السلام عليكم
من ينبع للمدينة المنورة 230 كم
ومن المدينة المنورة إلى القصيم حدود ال 500 كم
وبالنسبة لباقي الأسئلة إن شاء الله الاخوان ما يقصرون
تحياتي لك ..

turkiq
حياك الله بين اهللك

حياك الله بالقصيم ..
1- كم المسافة بالضبط بين القصيم وينبع او بين القصيم والمدينة وكيف الطريق؟
ما قصروا الاخوان اللي قبل بالاجابه : )
2- احسن اماكن للسكن بمدن القصيم (اماكن خمسة نجوم) مع اسعارها
خمس نجوم عندك فندق موفنبيك ببريده ..
وفيه شاليهات بودل بعنيزة جداً ممتازة وتلاقي لها صور بالنت ..
3- الاماكن التي تستحق الزيارة بالقصيم (اسواق شعبية / مطاعم / متنزهات / الخ)
فيه المسوكف بعنيزة .. مكان شعبي يعرض فيه اشياء شعبيه + بيت البسام التراثي
وبالنسبه للمطاعم .. فيه المطاعم المعروفه ( بتزاهت - ماك - هرفي - هارديز - دومينوز - برجركنج ...... الخ )
هذولي كلهم على طريق واحد ( شارع الزلفي ) عنيزة .. يسار دوار الساعه ..
واذا تبي رز شغل صح 100% عندك مطعم ( المنصى ) بنفس الشارع ..
وفيه ب حي البديعه ..محل مشاوي ممتاز ( فود سنتر ) لا يغرك شكله وحجمه عادي .. بس طعمه ممتاز ونظيف ..و جنبه مطعم يصلح فطاير حلوه يصلح فطور اسمه ( فرش )
و فيه مطعم هندي فيشون .+ سينيز =< بريده
مطعم اشاز هندي =< الرس .. وفيه محل حلويات اسمه ( حلى ) بالسوق التجاري بالرس يجيب اشياء حلوه وغريبه ..
وبالنسبه ..
الاسواق ( عنيزة مول وقدامه سوق محلات عاديه وسنتر بوينت -> عنيزة + النخيل بلازا والعثيم مول في بريده +
المنتزهات .. مسطحات خضراء او تسمى - الحاجب -> عنيزة ..
4- ادور مكان يبيع قماش المجالس الشعبية ابو طير .. وين احصله؟
5- سمعت عن محلات مشهورة تنجد مقاعد السيارات بشكل احترافي .. اساميها واماكنها ؟
اسأالك عنهم وارد عليك ..

اللي عرفته منك انك بتروح للقصيم ك سياحة
نصيحه وانا اخوك لاتروح للقصيم ( مافيها شيء مميز ) روح للمدينة وصل في المسجد النبوي او لمكة وخذ عمرة
او حاول تغير جو للشرقية
بالتوفيق

ابوالاصايل
ابو الاصايل .. الله يجزاك كل خير ..
اشكر لك كرمك بالاجابة على الاسئلة وانتظر الاجابة
على السؤالين الاخيرة لانها بصراحة الطلعة حج وبيع سبح
وتراك فتحت نفسي على الاكل ..

mr waleed
شكرا على التعقيب اخوي وليد ..
لكن الطلعة لمكان جديد هو بالنسبة لي امر ممتع حتى وان لم يكن هناك اي شي مميز ...
القصيم وحايل والشمال هذي كلها مناطق ما سبق وجيتها بحياتي ... ومكة والمدينة من فضل الله ما ننقطع عنها بحكم القرب .. واما الشرقية قد عشت فيها 8 سنوات والنفس طابت منها.

السلام عليكم /
المعذره على التأخير ..
بالنسبه لمحلات التنجيد يمدحون لي محلين اللي هم ( النافوره + الشلال ) بعنيزة وعلى كلامهم زي شغل الوكاله ..
ويمكن اسعارهم غاليه شوّي .. لكن سيّر عليهم وخذ لك فكره ..
واعتقد ان الشلال له فرع ببريده لكن مانيب متأكد ..
والمجالس الشعبيه ..
فيه محل ( السنيدي ) ببريده مختص اختصاص كاامل بلوازم الرحلات .. والخيام .. اتوقع عنده اللي تبي ..
وايضاً محل ( المرباع ) بعنيزة .. ومحل ( الشرق ) بحي الفاخريه .. بعنيزة ..
زياره موفقه ان شاء الله ..