رند
بالنسبة لمدريد
المطاعم كثيرة جدا ومتنوعة
وبالنسبة للأسواق فلا يفوتك سوق اسمه la bagoada ويطلق عليه دائما اسم مدريد دوس
وبالنسبة للمعالم حديقة ريتيرو إذا كنتو يوم الأحد
حديقة كاسا كامبو يوجد فيها تلفريك ومدينة ألعاب وحديقة حيوان
محطة أتوتشا للقطارات رهيبة وفيها حديقة استوائية
قصر الشرق
وممكن تطلعون إذا معاكم سيارة وتقضون اليوم في طليطلة toledo
وممكن تطلعون على طريق a6 لمدينة اسمها بيالبا ومنها إلى نبا ثيررادا وراسكافريا وترجعون على طريق برجوس لمدريد مرة ثانية
وأي شي أنا في الخدمة بس مدريد يبي لها اسبوع على الأقل مو يوم

جزاك الله خير على ردك ...
بس من جد ماادري ليه حسيت ان مدريد ممله (كعاده العواصم دايما)
ففكرت نطلع لبرشلونه والجنوب وسان سباستيان افضل ...ونخلي مدريد مجرد محطه للهبوط والاقلاع ...
بس من جد ردك مفيد جدا ...مافصرت اخوي ...
بس سؤال :
حديقه ريتيرو ..ماتفتح الا الاحد ؟؟؟
قصر الشرق ماذكرت وش هو بالضبط؟؟
وسؤال بعد

1. طالما ما عندكم إلا يوم واحد ، ممكن يكون برنامجكم كالآتي:

أفضل خيار ، هو استخدام الباص السياحي ، لأنه يتوقف عند جميع المعالم السياحية المهمة التي تقع وسط مدريد .. وعند كل محطة بإمكانكم النزول وزيارة المعلم السياحي والعودة إلى الباص مرة أخرى ، وهكذا .. و الفندق بإمكانه إنه يدلكم على أقرب محطة للباص السياحي ، وكيف تشترون التذاكر ..
بالنسبة لأهم المهم من معالم مدريد .. فهي كثيرة .. لكن من وجهة نظري أهمها هي حديقة الريتيرو، ويوم الأحد ممتع أكثر مثل ما ذكر الأخ زمان بسبب كثرة الزوار ، لكن هي جميلة في أي يوم .. ويجب زيارتها ..
كذلك ، هناك القصور الملكية الواقعة في وسط مدريد ، ومتحف رينا صوفيا إذا كنتم مهتمين باللوحات الفنية وخاصة لوحة بيكاسو الشهيرة .. وكذلك متحف البرادو وهو متحف للفن كذلك، وأيضاً متحف الشمع ..
هناك معالم أخرى من المهم زيارتها كذلك ، مثل الساحة الكبرى (plaza mayor) ومنطقة شارع القران بيا وبوابة الشمس puerta del sol ، وهي مناطق المطاعم والتسوق وفيها محلين كبار للكورتي انجليس، أحدهما عند القران بيا ، والثاني عند بوابة الشمس، والكورتي انجليس في اي مدينة نسخة من الثاني تقريبا .. يعني سواء زرتوه في برشلونة أو مدريد أو ماربيا ، كله واحد ..
الحاجة المهمة اللي لازم تهتمون فيها هو وقت الإقفال لبعض المعالم السياحية ، يعني مثلاً القصور الملكية تسكر بدري في حدود الساعة ستة مساء ، بينما متحف رينا صوفيا يتأخر إلى حوالي الساعة تسعة .. ولازم تتأكدون من المواعيد لأنها تتغير ..

طالما ما عندكم إلا يوم واحد ، ممكن يكون برنامجكم كالآتي:

ممكن تبدون بالقصور الملكية في حدود الساعة تسعة صباحاً ، ويحتاج منكم ساعتين تقريبا إذا كنتم راح تعطونه حقه من الزيارة ، وبعدها تتجهون إلى الساحة الكبرى وبوابة الشمس وهي قريبة من القصور الملكية مسافة مشي في حدود ثلث ساعة .. وهناك ممكن تتسوقون وتجلسون في أحد مقاهي الساحة الكبرى ، وبعد الانتهاء من منطقة التسوق ، تتجهون لحديقة الريتيرو ، وتحتاجون تمضون فيها وقت طويل لأنها كبيرة ، ولأنكم بالتأكيد راح تجلسون في أحد المقاهي الكثيرة في الحديقة .. والأفضل إنه يكون دخولكم للحديقة عن طريق شارع الكلا ، والخروج من الجهة الأخرى القريبة من متحف رينا صوفيا ، وزيارة المتحف ، ومن ثم محطة أتوتشا القريبة منه .. بعد كذا يبقى إذا لسه فيكم حيل ، عندكم متحف الشمع ، وهو بعيد شوي عن محطة أتوتشا ، يعني بتحتاجون للتاكسي أو للمترو .. وهو يجلس فاتح إلى وقت متأخر ، أتوقع الساعة عشرة ..
بهالبرنامج اللي فوق ، أتوقع إنكم بتكونون شفتوا أهم معالم مدريد في وقت قياسي .. لكن لاحظوا إنه يتطلب الكثير من المشي .. وإذا تبون تقللون من مسافة المشي ، فما عندكم إلا استخدام المترو ، وراح يوفر عليكم كثير .. وأنا قد مشيت على هذا البرنامج في صحبة أحد الشباب لأريه معالم مدريد في أسرع وقت ، واستغرق منا قرابة خمس ساعات ، بدون متحف الشمع .. وباستخدام المترو .. وبزيارات سريعة وخاطفة .. يعني ممكن تتوقعون إن هذا البرنامج ياخذ منكم قرابة عشر ساعات أو أكثر إذا كنتم على راحتكم ..
يعني ساعتين في القصور الملكية .. وساعتين في الساحة الكبرى وبوابة الشمس شاملة التسوق والجلوس في أحد المقاهي .. وساعتين في حديقة الريتيرو .. وساعة في متحف رينا صوفيا ، وساعة أخرى في محطة أتوتشا .. وساعة في متحف الشمع .. وساعة للغداء .. والعشاء بيكون في نهاية الرحلة ..
ولو بديتوا من الساعة تسعة ، راح تنتهون عند الساعة سبعة في أقل تقدير .. وممكن إنكم ما تبدون إلا الساعة 11 الصباح بحيث تنتهون عند الساعة 9 وهو وقت وجبة العشاء في اسبانيا ..
وعلى كل حال ، هذي الأوقات مجرد تقريبية .. ويعتمد عليكم كم تمضون في كل مكان ..
وأرجع أقول نفس الكلام اللي قلته في البداية ، إنه الباص السياحي أفضل وسيلة ويوفر عليكم كثير من الجهد .. لكن يظل البرنامج اللي فوق لا بأس به .. وبالنسبة للمطاعم ، فلا تحرصون كثير ، متى ما حسيتوا بالجوع وصادفتوا مطعم شكله كويس اجلسوا فيه وعينوا خير ..
وعلى كل حال ، إذا كان ما يهمكم المتاحف ، ممكن تتوجهون بعد حديقة الريتيرو إلى منطقة التلفريك اللي قال عليها الأخ زمان ..
تحياتي

اخوي البرواز ...
من جد من جد مو عارفه شلون اشكرك ...
احس انك رتبت لي افكاري ...وبديت اتخيل يومي في مدريد ...
نردها لكم بالافراح ان شا الله .....
جزاك الله الف خير ...

اخت رند مدريد رائعه انا حبيتها مع اني ماجلست فيها الاليلتين يعني 3ايام وندمانه للحين اني ماعطيتها حقهالانها تستحق الزيارة الطويله لها عالاقل اسبوع بس انا ذوقي يمكن يختلف عنك لاني اعشق العمران والمباني الجميله

هلا اخت aaj789
انا من كثر ماقالوا لي عن برشلونه تحمست واجد وقلت بحط حيلي فيها ...
والله اسبانيا يبيلها الظاهر كذا زياره عشان نغطيها
انا مثلك احب العمران والجمال في المباني ...
ياليتني طولتها ليومين ...
بحاول اشيل يوم من الجنوب واضيفه لمدريد