هلا اختي سحاب ،،،،
الله يشفيها يا رب و يطمنج عليها .... شوفي اختي راح اعطيج شقق سكنيه نظيفة و ممتازه و موقعها حلو تبعد ربع ساعه بالسياره عن المستشفى .. فيه شقق جنب المستشفى بس بصراحه ما انصح فيهم لأسباب ... عموما انتي اذا رحتي هناك تقدرين تقررين ... و من ناحية الأكل لا تشيلين هم ابدا ... الأكل الحلال و العربي متوفر بكثره و راح اعطيج كافة العناوين اذا تأكد سفركم بإذن الله ...
هذي الشقق هنا http://www.oakwood.com/corporate-apartments/furnished/US/VA/Arlington/prop6.html

حياتي ماقصرتي
وان شاءالله راح اتواصل معاج بعد ما يتقرر كل شي باذن الله
وشكرا عالمعلومات

السفر احتمال يكون اخر 3 او اول 4
ياليت المزيد من المعلومات كل ما احتاجه قبل واثناء وبعد السفر
الجو
اشياء مهمه لازم تكون معاي
شسوي بطول الطريج من الكويت لي امريكا مع بنتي اخاف تاذيني بالطياره عمرها سنه
وياليت تفيدوني بخصوص السكن والمواصلات والاكل
وشنسوي بوقت الفراغ
بانتظاركم

مرحبا
السكن ماقدر افيدك لاني جلست بس 4 ايام في فندق
لكن بالنسبه للمواصلات استخدمو القطار او المترو خذو كرت حق اسبوع او شهر اوفر لكم وفيه باليوم وفيه حق مره وحده
حق مره وحده بدولار
ويوم ب 7 دولار
افضل اذا بتجلسون فتره خوذوه بالاسبوع او الشهر والاستخدام مفتوح
وهو مريح وسريع ومنظم
ومحطاته كثيره
التكاسي هناك غاليه استخدموها للشديد الاوي وتنقلات المطارات
بالنسبه للاكل
المطاعم هناك وش كثرها واسعارها معقوله
منها مطاعم الوجبات السريعه ومطاعم عالميه
عموما واشنطون مو حق سياحه يعني مدينة عمل واحسها من وجهة نظري كئيبه
لكن فيه بعض الاسواق مثل بنتاغون مول
عندك شارع ام ستريت
وممكن تطلعون بالقطار لولاية فرجينيا نص ساعه بالقطار عن واشنطون
والولايات المجاوره
الله يشفي بنتك

مشكوره امونه
طيب فيدوني وين ممكن اروح اذا ملينا
يعني اكيد بنظل فتره هناك و نبي نغير جو على قولتهم
اماكن سواء داخل او خارج واشنطن
ولو بنروح سينما وين نخلي بنتي مانقدر ندخلها معانا صح

السلام عليكم انا بسافر نهاية الشهر لواشنطن دي سي بعالج ابنتي في مستشفي children national medical center
وهذه اول زيارة لي لامريكا فأبي اعرف شنو احسن الفنادق والا الشقق الفندقية ودي اسكن في Homewood Suites by Hilton Washington شلونا نظيف والا لا وبالنسبة للكويتين شلون المعاملة في المطار انا بنزل ترانزيت نيويورك وبعدين مطار رونالد ريجان شنو الاجرارات اللي يسونها في المطار وثانيا التكاسي رخيصة والا غالية وشنو المجمعات الحلوة اهناك ووين الاماكن اللي ساكنين فيها العرب وبالمستشفى في مترجمين فساعدوني بأقرب وقت

انا بعد موعدي بالمستشفى 31/3 ان شاءالله بس ناطرين الفيزا اذا خلصت
ولحد الحين ماحزت فندق والدكتور قاللي المده كلها 3 اسابيع فما اتوقع ينفع شقه
ودي بمكان فيه لويه وحوسه مو شرط عند الفندق
عشان وقت الفراغ ممكن الواحد يقدر يطلع ويتسوق او يتمشى
ياليت مزيد من المعلومات عن المستشفى عن المنطقه

buffon
اتمني لك ولبنتك وللجميع الشفاء ولاتنسونا من دعاءكم
حاول تاخذ رحله علي مطار غير نيويورك مايمدحونه اقل شي المطار متعب وعليه زحمه مو طبيعيه حاولوا تنزلون اي مطار ثاني قريب
الشي الثاني لو كانت خطوط طيران اجنبي افضل ولكن ربما تعاملهم مع الكويتيه احسن من السعوديه لانه كلش طيراتنا من توصل صار استنفار عندهم حتا لو مايحسون الجماعه بهالشي بس في احتياط اكثر من لو كنت بروحك مع طيران اجنبي مهمه هالنقطه