راعي الاولة
اخوي راعي الاولة السلام عليكم اذا تسمح لي ملاحظات تسهم ان شاء الله في تخفيض التكلفة و الوقت و الجهد الا وهي :
1 . خط طيران الذهاب الى كوالا يمر بجدة و المدة تطول و التذكرة على السعودية غالية لو تشيك على طيران الاتحاد مرورا لمدة ساعتبن بأبوظبي التذكرة حسب علمي 1700 ريال .
2 . نصيحتي لا توقف في كوالا في الوصول اتجه الى لنكاوي مباشرة علشان تقلل التنقلات من و الى المطارات و تزداد التكاليف.
3 . في لنكاوي فندق لنكاوي لاقون زين لكن فيه فندق صغير و حلو و رايق و السويت فيه مع الافطار والخدمة 200 ريال !! و موقع روعة و فندق ( اورينتال ان ) في القرية العصرية ( اورينتال فليج ) و ملاصق للتلفريك و الشلالات ( تلاجا تجاها ) و قريب من البحر بواسطة فندق براجيا ( هذي فندقي ) و القرية فيها بحيرة حلوة و جسور و انهار و مطاعم ( لا تفوتك ) تراها غرب لنكاوي قل للسواق ( كيبل كار ).
4 . بالنسبة للأماكن السياحية في لنكاوي هل عندك فكرة عنها لانها كثيرة اذا تعرف او تعرف شي قلي علشان اكملك باقي الاماكن اما بينانج لو تأخذ قروب سياحي لمدة يوم التجوال في بينانج مناسب علشان تختصر الوقت و تزور اشهر المعالم السياحية بسرعة .
5 .اما خطة الذهاب الى فوكيت غريب بصراحة و مكلف!! ليش ترجع لكوالا علشان تروح لفوكيت اللي بينها و بين لنكاوي اقل من 15 دقسقة طيران!! فيه خطوط من لنكاوي أو علشان أأكد لك فيه من بينانج اخوي طالع من بينانج الى فوكيت ب250 ريال خط و احد !! أسال و انا اخوك و لا تضيع فلوسك و وقتك !! .
6 . اما فوكيت ما اعرف فندق المريدين في اي ساحل !! لان سواحل فوكيت كثيرة لكن نصيحة اخ لأخوه لا تسكن الا في فنادق منطقة الباتونج بيتش ( ساحل الباتونج ) لانه الساحل او الخليج الاشهر في فوكيت وفيه اكثر من 100 فندق و منطقه عامرة في الليل و النهار ( يعني و نيسة ) اما الفندق اللي انا سكنته فهو ( بن تاي ريسورت ) في وسط الباتونج بيتش بين مطعم المكادونالز و ستاربكس كافية موقعه معروف و سعر الغرفة مع الافطار 230 ريال و حلو و مرتب و مدخل خاص و امن .( فية سواقة اسمها اميتا تأخذ 100 دولار خلال اربع ايام كاملة معي رقمها و ايميلها )
7 . ما ادري هل انت عارف الاماكن اللي تستاهل الزيارة في فوكيت اخبرني بالاماكن لكي اكمل لك الناقص !! لا يفوتك مطعم ( سيزلر ) في مجمع السنترال التجاري وسط فوكيت و خاصة بوفية السلاطات ( اكثر من 30 صنف ب 9 ريال ( روعة و الله يديم الرخص !! و البوفية مجانا مع اي طلب رئيسي !! ) .
8 . اما كوالا فأقل شي 6 ليالي وافضل السكن في مطقة المثلث الذهبي ( جولدن ترنجل ) لكثرة الفنادق و المجمعات التجارية الفخمة و المطاعم المتنوعة وانا سكنت في فندق ( دورسيت ريجنسي ) مع الافطار 190 ريال 4 نجوم و برضه حلو . الخيارات و اسعة لكن هذا افضل من ناحية السعر و المستوى و الموقع.
9 . الاماكن كثيرة في كوالا و حولها و لكن للأسف ما اعتقد فيه شي اسمة بوكيت جنتج !! الموجود ( جنتج هاي لاند ) عطني الاماكن اللي تعرفها و انا اكمله لانها كثيرة و حلوة و متونوعة .
0. فيه منطقة الكاميرون هاي لاند ( 250 كلم شمال كوالا لكنها روعة ( ارتفاعها 2500 متر و بها مزارع الشاي الرائعة و مناحل العسل و مزارع الفراولة و الجو البارد و الضباب و الانهار و الريف ) و فيه افخم فندق اسمه ( ليك هاوس ) على النظام الانجليزي ورايق و سعره معقول تنفع ليلتين .
1. اي استفسار او ملاحظات نحن في الخدمة و يسرني اباء ملاحظاتك على ملاحظاتي ( حلوة ذي )