خبير مدينة العين
08-08-2022 - 05:58 pm
السلام عليكم ورحمة الله وبركاته.
هل اسعار إستأجار سياره من مطار طربزون في متناول اليد ام ان الاسعار مبالغ فيها وذلك لاني سمعت ان تأجير سياره من المطار اكثر ب 100% من اسعار استأجارها اون لين ؟!!
وهل توجد مكاتب سياحية هنا في منتدى العرب المسافرون تأجر سيارات ؟!!
انا توني جيت من طرابزون لي اسبوع
اول مانزلت المطار هناك فيه اكثر من مكتب تاجير سيارات على اليسار في المطار قبل الخروج
اخترت بينهم مكتب بدجت وخذيت سياره ديزل قير عادي عشان المرتفعات وديزل عشان ماتصرف كثير لمدة اربعه ايام
طلعت علي الاربع ايام بثلاثميه وثلاثين ليره يعني تقريبا ثمان ميه الى تسمعميه يعني اليوم بمتين ريال
وطريقتهم هناك لازم رخصه دوليه وهذي تقدر تطلعها من اي مكتب سياحي بميه وخمسين ريال وتطلع في ساعه تقريبا وانت هنا في السعوديه ولازم يكون جوازك موجود وبطاقة فيزا
الكيلو مفتوح وتامين شامل
وشرطهم انت خذيت السياره فل ترجعها فل
مشيت السياره في الاربع ايام تقريبا الف كيلو وبعدين عبيتها فل ثلاثين لتر ديزل طلع علي بميتين وخمسين ريال ( والله ان حنا في نعمه اللي المفروض عندنا الثلاثين لتر ديزل بخمس طعش ريال )
وسلامتك
ملاحظه : انا توقيتي يمكن مافيه ضغط على السيارات