zaza83
زواج مبارك وجمع بينكما على خير ان شاء الله 000ما ذكرت وسيلة الانتقال داخل المدن وحولها ؟؟؟

السلام عليكم مبروك للعروسين وسلام مربع .. انا اقترح عليك التغيير كالتالى :
زيوريخ 4 - والله ماتحتاج كل هذه الايام وايد عليها مافيها شى اهيه ساعة ونص توصل لها من اى مدينة ثانية
4يوم وايد زين بس وين زرمات - اذا تبى تروحها على طريج ايطاليا اولا بسيارة وبعدين تكمل بقطار وايد حلوة
وعلى نفس طريج زرمات قبل ماتوصل زرمات فيه بلاوسيه ( البحيرة الزرقاء ) وايد حلوة فلازم تتطلع مبجر يعني الساعة 7 صباحا لأنه الرحلات حق الزرمات اخر رحلة الساعة 3 العصر اعتقد
السعر حيكون 15500 ريال للشخص في الغرفة المزدوجة
الاسعار ماعندي فكرة عنها انا نزلت جم مرة بشقة مفروشة - بس عموما الليلة تكون تقريبا 70-150 د.ك مااعرف بالسعزدي جم
وطبعا كعروسين لازم تنزلون بفندق احلي شي ... واريح حقكم وطبعا اذا تبون تاكسي عندي ريال وايد محترم لبناني دين جدا ويدل كل شى فى سويسرا اسمه ( الحج شميس ) وراح يساعدكم بكل شيى تبونه وايد خدوم وعنده تاكسي ويدل كل شي صارله 14 سنة عايش اهناك بس دق عليه وقوله من طرف المهندس عادل ومرته ( اخوان الشيخ ) - الكويت -لأنه هناك صعب شوية التفاهم مع راعيين التاكاسيى مافى عربى ابدا لازم الماني او فرنسي تتكلم .
واذا تبى شى احنا حاضرين

شكرا اخ مزيد وشكرا اخت ليزا محمد
الله يعطيكم العافية.
بالنسبة الى وسيلة التنقل اعتقد انها راح تكون بالقطارات و التاكسي.
بس انا عندي استفسار عن الأسعار هل هي مناسبه ولا غاليه ؟ خاصة ان تاريخ السفر حيكون 20 ابريل .

zaza83
اخوي خذ لك سياره وسوقها بنفسك تستمتع بشكل غير طبيعي 0000 انسى التكاسي تاكل ميزانيتك 0!!!!!
البلد غاليه مثلها مثل بقية دول اوروبا 000 لكن اذا عرفت كيف تتدبر الميزانيه فستكون المصروفات طبيعيه ومع ذلك تستمتع 0
مثلا 0 1 - استخدام سياره صغيره تشيلك مع العروسه فقط ستوفر لك الكثير 0
2 - الحرص على بطاقات السويس باس حسب النوع المناسب 0 سيوفر عليك الكثير من مصروفات تذاكر القطارات واماكن 0 وصعود القمم الجليديه 00000 الخ 0
3 لاتحرص على فنادق 5 نجوم(( وخصوصا انت طول النهار خارج الفندق )) لانه لايوجد فرق كبير بينها وبين ما دونها 4 و 3 الا بالدراهم 0 صدقني سكنت في فندق 3 نجوم في زيرمات افضل عدة مرات من 4 نجوم في لوقانو 0