motem
05-05-2022 - 10:39 am
السلام عليكم
أنا ابسافر أن شاء الله بشهر أغسطس
ودي اعرف كيف الجو هناك
علماً بأني عملت برنامج لي وجلست في أعداده أكثر من أسبوعين
وراح أقضي 14 يوم
علماً بان الميزانية من 6000 إلى 8000
وش رايكم بالميزانية ؟
راح يكون أجلس يومين بكوالا بالخيول الذهبية
وبعيدين راح أختار انا بنفسي الفنادق عن طريق المكاتب السياحية هناك
وكذلك المدن
ابغى رايكم وأي شي يفيدني هناك
أنا ابروح لوحدي فقط أبغى انبسط ما تهمني الغربة أو الوحدة
حياك الله اخوي motem ونورتنا يا اخوي .
والله الميزانية اشوفها كافية ان ما كان داخل معاها التذاكر .
لكن يا اخوي خل لك برنامج تمشي عليه وخططه قبل سفريتك
لاجل تكون على بينة ... ومن هناك ان ما عجبك شيء او لقيت
بديل تغيره بوقته .
انت مثلي يا اخوي تسافر لوحدك ...لكن الوحدة شينة
وسفرية واحدة من بين السفريات كنت فيها مع اخوان
كرام والله اني اشوفها احلى رحلة بحياتي .
لكن ان مالقيت فالله يعينك ...وش المناطق اللي بغيت تروحها .
ممكن نتساعد فيها ...وممكن نشوف فنادق حلوة لك .
موفق ان شاء الله اخوي والسلام عليكم