أهلا بك ياعريس وألف مبروك على العرس
تفضل هذي أحلى فنادق للعرسان
سلانقور : صن وي لاقون البرج الرئيسي
لنكاوي : ويستن لنكاوي غرفة ديلوكس على البحر
بينانج : بارك رويال غرفة ديلوكس على البحر
كاميرون هايلاند : كاميرون هايلاند ريسورت (بس غالي) أو دي لي فرانس سعره مناسب
كوالا : تردرز غرفة ديلوكس مطلة على البرجين وإذا تبغى على شارع العرب ماريوت أو ويستن
وإذا تبغى شيء إقتصادي خذ في فندق بيكولو وكلها على شارع العرب
تمنياتي لك برحلة موفقة وشهر عسل زي العسل

المغادرون
الله يبارك فيك ..يعطيك الف عافيه وبيض الله وجهك ..
نبدأ بالاسئله الثانية ^_^
طرق التنقل بين مدينه واخرى
مثلا انا وصولي راح يكون لمطار كوالا
وجدولي اول مدينه لي سلانجور
كيف الأنتقال من كوالا الى سلانجور ؟
والانتقال من سلانجور الى لنكاوي
والانتقال من لنكاوي الى بينانع
ومن بينانتغ الى الكاميرون هايلاند
واخيرا الانتقال من الكاميرون هايلاند الى كوالا
::
واذا الانتقال بالطيران الداخلي
نصائحكم بخصوص الحجز ..
هل احجز واضبط كل شي من هنا ؟ولا اذا وصلت اقدر احجز بسهوله؟

هلا بك ياغالي
شوف الله يسعدك سلانقور لصيقة كوالالمبور كأنهم مدينة واحدة
فأنت أول ماتنزل في مطار كوالا وتأخذ عفشك وتخلص الجوازات تأخذ تاكسي من المطار
تلقى قبل بوابة الخروج كشك مكتوب عليه TAXI تقول لهم أنا أبغى تاكسي لفندق صن وي لاقون وعددنا شخصين
ومعنا شنطتين مثلاً على طول يقولون لك كم تدفع ويعطونك تكت تطلع برا تلقى واحد من المكتب ينظم الناس
ولما يجي التاكسي حقك يؤشر لك ويأخذ منك العفش ويأخذك إلى باب الفندق تقريبا التكلفة 80 رنقت للتاكسي العادي
لما تخلص من سلانقور وتعمل خروج من الفندق تأخذ تاكسي إلى المطار وقل لصاحب التاكسي إنك تبغى المطار الداخلي
قل له LCCT هذا اسم المطار الداحلي وهو قريب من المطار الدولي من هناك تروح على لنكاوي 45 دقيقة بالجو
ونفس الشيء لما تخلص من لنكاوي تأخذ طاسرة إلى بينانج ( 30 دقيقة) أو إذا حبيت ممكن تسافر عن طريق البحر
بواسطة الفيري (باخرة صغيرة) تستغرق 3 ساعات فيه رحلتين كل يوم الساعة 02:30 ظهرا والثانية 05:30 مساءً
وسعر التذكرة 50 رنقت للشخص الواحد
ومن بينانج إلى كاميرون هايلاند إما تاكسي أو باص لأن كاميرون مافيها مطار ومسافة الطريق 5 ساعات
التاكسي يكلفك 500 رنقت والباص 38 رنقت للشخص الواحد باصات فخمة ومريحة أنصحك بها
وتحجز من جورج تاون في بينانج قبل السفر بيوم
ومن كاميرون إلى كوالا نفس الشيء تاكسي أو باص مسافة الطريق 4 ساعات
بالنسبة للطيران الجاخلي أنصحك تحجز من بدري لأنه راح يكون أرخص
هذا موقع خطوط إيرأسيا احجز منه
http://www.airasia.com
وأي خدمة الله يحييك .. دمت بخير