ناصر..
اشيا ثانيه واحد استلم يا معلم :
1- اكثر شي العمله هناك يورو ولا دولار .. اصرف لك كم من روبيه عشان البخشيش
2- البلاد تقدر تروحها من اولها لأخرها ب 3 ولا 4 ساعات .. يعني لا تبني امال واجد عليها بس صدقني من جمالها ودك كل يوم تروح نفس الاماكن ..
3- الشواطيء في كل مكان تجنن ونيفه
4- الشعب مسالم جدا وطيب بس ما راح تحتك فيهم وايد
5- روح الحديقه الوطنيه تجربه جميله بس متعبه لانك تطلع فوق فوق فوق فوق لين توصل القمه وتشوف البلد كلها بس نصيحه حاول تتمشى بالحديقه وبعدين اركب سياره يوديك لفوق لانه متعب الدرب بيني وبينك مشي
6- شي جزيره جنب سيشل تابعه لها نسيت اسمها .. ما ادري شو راي الاخوان فيها بس اغلب اللي اعرفهم ما نصحوني فيها على اعتبار مافيه شي غير اللي في سيشل وصغيره وايد واصلا سيشل صغيره ما بالك بللي اصغر عنها + السفر لها بالبحر او بالجو يعني ليش تعور راسك مصاريف وسفر بس اذا تبا تغير جو ليش لا
7- شوف تقارير الشباب فالمنتدى وبالذات استاذنا بو عزوز .. لازم لازم لازم تمر على تقاريره وتجاربه ..
وبس

انا كنت مجاوب على اسئلتك بس مادري وين طارت الاجوبه ..
ابي منكم خدمة كبر النملة تدلل
بسافر شهر عسل لجزر سيشل تروح وترد بالسلامه
وابي التالي
كم يوم ينقعد فيها..... 5 - 8 ايام
وهل تصلح للازواج الجدد...... بشده
وكم أخذ وياي اذا شهر....... انسى مووضوع الشهر
وهل الديرة غالية...... هيه
واي منتجع اسكن...... انصح بالفورسيزن بشده واختار هيل توب فيلا
وعلى اي طيران اسافر....... الاماراتيه على الاغلب