بيه يبا شدعوه
لي هالدرجه سؤالي صعب
الله يسامحكم

hamane333
السلام عليكم
هاذي الله يسلمك رسوم جديدة لازم تدفعها قبل ماتقدم على الفيزا
وهي رسوم تدفع لادارة الامن عندهم.Homeland Security
الدفع يكون عن طريق الانترنت او عن طريق ويسترن يونيون
بس تاكد بعد تدفع تاخذ الوصل حق الدفع وتقدمه لما تروح للمقابله
i wish you the best

السلام عليكم
ال Sevis تدفعه من خلال هذا الموقع ويجب أن يكون لديك فيزا أو ماستر كارد
https://www.fmjfee.com/i901fee/
طبعاً رقم ال Sevis تجده في الجانب العلوي الأيمن من ال I-20 وهو رقم يبداً بحرف ال N
بالنسبة لتغيير الجامعة بعد طباعة الفيزا أتوقع انك لازم تزور السفارة من جديد او على الأقل ترسل لهم جوازك وأوراقك الجديدة بالبريد
ان شاء الله الشباب يفيدونك أكثر من هذي الناحية
ولكن نصيحتي لك تجنب القلق وعوار الراس ولاتقدم على الفيزا إلا لما تكون قررت وين بتروح بشكل نهائي ويكون عندك ال I-20 حق هذا المكان
تحياتي .. وبالتوفيق ان شاء الله

تسلمون وماتقصرون والله
جزاكم الله خير
اخوي طموح بلا حدود عدل كلامك انا قلت جذي اقدم على المكان اللي اكيد بروحله احسن لي بلا عوار راس بلا حوسه
تسلم اخوي وجزاك الله خير

اخواني استفسار الحين الاي توني متى احصل عليه اذا جاني القبول يرسلونه معه ولا كيف

hamane333
شوف يا الغالي ..
لو إفترضنا أنك حصلت على قبول من جامعه ثانيه غير المدونه في الفيزا حقتك ..
و أول ما توصل للأمريكا .. نفترض أنك على طول تروح لجامعتك الجديد
اللي حصلت على قبول فيها مؤخرا .. ولا عدلتها في الفيزا ..
تدري شنو راح يصير ؟؟؟؟؟؟
طبعا السفاره تكون مسجله في قاعده البيانات في إداره الهجره ( الامقريشن ) ..
أنك حصلت على فيزا مسجل فيها كل بيانات قبولك في الجامعه الاولى ..
و لما تروح للجامعه الجديده .. الجامعه القديمه تراسل اداره الهجره بتأخرك ..
طالما أنك مسجل دخول للولايات المتحده .. وبكذا بتكون مطالب أمنيا عند الاف بي آي ..
الطريقه السيلمه .. أنك تعدل الفيزا قبل مغادرتك من بلدك ..
أو أنك تدرس في الجامعه الاولى ( لغه ) ثلاث اشهر ثم تحول ..
فيه احد الشباب السعوديين صارت له مشكله تقريبا تدور حول استفسارك ..
لكن الطالب كان أصلا في الولايات المتحده ..
الطالب جاب قبول من جامعه .. و على اساس انه يدرس فيها بتاريخ معين ..
الطالب حب يكمل دراسته في جامعته الاولى سمستر الصيف وبعدها ينقل ..
مر تاريخ اللي المفروض يكون في الجامعه الجديده ولا انتقل ..
الجامعه الجديده راسلت اداره الهجره بتغيب طالبها الجديد عنها ..
بعدها الطالب اختفى لمده خمس ايام .. أصحابه فقدوه ..
و لما راحوا يسألون عنه في مكتب الطلبه الاجانب في الجامعه ..
المكتب اتصل في الاف بي اي يستفسر منهم ..
ولقوه محجوز عندهم من خمس ايام بخصوص المشكله اللي ذكرتها أعلاه ..
أخوي أرجوا أن تأخذ الموضوع بعين الاعتبار و أن تكون عارف وين تضع خطواتك ..
هنا في أمريكا ما فيه يمه أرحميني اذا لقوا عليك زله ..
على كل حال الطالب السعودي دفع غرامه لمكتب الاف بي اي قدرها 6000 دولار ..
ورجع للسعوديه وهو كاره اليوم اللي عرف فيه أمريكا ..
على فكره كان طالب مجتهد
تلميح أخير ...
تدري شنو وظيفه السيفس وليش الطلاب بالذات يدفعونه؟
رقم السيفس هذا يعتبر بمثابه رقم لمراقبه تحرك الطلاب داخل أمريكا ..
وما يحتاج أوصف لك الحكومه الالكترونيه الامريكيه كيف دقتها وكيف ربط أداراتها ببعض ..
يعني موب صعب عليهم الوصول لك أبدا أبدا !
ف أنتبه وأنا أخوك وخذها نصيحه من أخ يحب لك الخير ..

that's why http://artravelers.com/c/207418" target="_blank">
الاي توني I20 = قبول جامعي سواء كان مشروط بلغه أو لا :) ..

جزاك الله خير اخوي الرصاصي وانا والله مجرد سؤال يعني وان شاء الله ماراح اطبقه
طبعا الواحد يحرص بقوة
اخوي بس حبيت أسألك انا مثل ما قلت باخذ ان شاء الله سيشن بمعهد اللغة بإنديانا,بلوومنجتون عقبها بروح جامعة انديانا ,انديانا بوليس لأدرس دراسة اكاديمية هل هذي تحتاج بعد لتعديل الفيزا
وتسلم اخوي

أخوي ..
أنا قلت لك .. تقدر تدرس ثلاث شهور .. ( خلهم يشوفون وجهك ) ..
وبعدها حول لأي مكان لو في هاواي او الاسكا ..
المقصد لما تكون عندهم وتحول .. أكيد ما راح تحول بالدس ( سكّاتي ) ..
أكيد بتعطيهم خبر انك بتحول وتعطيهم خبر .. على الاقل علشان سجلك الطلابي عندهم ..
ما يكون عليه أي إلتزامات ماديه أو جزائيه ..
أخوي تدري أني لما أحجز للسعوديه .. أروح و أقولهم علشان يختمون على الايتوني حقي ..
و اذا رجعت الامقريشن يشيك على الايتوني يتأكدون من ختم المعهد ..