مساء الخير لكل الأعضاء الكرام
أنا من عشاق النمسا من خلال الصور فقط ولم أذهب إليها من قبل
بعطيكم برنامج رحلتي وأتمنى يعجبكم وياليت تعديل وإضافات
طبعا بنروح أنا والمدام الله يحفظها أما فهد بيجلس بالرياض
الطيران
بالنسبه للطيران أفضل طيران اعتقد الخطوط السعودية ولقيت سعر التذكره ب 3300ريال
المشكله وقت الحجز مالقيت غلى من 23 أغسطس والعودة 3 سبتمبر كلهن درجه سياحية
ودايركت الرياض فينا - فينا الرياض المشكله 3 سبتمر يوافق رمضان شكلي بصوم هناك
المدن السياحية
3 ليالي فينا -- 3 ليالي سالزبورغ ---- 3 ليالي زيلامسي 2 ميونخ
بشاوركم بشئ وش رايكم اكمل الرحله إلى ميونخ او جنيف وارجع من هناك للرياض ؟؟
وإلا أخليها فقط النمسا ؟؟ رأيكم تكفون
المواصلات
بصراحه يمدحون القطار أما سياره قويه أنا ماأدل بالرياض عشان أدل بوديان فينا
والقطار من فينا إلى سالسبورغ ومن سالسبورغ إلى زيلامسي ومن زيلامسي إلى
ميونخ ومن منيونخ إلى الرياض
الفنادق
بصراحه انا محتار وأتمنى من الأخوان يرشحون لي من اللي أخترتهم
أهم شئ عندي فينا يكون بالسنتر وقريب للمترو
وبسالبورغ قريب من نهر سالزباك
و بزيلامسي مطل مباشره على البحيره
فينا ( فنادق 4 نجوم اللي ابيها )
1) آرتيس 2) روس أودين 3) يوربا 4) هوليدي إن ساوث 5) ميروكور أوربا
6) ميرديان فينا 7) أناناس 8) ساحة ستيفنز 9) هيلتون بلازا
سالسبورغ
1) مايركوري 2) كراون بلازا 3) ميرستول 4) رينسيس 5) أوربا 6) Cd
زيلامسي
1) سي فيلا 2 ) سي هوتيل 3 ) ليفن ماكس 4) بيفلو 5) لاتيني 6) نيو بوست
ميونخ
جاري البحث عن فندق 4 نجون ووسط المدينه
تكفون ياجماعة الخير أبي فزعتكم خبركم عليمي
وأحجز الفنادق عن طريق النت أو مكتب سياحي ؟
وأين المناطق الثلجيه بالنمسا ووشئ كابرون وآنسبروك
وإذا جلست 10 ايام كم تكلفني المعيشه من سكن وتذاكر ؟؟