حنايا بلادي
19-03-2022 - 04:13 am
سلام يا جماعه
انا زرت دبي قبل جذيه
بس هالمرة انشالله رحلتي بتطول
فبغيت اروح الشارق والعين
ابي محلات جلابيات زينه وعبايات في الشارقه
وابي اماكن حلوة في العين للسياحة
بس سؤال شلون اروح للشارقه والعين ؟؟ عندكم رقم مكتب سياحي زين؟؟؟
وشي ثاني وين حديقه جميرا الي فيها محلات ومطاعم ودي ازورها !!
مرسي
يا هلا اختي حياج الله
التغيير حلو
الشارقه :
التنقل عن طريق التاكسي
اماكن الملابس النسائيه
اسألي عن ( السوق القديم ) فيه محلات كثيره للازياء والعبي والجلابيات و و إلخ
ويوجد في داخل السوق مركز تجاري صغير للازياء النسائيه اسمه ( مركز ساره )
فقط اذا وصلتي منطقة السوق القديم اسألي عن موقع المحلات النسائيه لان السوق القديم منوع للرجال والاطفال وان شاء الله راح تلاقين اللي تبغينه وباسعار رخيصه بعد
المواقع السياحيه في الشارقه :
مركز صحارى
مركز ميغا مول
ستي سنتر الشارقه
بحيرة خالد
قناة القصباء
السوق المركزي
المربى المائي
مركز الاستكشاف ( للاطفال )
مركز حيوانات شبه الجزيره العربيه
العين
عن طريق التاكسي
او باص مواصلات ( ارخص )
الاماكن السياحيه :
العين مول
الجيمي مول
بوادي مول
حديقة الحيوان
مبزره الخضراء
عين الفايضه
حديقة العاب هيلي
جبل حفيت
منطقة الجميرا :
برج العرب وبجانبه تقع حديقة وايلد واي المائيه
ويوجد بجانبه سوق مدينة الجميرا
جزيرة النخله
The walk ممشى ومطاعم وكافيهات
مرسى دبي