مرحبا بكم في قطر
تنور قطر بك
طبعا توجد مكاتب في المطار
وان كنت انصحك الان اما برتاج الريان لان عندهم عرض صيفي الغرفة شامل الضريبة
مع الفطور 555 ريال المفردة
او فندق الريتز تقريبا 775 ريال
ورقم فندق رتاج الريان 49744204444
والريتز كارلتون 49744848000
ولازم تمر المدينة الرياضة اسباير ومنها على فيلاجيو
والستي سنتر ضروري تشوفة
وانصحك تاخذ لك قهوة في منتجع فريق شرق
وطبعا الجو حار لكن مايمنع انك تمر سوق واقف وتشوفة يستحق المشاهدة
وعندك طبعا المول واللاند مارك ومراكز تجارية كثيرة حسب رغبتك
ولازم تمر اما في شارع السد خلف كنتاكي او خلف مجمع اللاند مارك وتشرب كرك (شاهي حليب ) النعيمي
علشان شهرته سابقته ....
واذا ذكرت شيء ابشر باكتبة لك على طول

qatar2007
ما شاء الله تبارك الله أختنا مشرفة قطر
شايله ساحة قطر فوق راسك
يعطيك العافية .. أول ما نزلت المطار قلت بلا مكاتب بلا هم
أنزل بنفسي أنا وأشوف .. أجرتلي سيارة ونزلت بنفسي ألف
الدوحة .. طبعاً أخذتلي كم ساعة وأنا ألف بين فنادق الدوحة
( عادي أنا كذا استمتع ) .. استقريت بالآخر على فندق رخيص
وبنفس الوقت حلو ونظيف .. سعره لشخصين 300 ريال
( سعره يا بلاش بجانب الأسعار اللي شفتها )
رحت كم مشوار بالمغرب ورحت دار الكتب القطرية
ورحت ستي سنتر وشفت نهائي اوروبا هناك في الكافي
الفرنسي فوق ..
شفتلي فلم هناك وتوني راد ..
شكراً لك أختي قطر وتمنياتي لك بالتوفيق

اسعدني استمتاعك بوقت في قطر
موفق خير وربي يحفظك
ومنور قطر بك

عذرا على التدخل
ممكن يا اخ شاهين تذكر اسم الفندق؟
وهل يصلح للعوائل ؟ ومكانه زين ولا لا ؟

حياك الله في دار بو مشعل
المجمعات التجارية هي:.
1- ستي سنتر ( مجمع كبير من 4طوابق فيه

• مطاعم وكافيهات وين ماتمشي
• السينما"
• قسم كبير للألعاب وتناسب من سنتين إلى 15سنة
• والأهم تسوق ومحلات متنوعة
• صالة تزلج

2- لاندمارك طابق واحد فقط أوبرا كافية طابقين

• مطاعم &كافيهات
• صالة ألعاب
• سينما
• محلات

3- رويال بلازا

• سينما
• مطاعم&كافيهات
• محلات

4- فيلاجيو

• محلات وفيه ماركات (غوتشي ,ديور,براد وغيره من الماركات)
• صالة تزلج
• مطاعم &كافيهات

فيلاجيو & حياة بلازا جيران
5-حياة بلازا

• صالة العاب
• مطاعم &كافيهات
• محلات متنوعه

6-المول صغير بمساحته عن الباقي والزين فيه ان قريب من المطار

• صالة العاب
• مطاعم&كفيهات
• محلات

لخصت لك المجمعات التجارية بس انصحك في ستي سنتر تقضي يوم كامل فيه تقدر تقسم فيه الوقت بين سينما وكافيهات وتسوق و العاب
واكيد بتروح سوق واقف وايد وايد حلو

qatar2007
أهلاً أختي قطر ويحفظك ان شاء الله ويوفقك
قطر منورة بأهلها الطيبين
وأنا أبشرك رجعت وكانت رحلة حلوة وناجحة ولله الحمد
وغداً إن شاء الله بنزل تقرير مصور (متواضع) عن رحلتي

سولفانا
أهلاً سولفانا .... الفندق اسمه دايموند هوتيل
أو فندق الماسة .. موقعه بجانب دوار دار الكتب القطرية
قريبة من الكورنيش .. وسعرها لشخصين 300 ريال ,,,
وبصراحة ما أدري بالنسبة للعوائل يصلح أو لا .. ؟؟
خدمته حلوة ولا بأس فيها .. وسعره مناسب .. وهذه
صورة من الخارج للفندق .

وهذه صورتين للغرفة

والباقي غداً في تقريري

يعطيك العافية صبا
أنا رديت الحين وأبشرك جيت أغلب هذه المجمعات
وبالذات سيتي سنتر عجبني كثير !!
وبالنسبة لسوق واقف زرته واستمتعت فيه كثير

هذي صورة والباقي في التقرير غداً إن شاء الله

ماشاء الله
يسعدني اعجابك وتواصلك
وبانتظار تقريرك ...ونتمنى بك تزور قطر مرة ثانية ومدة اطول