السلام عليكم .
لازم ايكون صاحب البطاقه موجود .
بخصوص كم يبعد فندقكم عن ساحة كاتلونيا تقريبا 900 متر مشي وكيلو وشي بسياره
فندقكم خلف الفندق لي بسكنه عشان كذا المعلومه عندي
وتحياتي ورحله سعيده لكم

البرستيج كله
معليش اخوي بس هل انت متأكد من هالملعومه انه صاحب البطاقة لازم يكون موجود لانه انا طرحت موضوع بالاستفسارات وقالو لي الاخوان المشرفين انه لازم تسجل معلوماتك انت الي تبي تسافر ومكان الفيزا تحط عادي اي فيزا وياليت تفيدني اذا كنت متأكد من معلومتك 100 % لاني حاجز فنادقي وكل شي حتى القطار الي مدريد الى برشلونه بفيزه اخوي

فصفص
اخوي هذا عرف دولي واتفاقات دوليه ومشددين عليها . اما اذا يتساهلون فيها وماتطبق في بعض الدول هذا كلام ثاني .
بس في نقطه يعني انت حاجز باسم اخوك واذا وصلت الفندق بتدفع كاش . اذا كذا معقوله . ولو حاجز عن طريق بوكنيق حطين لك ملاحظه انك تخبرهم ان الفيزه مش خاصه فيك .
انا مارحت اسبانيا من قبل بس اتكلم بشكل عام وخاصه بطايق الكردت كارد .
وبقولك سالفه حصلت لي من فتره مب بعيده في الخطوط القطريه . حاجز لخوي عن طريق بطاقتي يوم وصل يبي البوردنق باص قالوا له وين صاحب البطاقه !
ومشينها بالوسطه .
وفي النهايه مش انا لي اتاكد اميه في الميه المفروض لي قالك هل هو مجرب ومتاكد ميه في الميه لان الكلام لي انا اقوله يتوافق مع القوانين فاذا هم متاكدين ان اسبانيا ماتركز على هالامور فاحلو .
وان شاء الله الامور اتكون نفس ماقالولك ولا تحاتي .
وبتوفيق ان شاء الله

تطلب بطاقة الائتمان لضمان الحجز مع الفندق. ومع ذلك، يمكنك الحجز باستعمال بطاقة ائتمان شخص آخر، شريطة أن يكون لديك تفويض. في هذه الحالة، يرجى ذكر اسم صاحب البطاقة والتفويض المصدر لك لاستعمال البطاقه في مربع "التعليقات" عند الحجز.
هذا من موقع بوكنيق

مشكور يالطيب .............مسافه 900 متر مو شويه والله ...يعني الافضل اخذ تاكسي من المطار الى الفندق بلا باص بلا شحططه
طيب كم قيمة التاكسي اللي يعرف ياليت مايبخل بالرد
عن الفندق بدفع كاش افضل حاجه

البرق3
اختي انا اتكلم من ساحه كاتلونيا الى الفندق مو من المطار .
من المطار تكسي بياخذ عليج تقريبا من 50 الى السبعين يورو تقل او تزيد بشوي .

وانصحج تحجزين السياره من هذا الموقع . انا اخذت منه وسعر طلع لي 41 والعدد شخصين وطفل طبعا الطفل ماحطيت له شي والشناط كنت حاط 4 لاني حاسب ويل شير ولطع لي سعر 55 وشليت لويل شير وخليتها ثلاث شناط وطلع لي القيمه من المطار الى الفندق 41 يورو وشوفه مناسب واريح لي لا اعور راسي مجرد ماطلع من الجمارك حطين لوحه باسمي .

لفتني التاريخ بس عشان مايكون عندك لخبطة ويضيع عليك
الاربعا 26 اكتوبر
الخميس 27 اكتوبر

طيب اخوي البريستيج من بعد إذنك ياريت تقول لنا وش هو الموقع ؟
هل هو شركة تاكسي توصيل ؟
من بعد إذن صاحبة الموضوع