هلا أخوي طيب ماقلت لنا وين والله يعينك على الغلا حطه في سطح بيتكم أحسن
ووفر وسافر باللي بتحجز فيه القاعه لفه على أوربا ههه أمزح الله يوفقك
بالنسبه للشمال طبعا الفنادق شغل رايق بس الأسعار حسب الكرسي 250 وفيها فندق مينا مرتب شفت له صور
قاعة دره الليالي مرتبه وحلوه على طريق الملك عبدالله متجه شرق سعرها ب30000 ألف
المقصوره غاليه نار بس فخمه 100 وفيها
اليخت في الشرق ب60000الف
الغرب عندك قاعه رويال بثلاثين ويراعي مهوب يخالف
القلعه 17 وفيها بس عاديه
قاعة ليلتي 25 وفيها ومهوب شينه
والعرس بالنسبه للرجال الطبخ الزين
والحريم الحلا والعصير وتزيين الطاولات والكوشه والطقاقه ههه سوالف اللي عندي
والباقين بيفيدونك هذي اللي سبق وشفتهم

القاعه حسب الكرسي وعدد المدعوين اتصل على اللي نضع لك اسماءهم
وشوف كم سعر الكرسي وعليك الحساب

• المقصوره
• قصر الرياض
• المثنى

الفنادق شيراتون .................الخ

الحين ثلاث ارباع القاعات محجوزه
المفروض انك مدور بدري
انت كم ميزانيتك وكم مدعوينك ؟
وهل رجال بس ولا رجال وحريم ؟
فيه قاعات عاديه مثل المرسلات والرومانسيه والماسيه والمكيه وليلتي هذي كلها في الشمال ب20000
والفيصل في البديعه
فيه قاعه جديدية وحلوه وكل من دخلها مدحها في مخرج 5 قاعة غناتي 60الف رح شفها
ومبروك مقدما

أبو الحلوين
الله يعطيك العافية
طيب ابي صور بعد اذنك لقاعة درة الليالي
وهل صحيح ان الاكل من النافورة ولالا
وسمعت عن قاعة الذكريات بس ماشفت لها شي
والله يوفقك لما تحب وترضى

*؛؛شموخ ؛؛*
الله يعطيك العافية
بالنسبة للمقصورة عجبتني حيل بس غالية بعدد 4 قاعات ثانية
يعني كم بتزوج انا
قصر الرياض سمعت عنه
بس مافت له صور
المثنى ماقد سمعت عنه ابد مكن تفيديني الله يسلمك

همر فوشي
الله يعافيك خيي
انا ماقلت بتزوج الحين بس برتب للسنة الجايه الله يعافيك
شفيك معصب علي
والله ميزانيتي للقاعة 40اقصى شي
طبعا تشمل الميز و الخدمات
والزواج رجال ونساء طبعا
والمدعويين حوالي 600 وانت رقم 601
بروح اشوف اللي بمخرج 5
وش الافضل هناك

اخوي روح شوفهم عالطبيعه بدل الصور افضل بكثير
ومسموح لك ولو فرضنا شفت الصور بس مازبط معك الحجز ممكن يقولك مافيه امل حجز
فا الافضل وانت رايح تشوف عطه التاريخ ولو فرضنا ماحددت التاريخ هو يعطيك الامكاانيه كم

عندك طريق الشيخ جابر ( شرق الرياض ) بجانب استاد الملك فهد
الطريق هذا كله قصور افراح وبجنب بعض يمكن اكثر من 20 قصر , وفيها الفخمه وفيها العادية , واسعارهم من 15 الف وفوق
طبعا الاسعار مختلفة خميس وجمعه والايام العادية
لو عندي ارقام لهم كان افدتك لكن للأسف ماعندي
انصحك تمرهم لانهم بجنب بعض

ناصر 2004
الله يعافيك ناصر
بس المنطقة ذيك مجمع استراحات ومشوار
انا ابي داخل الرياض بس بما انك مدحتها بروح اشوف وش وراي
ماقصرت حبيبي