اخواني اخواتي اعضاء هذا المنتدى الكبير والذي يعجز الكيبورد عن وصفه

هذا اول موضوع لي في المنتدى وان شاء الله يعجبكم يارب ولاتقصرون بالردود
رجعت من بيت الله الحرام شرفه الله والله انها ايام كانت حلوه وكنتو على بالي وصورت لكم الاشياء
المهمه وان شاء الله تحوز على رضاكم
نصيحتي اللي بيروح مكه يجلس فيها اقل شي اسبوع بصراحه احس ماشبعت منها لكن ان شاء الله
اعوضها المرات الجايه
مدة اقامتي انا وزوجي واطفالي 2 الله يحفظهم ثلاث ايام واليوم الرابع رجعنا واحنا زعلانين
ماودنا نرجع
سكنا في برج المروه بصراحه الفندق نظيف مكانه في ابراج البيت (وقف الملك عبالعزيز) المشكله فيه
تغيير المصاعد لكن مع الوقت حسينا انها سهله من مصعد الفندق نروح لمصعد السوق عشان ننزل للدور
الارضي اول ماتتطلع من الفندق مصاعد السوق على اليمين واليسار
وبعدين نطلع للحرم على باب الملك عبدالعزيز مباشره
طبعا ابراج الديوان اقرب بكثير منه لكن ماحصلنا حجز للاسف
سعر الاقامه لليله 400 والمطله 500 والاطلاله الجزئيه 450 ريال من غير وجبات يقولون بعد شهرين
راح يفتح المطعم الخاص بالفندق
يعتبر السكن في ابراج البيت (برج زمزم _ برج المروه_ برج الديوان ) جدا مريح من ناحية ان كل شي
موجود في نفس الابراج سوق بن داوود - صيدليه - مطاعم - مستشفى - محلات تجاريه
يوجد بالغرفه سماعه لسماع صوت اذان الحرم والصلاه
يوجد ثلاجه
طاولة اكل اربع اشخاص
تلفزيزن 60 قناة
الحمام اعزكم الله متكامل من الصابون - الشامبو - اعواد اذان - فوط للاستحمام
يوجد خدمة تنظيف الغرف - غسيل ملابس
لكن الله يستر اذا انهد التوحيد والهيلتون ايش راح يصير بالاسعار
اترككم مع الصور
ابراج البيت

لاتنسوني من دعائكم