اخوي NaSSeR-Kuw
الحمد لله على السلامه
حبذا لو تنزل تقرير مصور عن 80 يوم
شكرال ك

اود الاستفسار:
1* عن كيفية الذهاب من شانق ماي الى بوكيت او العكس مع سعر التذكرة .
2* ما هي افضل الفنادق في بوكيت من حيث الموقع .( يكون سعره متوسط ).
لاني رايح لمدة 12 يوم واود اروح بتايا _بوكيت_شانغ ماي .
ويعطيك الف عافية

الحمد لله على السلامه ودي ايأل عن الجو شي امطار ولا لا

الله يسلمكم ويعطيكم العافيه... اخوى رونالدو شنقماي اذا تبي تحجز لها او تبي بوكت روح من مطار بانكوك واخذ التذكره علي طيران يسمى 1 2 قو او طيران اسمه نوك هني تاخذ التذكره من بانكوك لي بوكت 1000 بات رايح و 1000 بات راجع من هناك يعني طالعه التذكره عليك 2000 بات والطيران هذا الي ذكرته ماتحصله الا بالمطار في المكاتب السياحه خارج المطار ماتحصل تذاكر حقه لانه الطيران هذا كل ساعه تطير طياره يعني من المطار ارخص بس من المكاتب بره علي طيران بانكوك تصير التذكره 4150 بات يعني 100 دولار تقريبا والفنادق في بوكت علي شارع الباتونج بيج اسمه سيقال خوش فندق حلو ليلة الغرفه الي علي البحر تصير 900 بات وغير البحر 700 بات والغرفه حلوه والموقع وشاكر لكم
اخوكم ناصر

السلام عليكم ورحمه الله وبركاته
بصراحه يشرفني اني انضم لكم وان شاء الله اكون خفيف على صدوركم
اخواني انا مسافر الى تايلاند الاسبوع القادم لشهر العسل اسبوع في ساموي ومن ثم 4 ليالي في بانكوك
ماخذ معاي 3000 دولار الى تايلاند هل هي كافيه ام لا وارجوا بعدم الرد على حسب مشتراتك لانه اللي بروح لهم المجمعات طوكيو + باتبونج + سكوير يعني المشترا خفيف مو كميات كبيره
والطلب الثاني تحديد الاسعار السلع مثلا
الحقائب
الاحذيه
الساعات
الملابس
والطلب الثالث اوقات العمل في الاسواق
طوكيو
باتبونج
سكوير
والطلب الرابع الاماكن السياحيه
ملاهي
حدائق
متاحف
واشكركم
اخوي ناصر رد على اسألتي الله يرحم والديك وسفرتي الخميس القادم انا دافع فلوس الفنادق كلها بسكن في باتومان في بانكوك و سالا في ساموي

اهلين اخوى تامر امر ,, شوف اخوى اولا السوق بالنسبه لساعات انا ما اشتريهم من تايلند كلها لكن ماعرف اسعارهم بضبط بس علي الي اشوفه اسعارهم 1500 بات وفوق ,, ثانيا اوقات المجمعات في بانكوك علي الساعه 11 الصبح فاتحين كل شئ والاماكن السياحيه في بانكوك عندك dream world وغيرها مثل حديقة التماسيح فيها عروض وكل شئ وانت لمن تسئل راح يعلمونك بكل شئ في بانكوك ,,, اما بالنسبه لساموي فندقك رائع ومكانه جميل وساموي اذا تبي تعرف فيها السياحه وكل شئ تسئل الفندق نفسه يقولك عن كل شئ انا يمكن اقولك اماكن بس ماتصلح لك بما انك رايح شهر عسل بس انت اسئل الفندق وراح يبلغونك بكل شئ واسمحلي علي القصور يالغالي وبالسلامه انشاله ,, فمان لله

حمد لله على السلامة اخوي وان شاء الله تكون استانست
حبيب قلبي اذا ممكن استفسار بسيط بس
انا رحلتي بعد اسبوع من الآن يعني يوم السبت وبأسئلك كيف الجو هناك سمعت انه ممكن تهب اعاصير زي اللي تعرضت لها الصين قبل يومين على ما اعتقد وتوفي على أثرها اكثر من 18 شخص ممكن تفيدنا ولا عليك امر وهل السفر الى تايلند في مثل هذه الاوقات مخاطره برأيك ارجو منك الإفادة .
اخوك
حمتو

حمدلله على السلامة اخوي NaSSeR-Kuw ما شاء الله عليك 80 يوم كان ما رجعت ما مليت ما اشتقت للخليج الله يعطيك العافيه حبيب ألبي أهم شي انك رجعت لنا سالم غانم مبسوط وصراحة ما ألومك تايلند حلوه وتستاهل أكثر ننتظر منك المزيد نستفيد منك يا عم
تحياتي
اخوك طيار2006

قواك الله اخوي ناصر وماقصرت