بالنسبة لدبي وأبوظبي .. ممكن تكون الشغلة سهلة .. بس باقي الإمارات وايد صعب تجمعين عنهم معلومات كافية
من ناحية ثانية .. رسمياً للحين محد معترف ان الأزمة المالية أثرت .. بس داخلياً بين المستثمرين بدأوا يحسون فيها وبعضهم قام يصفي بعض استثماراته وخصوصاً الإستثمارات العقارية
(يقولون ان في دراسة أمريكية في بداية الصيف نصحت المستثمرين بتصفية محافظهم في دبي والتوجه إلى سلطنة عمان)
طبعاً هذا الكلام مش مسنود .. احنا نسمع ونشوف .. بس انا شخصياً ماقريت شي ولا شفت دراسة ولا شي
بس فعلياً في كثير من التجار باعوا كل شي في بداية الصيف قبل الركود .. ومافي دخان بدون نار
بس اذا تبين الدراسة مالتج تكون علمية اكثر .. مالج الا تقرين الأخبار الإقتصادية وتحاولين تحللينها
وفي كتاب سنوي تطلعه جريدة الخليج الإماراتية اسمه التقرير الإقتصادي الخليجي .. فيه دراسة عن كل دولة خليجية
عالعموم شوفي هالمواقع ممكن تفيدج
http://www.albayan.ae
وأي استفسار آخر أنا حاضر باللي اقدر عليه