هلابك اخوي والله اختبار دسم يبيله تركيز وترانا بالمنتدى باقين مافيه مجال تتقصط علينا الاسئله
عموما حياك الله
بالنسبهالفيزا الالمانيه سهله بس تتطلب حضور للمقابله ويمكنك ارسال اوراقك مع اي احد وبع اسبوع تحضر للمقابله وبعد اسبوع تاخذ الفيزه يعني كلها 15 يوم انا استخرجتها مرتين وهذا الي صار معي
بالنسبه للمتطلبات:
جواز سفر باقي به اكثر من ست شهور
تعريف بالراتب من جهة العمل مترجم انجليزي
تامين سفر من التعاونيه ب85 ريال للفرد
تعبة النموذج او الابليكاشن
صور شمسيه
حجوزات فنادق يمشي بوكنج
احيانا يطلبون كشف حساب لثلاث شهور

• بالنسبه للطيران تعتمد على تقديرك اهم شي تقارن اسعار الطيران في توقيتك مايو تلقى المصريه

رخيصه ب1500 ريال ذهاب عوده بس من الرياض
بالنسبه للوصول انصحك بميونخ واستلم السياره منها ارخص لك واطلع فيها وسلمها في فينا وارجع من فينا
بالنسبه للقرى فيه قارمش بين ميونخ وزيلامسي حلوه مره وفيها قمة زقتسبتس روعه
وافضل لك بعد ماتستقر في سالسبورغ وزيلامسي تتجول يوميا على القرى القريبه
المسافات تعتمد على خط سيرك بس انصحك بقوقل ماب يحدد كل شي ولا تنسى النوفي تنزل عليه خرايط اوربا افضل لك من اجهزتهم
انا توي واصل من هناك ومعي جهازي ومنزل عليه احداثيات الاماكن السياحيه كله
والبي ام الي استاجرته ماعرفت استخدم نظام الملاحه حقه
بالنسبه للسياره والقياده رهيبه وممتعه وبالذات في الريف وما انصحك فيها بالمدن الكبيره مثل ميونخ تبلش بالزحمه والمواقف وعندك اندرجراوند مغطي كل شي ورخيص
انا نزلت ميونخ وجلست فيها اثلاث ايام واليوم الاخير استلمت السياره وطلعت زيلامسي
بالنسبه للفنادق عندك بوكنج يعطيك الخيارات كله وشوف موضوع للمشرف علي ذاكر فيه افضل السكن
وانتظر تقريري هذاي جالس ارتب الصور
وعلى فكره توقيتك في مايو خليه اخر الشهر بحيث ترجع بداية جون تلحق على الربيع وقبل الموسم الفنادق رخيصه والتذكر كذلك
وانشالله ساكون هناك في مايو القادم ،،،، توي واصل ومشتاق لذيك الديار*

نسيت اقولك اوعى تطب باريس او تقرب حوله بذات بعد المانيا والنمسا بتنصدم
من البلد
انا رحت في 2009 انا والمدام ماصدقنا ان هذي باريس الي يحكونبه الناس وقبل شهر اصرو الشباب على ان تكون المحطه الاخيره باريس
ونصحتهم بس ماسمعو الكلام وتبهذلو وكرهو طاري فرنسا
واقرب شي لها( تسمع بالمعيدي خير من ان تراه)

abu abdullah202
شكرا اخي لتجاوبك السريع
الله يعينك على استفساراتي القادمه