Galaxy_690
29-09-2022 - 03:11 pm
السلام عليكم ورحمة الله وبركاته .
أتمنى ان الجميع بخير وصحة وعافية ..
في البداية انا رايح لسويسرا في الصيف ان شاء الله مع العائلة وقررت اروح لجنيف ولوزان 3 ايام و الباقي في انترلاكن .. طبعا مع هالتقارير اللي شدتني في المنتدى وخصوصا تقارير المبدع اخوي ابو عبدالعزيز شدني كثير رحلة القطار هذا .. طبعا قلت استغل فرصة اني باكون في لوزان واروح الصباح لمنترو ومنها لرحلة القطار .. لكن حبيت استفسر عن شي واحد
القطار طريقة حجزه تكون مثل ماسمعت في منترو قبل الرحله بيوم على الأقل ..
طيب للي مثل حالتي وده يحجز من بدري لأنه بيروح من لوزان بالقطار لمنترو وبعدها يركب القطار الثاني 9 ونص
كيف يحجز ؟ في موقعهم ع النت لقيت حجز .. لكن فيه مشكلتين .. أولها اني باستفيد من السويس باس .. يعني هل لازم اشتريه من هنا واحجز عن طريقه بعدها ؟ او احجز من هنا والباس اشتريه من هناك واقدمه اذا جيت اركب بس ؟
سؤالي الثاني .. الموقع اللي كنت باسجل منه لغته المانيه :/ مافيه شي انقليزي سهل نتعامل معه ؟
طيّب الله اوقاتكم بكل خير .. منتظر مساعدتكم اخواني ..
حياك الله اخوي .
عندك ..خيارين ..يا تستفيد من السويس باس وتروح لمحطة بروك اللي بالقرب منها مصنع الشوكولاتة ..وهذه ما تدفع فيها فلوس ..على بطاقة السويس .
او
تطلع على قطار الشوكولاتة ..وتدفع مبلغ معين ..تقريبا نصف التذكرة ..عشان معاك السويس باس .
ولي عودة معك .