ألأخ وله الأفضل لك السكن في شقة في ترابيا تضع فيها عفشك وتروح بعدين الى ترمال والجبل ثلاث ليالي وترجع شقتك وبعدين لا تروح الى انقرة لأن الجو فيها حار جداً وما فيها اماكن سياحية ولكن انصحك بالتوجه الى منطقة ابانط على طريق انقرة ففيها الجو بارد لمدة ليلتين فقط وبالمناسبة انا رايح اسطنبول وشكراً لك .

اهلين اخوي
على فكره انا بنت وبسافر مع عائلتي ،،
ونبي نسكن في فندق ،، طيب ماتشوف انه حرام نقعد في فندق وندفع فيه الليالي كلها وبعدين نروح ليالي ثانيه في اماكن اخرى؟؟
مادري ياليت تفهمني
مشكور

فاهمك ياوله لكن منطقة ترابيا ما فيها فنادق غير الفندق اللي على البحر وهو مغلق للترميمات فلا بد من شقة وعساني فهمتك .

اهلين مرة ثانيه
محد جاوبني مثل ماابي ،، انااقول هل نقعد في ترابيا على طول يعني كل مدة الاقامه؟؟ ولاكل شوي نقيم في مكان؟.؟
ولو رحنا ترابيا وين نسكن بالضبط وش احسن مكان فيها واسم الفندق ايضا،،
ولو نبي نقيم كل شوي في مكان وين الاماكن الحلوه والمهمه الي تكون بارده ؟؟
علما باننا سنقيم 18 يوم بس
وشكرا لكم

هلا اختي وله ,,
اتمنى لج رحله موفقة ان شاء الله ,,
واذا تبين نصيحتي فانا افضل تكون محطتكم الاولى هي ترابيا وتقعدون فيها اسبوع تقريبا والشقق افضل ,,بعدها تروحون منطقة يلوا ووسيلة الانتقال بواسطه الباخره ,,
فلكم الحريه باختيار السكن اما يكون على يلوا وهي منطقه على البحر مباشره او منطقة ترمال وهي منطقه جبلية والطبيعه فيها ولا اروع ,,وهي تبعد عن يلوا 10 دقائق او اقل ,,
بعدها زوري بورصه لانها تستحق الزياره واحلى الاسواق تلقينها فيها وهي تبعد عن يلوا تقريبا ساعه بالباص,,
وان شاء الله فهمتج وجاوبت على اللي انتي تريديه ,,
واذا تبيني اساعدج في حجز الشقق في يلوا وترمال راسليني وراح اعطيج رقم مكتب في يلوا ,,
لك خالص تحياتي ,,

أختي وله....
لكي الإختيار :
1- إستنبول 5 أيام في منطقة ترابيا وزيارة( السوق المغطى-مسجد أيا صوفيا-السلطان أحمد- جزيرة الأميرات....)
2- الذهاب إلى يلوا بواسطة الباخرة (الفري بوت) سعر الشخص على ما أعتقد 9ريال.
3-الوصول إلى يلوا وتاخذين شقة على البحر بسعر 35-40 دولار .موقع ولا أحلى على البحر وجو جميل حدا وأسواق ومطاعم تجلسين فيها 5 أيام.
ومن يلوا ممكن الذهاب إلى منطقة تيرمال وهي تستغرق 10 دقائق تقريبا.. منطقة جبلية باردة وبها المياة الحارة ..ممكن تروحين لها وقت ما تريدين.
وفي منطقة إسمها شنارشك يقولو إنها جميلة لكن ما رحتها
4-الذهاب إلى بورصة بالباص ممكن 4-5 ريال للشخص لمدة 4-5 أيام ...يوجد بها أسواق كثيرة .. يوجد الجبل مكان جدا جميل ولا تنسي الشوي .. الشجرة العملاقة..الشلالات :يوجد شلالاين واحد صغير في بورصة والثاني كبير بعيد عن بورصة لكن البعيد يستاهل....!!!
5- العودة إلى إستنبول في منطقة إسمه اكسراي إذا تريدو التسوق..منطقة بجوار القطار ممكن تتنقل منها إلى عدة أماكن عن طريق القطار ممكن 1 ريال
وفي منطقة إسمها أبانت سمعت عنها إنها جميلة لكن للأسف لم أذهب لها..
أرجوا أكون أفدتك بحاجة...
ومرة ثانية لا تستعجلي بالكتابة...ذكرتيني بيونس شلبي

اهلين مرة اخرى
يونس شلبي تتحدث خ
اشكركم كلكم انمار ، همسة امل , ابو روز
الحمدلله افدتوني وجزاكم الله خير
بس ابي اعرف بعد ،، كيف الاسعار عناك والمعيشه هل هي رخيصه ام غاليه ،، يعني تقريبا 18 يوم كم تقريباممكن تكلف سكن مع معيشه؟؟
وهل يوجد اماكن اخر ى باردة جدا وهل يوجد الحين ثلج في هاليومين لانه صيف وحر؟؟
وشكرا لكم
مع تحيات يونس شلبي

ردو وافيدونا بعد ترا من جد زهقنا لاجابات شحته اعوذ بالله !!!!!!!!

اهلين
ايه والله حسسوني اني شحاته على باب الحرم
باي