Seven Seas
07-09-2022 - 08:14 am
السلام عليكم ورحمة الله وبركاته
اخواني الاعزاء هذا واحد من الشباب يبي يسافر لماليزيا ومتوهق
يبي يروح لمدة 15 يوم
ومايبي يفوت شي
الاماكن اللي يبي يزورها هي
كوالا طبعا
لانكاوي
بيننانج
جنتنق
القريه الفرنسيه
صن واي لاقون
بس موب عارف الترتيب وايش الافضل التنقل بينهم بالتاكسي او القطارات ان وجدت ؟؟؟؟
علما بانه بيروح بعدها لسنغافورا بس سنغافورا قد راح لها
متلخبط بماليزيا
ارجو منكم التكرم باعطائي برنامج مقترح ومرتب لاهنتوا
بانتظاركم
بالنسبه لرأيي
يروح اول شئ صن واي لاقون ( سيلنجور ) لمده يومين ..
فندق (صن واي لاقون )
## هذي المنطقه .. فيها مدينه مائيه .. وملاهي ... ومركز تسوق .. كثير حلوه هالمنطقه
بعدها يروح جنتنق لمده يومين ..
فندق ( فريست وورلد )
والقريه الفرنسيه تبعد عن جنتق ساعه او 45 دقيقه تقريبا ... بس ما ادري كم تبعد عن كوالا ..
بس القريه الفرنسيه مافيها شئ يعني يروح لها ويرجع بنفس اليوم ...
انا عن نفسي كنت رايحه جنتنق 3 ايام ويوم رحنا من جنتق القريه الفرنسيه وبنفس اليوم رجعنا لجنتق ..
## جنتنق ... منطقه جبليه ... فيها ملاهي داخليه وخارجيه .. ومركز تسويق ... وتلفريك ... ويقدر يروح القريه الفرنسيه ومزرعه الارانب ...
بعدها يروح لانكاوي 4 ايام ..
فندق ( وستن لانكاوي ) >> شيراتون بردانا سابقا
او منتجع ( بيلانجي بيتش )
واذا حاب انه يتنقل يقدر يخلي يومين فندق ويومين منتجع .. وراح يستانس
## لانكاوي ... فيها عالم تحت الماء .. رحله لنهر المانقروف ... تلفريك لانكاوي ومركز تسويق ... الشلالات ... وحديقه الفواكه والبيتش .... والعاب بحريه ..
بعدها يروح بينانغ 3 ايام
فندق ( بي فيو بيتش )
## فيها هالمنطقه ... هضبه بيانغ عن طريق القطار .. ورحله لجزيره القرود ... وحديقه الفراشات
والسوق الليلي ... ومطعم السفينه ... ومركز تسويق (كوين دي مول )
كوالالمبور 4 ايام
فندق ( المندرين اورنتال ) مطل ع البرجين وخطير
وعندك فندق ( تريدرز ) بعد حلو ...
## كوالا فيها ..مجمع سوريا التجاري قريب من الفندق ومن البرجين ..
شارع العرب ... وفيه مطاعم حلوه وكله مجماعات وتسوق
حديقه الطيور ... حديقه الفراشات ... حديقه الحيوانات
افاموزا يشمل حديقه حيوان ومدينه مائيه و منتجع وشاليهات
البرجين وبرج المناره.... دولاب الرصد( عين ماليزيا )
اكواريا عالم تحت الماء ..
مجمع الفير ومنتجع الماينز >> هذولا عند فندق الخيول الذهبيه ..
بس الفندق مايستاهل تسكن فيه فخامه بس خارجيه
هذا جدول لمده 15 يوم ... ومرتب ... ان شاء الله وفقت في مساعدك ...
وبالتوفيق