1- روما 30/6/2011م وحتى الفترة 4/7/2011م, السكن(Hotel Capannelle )
Via Siderno 37, Appio Latino
Rome, 00178
المدة جدا جيدة لكن الفندق للاسف بعدي جدا جدا ولا أنصح فيه
والأفضل أخذفندق قريب من الأماكن السياحية
وهذا مجرد رأي
2- فلورنس 4/7/2011م وحتى الفترة 7/7/2011م ,السكن(B&H Hotels Diplomat)
Via L. Alamanni 9, Santa Maria Novella
Florence, 50123
الفندق موقعه جدا رائع لكن مدة الجلسة في فلورنس مرة طويلة
أنا اشوف يومين يكفون
يوم لفلرونس ويوم لبيزا
ولو تضيفين بدال الأايام هاذي فينيس لأنو حرام عليك تفوتينها
وأرجع وأقول هذا مجرد رأي
وانصحك بهالفندق في فينيس
http://www.booking.com/hotel/it/pensione-wildner.html?aid=325250" target="_blank">Booking.com: Hotel Pensione Wildner, Venice, Italy - 104 Guest reviews. Book your hotel now!
3- رتشيني 7/7/2011م وحتى الفترة 9/7/2011م ,السكن(Hotel Baltic)
P.Le San Martino,1
Riccione, 47838
ما أعرف هالمدينة للاسف لكن الأعضاء ان شالله راح يفيدونك
4- جاردا 9/7/2011م وحتى الفترة 13/7/2011م ,السكن(Hotel Villa Ca' Nova)
Via Michelangelo 1
Garda, 37016
الفندق بعيد شوي ولا المدة حلوه مرة
أنصحك تسكنين في سيرموني جدارائعة
وهذا فندق أنا مجربه وانصح فيه
http://www.booking.com/hotel/it/aurora-sirmione.html?aid=304142" target="_blank">Booking.com: Hotel Aurora, Sirmione, Italy - 262 Guest reviews. Book your hotel now!
5- ميلان 13/7/2011م وحتى الفترة 16/7/2011م ,السكن (Best Western Hotel Felice Casati)
Via Felice Casati 18, Stazione Centrale
Milan, 20124
بعيد عن الدومو ولكن محطة ريبابليكا قريبة منكم
ما جربت الفندق بس تقيمه كويس
وبالنسبة للمدة أشوفها جيدة
هذا رأيي
تحياتي لك

llvlloto
أولا الف شكر لك على تفاعلك وتجاوبك معي
بس حبيت استفسر بخصوص فينيس ,,, بعيده عن فلورنس يعني ممكن اروح لها بالقطار من النهار وارجع بالليل ؟!!!
أو بالسيارة ,,,,وياليت تفيدني بحكم خبرتك عن كل مدة افضل الأماكن الي لآزم نزورها بتوزيع الأيام في كل مدينة!!!

أنا أشوف أنكم تنسون شي اسمه قطارات وتستأجرون سيارة أفضل لكم
ولا تستأجرونها اول الأيام
بعد ما تطلعون من روما
وتقسيم الأيام كالاتي
6 أيام روما يومين روما يومين نابولي وجزيرة كابري تزورونها وترجعون
يومين فلورنس يوم لفلورنس ويوم لبيزا
يومين لفينيس ما تطلعين منها
رتشيني ما اعرفها للأسف
3 ايام سيرموني يوم في سيرموني نفسها ويوم في جاردا لاند ويوم في موفي لاند ويوم تتمشون حول بحيرة جاردا
5 أيام ميلان يوم لميلان كاملة ويوم لكومو ولوقانو مع زيارة أوت لت فوكس تاون ويوم لأوت لت سيرفالي واليوم الأخير عودتكم بيكون فيها تمشي في نفس ميلان
وأرجع أقولك أنا انصحكم بالسيارة
تحياتي لك

llvlloto
الله يعطيك العافية
أول شيء أنا لوحدي وعادي أقدر أسوق بس كثير هنا نصحوني بإستخدام القطار بحكم اني شخص واحد ,,,على فكره فكرت أني استأجر سيارة وقالوا لي أمتع بس نصحوني الأعضاء بحكم أني رايحه وحدي بالقطار .
ثانياً في بعض المدن الفنادق فيها غير مستردة مبالغها يعني ما أقدر أغير المدة فيها مثل فلورنس وميلان طبعاً باريس الي هي محطتي الأخيرة بعد ميلان ماذكرتها بحكم خبرتي فيها .
ثالثاً ودي اعرف عن فينيس ايش اقرب مدينه لها من المدن الي راح أجلس فيها ممكن اروح لها أول النهار.
رابعاً بحكم اني أول مرة ازور ايطاليا أرغب بتفاصيل كل مدينة رأح اجلس فيها ان شاء الله يعني اهم المناطق الي لآزم ازورها في كل مدينة ((ارغب بأكبر قدر من المعلومات )) عن أهم المعالم والأماكن السياحية في كل مدينة راح اجلس فيها في برنامجي .
وألف شكر لك مقدماً على تجاوبك

روتنيست
هلا بك أختي
اذا لحالك خوذي القطار
بس أنا افضل السيارة بسبب عدم تقيدك بجدول معين
وبالنسبة لأقرب مدينة لفينيس هي سيرموني
لكن ما أدري عن القطارات اذا تودي لها او لا لأني ما أعرف للقطارات
وبالنسبة للأماكن ما أقدر اشرحها لك كلها
لكن يفضل أنك تدخلين تقارير الأعضاء وتشوفين كل مدينة وش فيها
ومن ميلان لباريس بالطيارة عن طريق الأيزي جيت
تحياتي لك

llvlloto
الله يعطيك العافية اخوي
وشكرا ماقصرت

روتنيست
جدولك حلو ومريح بالنسبه لشخص واحد
روما عندك روما واثارها وعندك الجزر القريبه وكابري وممكن نابولي
فلورنس شوف موضوعي عنها عندك بيزا ولوكا والبحر حلو لاتفوته وفلورنس نفسها
رشيوني وريميني عند بعض مشهوره بالشواطئ اكثر شي
جاردا عندك بحيرة سيرميوني ومادامك جاي لحالك جرب المياه العلاجيه في سير ميوني حلوه خاصه لاسبحت فيها العصر تشيل التعب من الجسم خخ مسوي دعايه وعندك فيرونا نص ساعه وممكن تونس نفسك بجاردا لاند وبعد فينيسيا ساعه وشوي يعني جاردا صايره بالوسط
ميلان عندك الدومو وميلان نفسها وبحيرة كومو وبحيرة لوجانو وبحيرة ميجوري
والسياره حلوه واوفرلك
بالتوفيق

اطليانو
ألف شكر لك ويعطيك ألف عافية
بس سؤال أو رأي أخير لو تكرمت أنا فكرت استلم السيارة في آخر يوم في روما يعني تاريخ 4-7-2011م واتنقل فيها مابين فلورنس وريتشي وجاردا والمدن الي حواليها واسلمها في أول يوم في ميلان يعني تاريخ 13-7-2011م ,بمعنى أني راح استغني عن السيارة في روما وميلان خاصة أن وسائل المواصلات في هالمدينتين متوفرة بشكل كبير وعدم حاجتي للسيارة فيهم والزحمة التي لا تطاق في هالمدينتين بناء على رأي وتقارير أكثر الأعضاء هنا ,,, ما أدري تأيدني الرأي ولا لأ؟؟؟

أنا أأيدك وانا سموي مثلك
السيارة في روما وميلان متعبة ومكلفة ولا يستفاد منها والمواصلات العامة موجودة بسهولة وبرخص
بس انا انصحك اول يوم في ميلان تمر كومو ولوقانو بالسيارة وترجع السيارة بالليل
تحياتي لك وبالتوفيق يارب