ابو محمد 11
28-11-2022 - 09:42 am
اريد معلومات عن معاهد تقنيه المعلومات في نيوزيلاندا دوره لمدة ثلاثه شهور
والشهاده المطلوبه والاسعار ومعدل اللغه المطلوب
وهل معاهد اللغه يوجد بها دورات غير اللغه مثل دبلوم حاسب الي
اتمنى من اهل الخبره والتجربه افادتي باسرع وقت لاني مسافر بعد شهر باذن الله
ولكم مني جزيل الشكر
الدراسة في نيوزيلندا
اخي ابو محمد
اللي نكبنا احنا العرب
انعدام التخطيط !
طيب الآن ... كيف تسافر و انت ما حددت هدفك من السفر
اول شيئ و قبل السفر تحدد اللي تبغاه من السفر ( سياحه او للثقافه او عمل )
اللي فهمته منك انو هدفك راح يكون دراسه " ثقافه "
طيب حبه حبه و لا تخربط الامور على نفسك
# هل انت مقتنع تمام الاقتناع بأن نيوزيلاند هي وجهتك المرغوب فيها؟؟
اول شيئ عزيزي شوف البلد و شوف التقارير اللي سووها الشباب الله يعطيهم الصحه و الثواب و الاجر ان شاء الله
اظن ان ( شهر ) كافيه ان شاء الله في ترتيب امورك
خلّي اتكالك على الله و بإذن الله سوف نكون معك
شوف المعاهد ... و استفسر " برويّه "
بعدين شوف حجز طيران في شركات كثيره تروح لنيوزيلاند انت شوف الشركه اللي تناسب سعرك و راحتك
و كل شيئ سويه عن طريق الانترنت ( تسجيل في معهد + عائله .. معاهد تقنية معلومات و و و )
يمكن يكون هدفك الاساسي ( تقنية معلومات ) موجود في نيوزيلاند لكن ليس بالجودة المطلوبه
عني انا ... و الله ما ادري اذا فيه و الا لا
و الله لو عندي اقل معلومه كان حطيتها يا عسل
اعذرني
لكن شفتك كأنك حايس و ترغب بالتوجيه و التنبيه و المعلومات الضائعه
فحبيت اني اهدئ عليك و احاول اني اجد لك مخرج عن طريق " ترتيب امورك قبل السفر بمده "
اي شيئ تحتاجه اخي العزيز انا في الخدمه ان شاء الله
بس لا تنسى انك تاخذ فره .. و فرتين و ثلاث على المنتدى " حتى الارشيف "
و صدقني ما راح تندم
موفق بإذن الله ... لك مني أجمل تحية .