السلام عليكم ورحمة الله وبركاته
ازيكم يا احلى اعضاء
قصتى غريبة جداا
وهى
اولا انا من مصر وساكن فى محافظة اسيوط
الغريب هو انى لم اخرج برا اسيوط الا فى السنة الماضية ومرات قليلة جدا القاهرة
كانت اول مره فى حياتى الذهاب الى الاسكندرية
انا ولدت فى الرياض بلدى الثانى وعمل بابا كان هناك فى شركة GTC كنت كل سنة اذهب الى السعودية لمدة 4 اشهر نقديها مع الوالد ثم مع بدا الدراسة ناتى الى بلدنا الحبيب
السنة الماضية وبالتحديد قبل رمضان باسبوع قرر الوالد اننا نذهب الى الاسكندرية اولا لسبب انه ذاهب للاطمئنان على المخابز اللى فاتحينها هناك طبعا الوالد كان دائم الذهاب اما انا واختى كانت اول مره
المهم قررنا اننا نسافر بالسيارة الى هتاك لقضاء اسبوع لكى نستمتع و نخرج من جو الامتحانات ((كانت ثانوية عامة))
جاء اليوم الموعود بصراحة انا مكنتش حابب انى اروح لانى معتقد ان الرياض مفيش زيها
بعد التردد خرجنا الساعة 4 العصر ووصلنا الساعة ال3 الفجر حيث ان المسافة كانت 400 كيلو من سيوط الى 6 اكتوبر و220 كيلو من اكتوبر لغاية الاسكندرية
طبعا ابن عمتى كان حاجز لنا شقة خلف الشارع اللى به المخبز
الشقة ليست بالمستوى المقبول ولكن ممكن تقول انك بعد مرور الوقت ستعتاد عليها بها تكييف وغاز طبيعي وتلفزيون
يعنى مقبولة
بدات الرحلة بان اثناء السفر على التريق الجو كان حار فى عز الليل والطريق الصحراوى طبعا السرعة كانت بحدود 120 الى 130 كلم ههه بطيئ جدا بس الوالد مبيحبش السرعة
طبعا مررنا على اماكن حلوة منها مول ((داندى مول )) على الطريق الصحراوى بين القاهرة الاسكندرية وهو طريق رائع جدا ملئ بتوكيلات السيارات وبه مولات ومكان اسمه سفارى مكان رائع بس لم ندخله
بعض الصور
هذا مول داندى مكان رائع وتجمع للمطاعم
اسف على عدم وضوح الصور بسبب السرعة والليل وكان التصوير بكاميرا ال n73
هذا اول دخول الاسكندرية
بعد الوصول الى الاسكندرية كانت الساعة 3 الفجر صورت بعض الصور لفندق اسمه مكة وبعض الشوارع
صورة للتطريق
ايه رائيكم فى البورش دى ؟؟
تويوتا ايجيبت
اليوم الاول نزل بابا وماما واختى الى بعض الاماكن مثل للتسوق كعادة النساء خ
اما انا بقيت فى الشقة كنت بتفرج على قنواتى المفضلة Nat Geo و MTV Arabia و Arab Motors
والله ما احلاها من ايام
اليوم الثانى كان احلى يوم واخر اليوم كان ملئ بالمفاجأت
صحينا الصبح الساعة 7 والغريب ان اكتشفت ان بابا وماما كانو مليانين نشاط وكانو يصحونى انا واختى عشان ننزل المكتبة
المهم صلينا الضحي وبعدها خبط ابن عمتى وكان جايب لنا الفطار وكان عبارة عن
باتيه بالجبنة و بقسماط + عصاير + جبنة رومى وجبنة شدر و خضار وفول وطعمية كان فطار لذيذ ونسيت اصوره لكم ولكن المرة الجاية
نزلنا على الساعة 10 الصبح اتمشينا بشارع خالد ابن الوليد هو شارع تحفة بالنسبة للناس اللى تحب شراء الهدايا الخفيفة ولكن لم يستهوينى ابدا
على الساعة 1 الظهر ركبنا العربية ورحنا على المكتبة وكان اروع يوم بس حصل موقف سخيف معى انا بما انها اول مرة اروح لم اعرف مكان التذاكر سألت واحد معه صديقته قلتله فين التذاكر يا كبير ((راح بص بالستغراب وقالى WHAT??????????????????????????)) انا سمعت الكلمة ديه من هنا وحسيت ان كل الناس بتبص على وبتقول ايه الجاهل ده طبعا تمالكت نفسي عشان ابين انى جيد فى اللغة والحمد لله انا دراستى كلها انجليزيى وانا جيد جدا فى المحادثة عارف انى طلعت برا الموضوع
وقلت له the tickets راح رد على واحد مصري وقالى هناك فى الشباك وشكرته وقالى عادى الموقف ده حصل معيا كتير
رحت هناك واشتريت اربع تذاكر واودعت الشنط والمتعلقات الشخصية لدى مديرة الشباك
دخلنا وانا عند الباب سالنا احد افراد الامن قال انتو خليجيين انا استغربت قلنا لا مصريين
لسبب ان الوالد ما يحب يلبس الا الجلاليب البيضاء بتاعت السعوديين وطريقة كلامه بها شبه كبير من الخليجين
ولو لاحظتو انى اكتب بعض الكلمات مثل ((الوالد )) انا بحب اللهجة الخليجية
طبعا دخلنا وبعدها انقسمنا لمجموعتين مجموعة الشباب انا واختى خ والحج والحاجة مع بعض
طبعا رحنا لقسم الكتب والروايات ودخلنا على النت كان تصفح لمنتدنا الغالى استمر الوضع لغاية الساعة 5 العصر
بعض الصور للمكتبة
من الخارج
على فكرة الموضوع لم ينتهى بعد
نكمل غدا