بصراحه اخوي على حسب تجربتي الشخصيه
قراند حياة ماينفع لواحد متزوج لانه اكثره شباب وتعرف التجمع الي يصير في اللوبي
عني افضل فور سيزون احس احسن مع اني ماسكنت فيه بس دخلته مره وكان هادي
اما عن سفير الدفي مامريته بس فيه عندك فندق النيل هيلتون
حلو واسعاره معقوله مع انه قديم ومجدد قريب بس الفندق واحد من الشباب يسافر ويسكن فيه ويمدحه
وعندك كمان فندق نبيله يمدحونه الشباب مع انه ماعمري جيته بس شفته من برا
وياليت اكون افدتك لو بالشيء القليل
تحاتي لك

فندق السفير جاي بالغلط معهم
وش جاب الثرا للثريا
ما فيه مقارنه .. صحيح انه مصنف من الخمس نجوم لكن حرام !! حده ثلاث نجوم بس
فندق النبيله افضل منه بكثير خصوصا الموقع
وعندك فندق ام كلثوم نضيف للعوائل

فندق سفير الدقي مايميزة الهدوء والسعر سعره تقريبا الان 65 دولار الغرفة المزوجة
اما الفنادق التي ذكرتها طبعا مثل ماتفضل الاخوان مستواها جدا ممتاز ولايوجد مقارنة مع سفير الدقي

يعني ما ينصح السكن فيه أنا محتار !!!! يقولون انه تم تجديده ليتواكب مع فئة الخمس نجوم هل هذا صحيح .

سفير الدقي افضل بكثير من النبيله
ليه يتميز سفير الدقي بموقعه الجميل والهادئ وبجواره اغلب المطاعم العالمية ويستاهل 4 نجوم اما النبيله ازعاج وصجه بشارع جامعة الدول واستقبال زي الزفت خذها مني انا سكنت في السفير وكنت مرتاح جدا

الزبدة السفير ولا النبيلة؟؟؟؟؟؟؟؟؟؟؟؟
ارسوا على بر

اسمع يا أخوي، توّي جايّ من مصر المحروسة، وساكن في السفير، وهو ما عليه نظيف وهادي وعلى قدّ فلوسه، لكنه بصراحة ما يستاهل خمس نجوم، صحيح أنه هادي ولا فيه إزعاج.
وأنا شفت النبيلة بصراحة سعره اغلى من مستواه ومزعج على شارع مزعج، أنصحك بصراحة بفندق هادئ جدا جدا وقريب من شارع جامعة الدول العربية (دقيقتين مشي) ورخيص جدا، اسمه: (فندق زايد) أخذته بأربعين دولار مع الإفطار، غرفة كبيرة فيها سريرين، سكنتها وحدي، وانتبه ترى عندهم غرف صغار جدا جدا وغير نظيفة فيها سرير واحد، اشرط عليهم كبيرة ونظيفة.
هذا الفندق أعتبره أحسن شي مقارنة مع سعره، وحوله مسجد وبقالة ومطعم العمدة المشهور الذي خلف فندق الأطلس.
وصفه: إذاخلّيت فندق النبيلة على يمينك لفّ بعده مباشرة داخل الحي وامش، وانحرف مع الشارع يمين ستجد حديقة هو خلفها.

فندق النبيله انا دخلته اتفرج وشفت الغرف يستاهل نجمتين 0 شهرته علشان موقعه بس 0 سفير الدقي انا ماشفته بس يمدحونه

الله لا يحوشك السفير كنسلناه وقررنا الأقامة 5 ايام الشيرتون و5 الكونوراد و4 حياة غراند وش رأيكم وكنسلنا بعد رحلة شرم والأسكندرية لأن القاهرة بها بحر ويكفي تقول المدام .