محمد فلاح
13-03-2022 - 11:05 pm
بسم الله الرحمن الرحيم
صبحكم الله بالخير ياشباب
انا ان شاء الله قررت ااجر سيارة
استلمها في اخر يوم لي في فيينا
واطلع فيها لسالزبورغ وزلامسي .
واسلمها في مطار فيينا .
طلعت رخصة دولية
وخذيت قارمن نوفا ( من واحد من الاصدقاء )
والحمدالله استعملته بالكويت علشان اتعلم عليه ..... لاني ولا مرة استعملته .
وطلع الى الان سهل جدا جدا .
وقررت خلاص اجر سيارة .
بس عندي سوال بخصوص شركات التاجير .
انا دخلت موقع شركة سيكست
وعلى حسب العنوان الموجود مكتوب في الشتاد بارك .
وانا حاجز في فندق ماريوت وفندق ماريوت قريب من الشتاد بارك .
بمعنى انه شركة سيكست قريبة مني
لذلك ان شاء الله ابي اجر من سيكست .
اول شي شرايكم بالشركة وتعاملها ؟
شرايكم بمصداقيتهم .... ؟
تنصحوني فيها او لا ؟
وفي شغلة ضرورية جدا جدا جدا
اكتشفتها وانا اخزن الاحداثيات .
الاحداثيات تختلف من موضوع لموضوع !!!
وانا رجال بصراحة ماعندي خبرة بالسوالف هذي .
هل عادي هذا الاختلاف او ان الاحداثية تتغير مع مرور الوقت ؟
لان في مواضيع دخلت عليها ولقيت احداثيات وسيفتها
ومواضيع ثانية دخلت عليها بالصدفة لقيت الاحداثية تختلف في اخر ثلاث ارقام
هالاختلاف عادي او مو عادي ؟
لاني انا مسيف الاحداثيات واخاف الاحداثيات اللي انا مسيفها قديمة ؟
وانا بصراحة ماحب اضيع و انام بالسيارة
اتمنى تردون علي بخصوص الشركة وبخصوص الاحداثيات .
والله يرحم والديكم اذا في احداثيات 2011 او 2010 لا يقصرون معاي .
لاني متحمس ابي ااجر سيارة خصوصا بعد ماصار القارمن سهل وعرفتله
بس سالفة الاحداثيات حبطت فيني
شكلي برجع للباصات والسبب الاحداثيات
بديت اشك انه الاحداثيات اللي انا مسيفها قديمة واخاف تغيرت الارقام مع الوقت
تكفون افيدوني وشكرا لكم ولفزعتكم
أخوكم / محمد
بالنسبة للإحداثيات فهي ماتتغير ابدا، اللي يتغير هو الصيغة Format يعني تقدر تقول طريقة العرض.
وكل اللي تحتاج تسويه انك لما تجي تدخل الإحداثيات في جهاز ال GPS تختار الفورمات المناسب على حسب الإحداثيات اللي عندك.
ان شاء الله اكون وضحت لك الصورة