طريقة الإيجار تختلف من شركة إلى شركة. و على حسب كلام بعض المسافرين في المنتدى, في شركات ما تقبل انك تروح لين عندهم و تقول, ابي سيارة, لا, لازم يكون عندك حجز مسبق مع الشركة الام على نوع و مدة و سعر السيارة و الموظف الي في المطار ماله إلا يسلم و يستلم السيارات و يحاسبك عليهم. و فيه شركات ممكن تروح لها و تعمل حجز فوري.
بالنسبة للطلبات, رخصة سواقة مطبوعة باللغة الانجليزية " لزوم التسجيل " و العمر اعتقد يختلف من شركة إلى شركة و يأثر
في السعر.
اما من ناحية الدفع, اغلب الاعضاء الي من السعودية يقولون ان الحجز من السعودية ارخص بكثير لأن المكاتب لها صلاحيات تعطي خصومات خاصة. اما في الامارات و لأني اماراتي, رحت لين مكتب (اليوروب كار) و قلتلهم ابي احجز سيارة والاستلام من مطار زيورخ, قالي عندك واحد من الاثنين, اما تحجز عن طريق الرقم المجاني او عن طريق الانترنت, قالي احنا ما نحجز خارجي. طبعاً رحت لمكتب ثاني, قلت يمكن الرجال ما يعرف الشغل صح و لكن قالي نفس الكلام. عن نفسي حجزت عن طريق الانترنت " مجبر اخاك لا بطل ".
خذ نظرة سريعة على الرابط و لو انه قديم و في اشياء اختلفت لكن بتستفيد:
https://artravelers.com/p/re/129570

وفيت وكقيت اخوي مشكور

عندك عده شركات وعده خيارات
انصحك بشركة هيرتز
ممتاز سعرها واشوف انه ارخص وافضل سعر في اوروبا هالسنه 2011
عندهم عضوية مجانية وفيها مزايا ،،
يوجد حجز والدفع اون لاين
او الحجز والدفع عند الموقع
الفرق بينهم بالسعر والدفع اون لاين ارخص
اخذت سيارة لمدة ثمانيه ايام في سويسرا بسعر 1070 ريال من الجانب الفرنسي
ويوجد بسعر 890 ريال لمدة ثمانيه ايام
بامكانك التجربه والمقارنه بين اسعارهم واسعار بدجت ويورب كار وغيرها