اهلين اخوي رواف ..
اول يومين خذ الباص السياحي .. يوديك كل المناطق السياحيه داخل باريس .. مدة التذكره يومين .. ب 120 ريال تقريباً مو متأكده .. يمشي من 8 الصباح الى 8 الليل ..
ثالث يوم روح ديزني .. و اخر اليوم في الشانز ..
رابع يوم روح قصر فيرساي .. و بعده روح الحي اللاتيني ..
اعتقد كذا تلف باريس كلها باربع ايام

حيا الله اخوي
ممكن تشوف الرابط هذا فيه اهم الأماكن في باريس بشكل مرتب وبالصور
https://artravelers.com/p/re/170642
تحيتي لك
اختك paris 4ever

mzoon
شكراً أختي مزون .. والله أحرجتيني بكريم خلقك وطيب أصلك.
يعني ما قصرتي معي كثير في الإمارات .. وما راح أنسى فضلك وتعاونك معي.
ربي يسعدك ويوفقك
بس بأسأل .. هل الباص السياحي له موقع على النت ؟
مع خالص احترامي

paris forever
ألف شكر أختي
وحملت الصفحات كلها.
يعطيك العافية ويجزاك ألف خير
مع خالص احترامي

اهلين اخوي رواف ..
هذا موقع
http://www.viator.com/tours/Paris/Paris-City-Hop-On-Hop-Off-Tour/d479-2916PAR?pref=02&aid=g3254&gclid=CPnUv4m6upMCFQTQugoddzCMBw
بس اللي انا جربته غير .. هو فيه كذا شركه ..
مدري وش الفرق ..

شكراً مزون .. ألف شكر لك
بالنسبة للمخطط حقك وحق باريس فوإيفر
ممتاز ورائع
وأنا شفت حقها ومخططها جداًرائع.
وأيضاً هذا جدول يحوي جميع الأماكن السياحية المهمة في باريس
https://artravelers.com/p/re/146592
عندي عدة أسئلة:
1
لو قلت لك يا مزون .. ويا باريس فورإيفر
أريد تخطيط هذا الجدول في أربعة أيام.
كيف تخططونه من دون الباص السياحي...لأنني أعتقد أنني لا أحتاجه في ظل وجود المترو.
2
دزني لاند .. هل هي خارج باريس .. وكم يكفيها من يوم ... وهل تصلح لشخص واحد فقط؟
3
برج إيفيل .. هل أقص التذكرة وأدخله في نفس اليوم .. أو أقص التذكرة في يوم والدخول في يوم ثاني؟
لأني أذكر أنه فيه زحمة عليه ويمكن يأخرني كثير.
شكراً لتعاونكم
مع خالص احترامي

نسيت شيء مهم
برنامجي يبدأ من الساعة 8 الصباح حتى 9 بالليل.
على ضوءها أتمنى وضع البرنامج
مع خالص احترامي

هلا أخوي Rawwwaf : )
بالنسبة لترتيب الجدول :
يوم الوصول : الذهاب للشانز واكتشاف المنطقه الى قوس النصر ثم الذهاب لزيارة متحف (( ياخذ منك وقت من 2 الى 3 ساعات ))
اليوم الثاني : الذهاب الى منطقة المونمارت + ثم العودة الى الشانز ومنها زيارة ساحة الكونكورد + ثم زيارة منطقة اللاديفانس
اليوم الثالث : من الصباح الذهاب الى الحي اللاتيني ومنها زيارة الكنيسه نوتردام
ثم بعد ذلك الذهاب الى برج ايفل وقص التذكره من هناك وصعود البرج ((مايلزمك تقصها قبل بيوم قصها من نفس اليوم )) ومن ثم التوجه لنهر السين وتاخذ جولة فيها وممكن بوجبه سواء عشاء او غداء او بدون وجبه
اليوم الرابع : زيارة دزني لاند وهي تكفي ليوم واحد تروح من الصباح باكر الى المساء وهي ممتعه بصراحة حتى لو لشخص واحد
حاولت اجمع لك أهم شئ قد ماقدر
بوضح لك شئ بالنسبه للمسافات :
الشانز يبدأ من ميدان الكونكورد الى قوس النصر وبجمبهم متحف اللوفر يعني هذولي جمب بعض كلهم مشي من الشانز
منطقة اللاديفانس تبعد عن الشانز من 10 _ 15 دقيقه
برج ايفل طبعا هذا بعيد مره عن الشانز وهو جمبه نهر السين
المونمارت يبعد تقريبا حول نصف ساعه عن الشانز
دزني لاند برضو تبعد حوالي نصف ساعه
حاولت اختصر لك قد ماقدر واذا حاب تضيف بعض الأشياء وحاس انو ماعندك مشكله وتضغط نفسك مافي مشكله لأن في اشياء كثيره ماحطيناها بس انا التزمت بالجدول اللي حطيته
ممكن تضيف منطقة الأوبرا + مول غاليري لافييت ممكن تحطهم اليوم الثاني
وبعد قصر فرسااي ماحطيناه لأن هالقصر يبيله يوم كامل وهو بعيد عن وسط باريس اذا حاب تضيفه ممكن نحذف شئ ونحطه مكانه بس انت شوف وش ميولك وايش حاب
وان شاءالله تسافر سفره حلوه وتتوفق فيها

انا اذا شفت اللون الاحمر ادري اني خلاص مالي داعي .. باريسو حبيبتي دايم اجاباتها كامله و وافيه و مرتبه ..
بس حبيت اضيف شي بسيط مره .. قصر فرساي تقدر تحط له 3 ساعات .. ساعه الطريق روحه و رجعه .. بالرير طبعاً .. و ساعتين تتمشى فيه .. و نصيحه .. لا تدخل داخل القصر نفسه مافيه شي .. خلك بالحدايق و خذ لفه على القصر من برا .. يكفي ..
و موفق ان شاء الله