مباشره
شوف موقعه بالخارطه
ولي باك معك
اذا موقع الهوليد ان في بويكت مو حلو اجل وين الموقع الحلو يعني الفندق الوحيد اللي دائما في المواسم فل
رغم كثرة غرفه ؟؟؟ شارع صغير ؟؟؟ قصدك الشارع الفرعي هذا محد يشوفه الا في الشيك ان فقط
والباقي الخروج من الشارع العام او الخلفي
دولي

هلا اخوي
مدتك قليله جدا واصلا ولازم تروح لبوكيت على طول من يوم توصل على طول الدور الرابع والاخير
واقرب رحلة لاتخاف راح تلقا اكثر من 30 رحلة الى بوكيت باليوم واكثر من خمس خطوط طيران
ماعندك مشكلة بس اصرف وخل فلوسك جاهزة وادفع عند كونترات مكاتب الطيران ثم على الشيك ان
لالالا تغير الفندق خلك في واحد بس بتتعب كذا والتغير اصلا ماله داعي لان المدة قليله
انت رايح تتمشى مو رحلة عمل
ارشحلك هولدان بوكيت ثم ماجيستك جراند في بانكوك كلها تلبي مواصفاتك
دولي