مرااحب يا مغترب متوهق
شف وأنا أخوك في مثل حالتك ما فيه حل إلا إنك تتواصل مع بنكك الراجحي، تدق عليهم وتبلغهم بمشكلتك، وطبعا خويك برضه يدق على السعودي للاستثمار ويسوي نفس المشكله..
طبعا أنا داري إنهم زلايب وما همهم وضعك بس انشب له إنه يسوي أحد هالأمرين:
يفعل بطاقتك ويخليها (glopal use) بمعنى إنك تقدر تستخدمها في صرافات الفلبين.
الأمر الثاني إنه يحول اللي برصيدك على Western Union طبعا هذا حق الحوالات الماليه، يتيح لك الأمر إنك تروح لأقرب بنك في الفلبين وتصرف الفلوس من حسابك الجاري عن طريق تقديم جوازك بس..
إذا غلبت الروم وماش دقرت السالفه مع البنوك، خل أحد يحولك عن طريق Western Union باسمك وتسحب من البنوك هناك برضه من خلال الجواز
الأمر له حل ولا تضيقون صدروكم، وشباب هالمنتدى مهوب مقصرين بالاقتراحات

والله الان اللي صار صار ولا المفروض اخذ كاش كافي لا تعتمد على الصرفات في الجزر عموماً الحين تقدر تدخل على حسابك وتدق على واحد من الشباب وتحول بحسابه مبلغ وبس يستلمه يروح وستر يونيون ويحوله باسمك وقبل لا حول روح اسال وش المطلوب لانه قد يكون يطلبون اثباتين يعني رخصه بالانجليزي والجواز وتنتهي العمليه وكان الله في عونكم واذا تبي شي ابشر بعزك

اخوي جرب هذا البنك (مترو بنك) لانه اغلب البنوك الفلبينيه ماكانت تعطيني الا هالبنك دائما اسحب منه عادي جربه شوف وان شاء الله تقدر تسحب منه واتصل كذلك بالبنك مالك ممكن يكون في مشكله بالحساب او يوم السبت والاحد المكاين فاضيه مافيها فلوس لانه ايام اجازه بس حاول بالبنك اللي قتلك عليه لانه هو المضمون

أبشركم الأمور زانت الحمدلله..وبطاقتي صرفت..والله لايهينكم على كل حال ماقصرتوا..وكل من رد علي أقول له الله يرحم اثنين جابوك..بس الظاهر جزيرة بوركاي مافيها أي مطاعم عربية أو عالمية..وإلا؟؟؟
ياليت اللي عنده علم يرد لي خبر
مشكورين والله ع التفاعل والله يجعله في ميزان حسناتكم

متغرب متوهق
المطاعم في المول وشيك الفنادق

متغرب متوهق
توضيح :
حبيبي السفاره ما لها اي شغل في موضوعك انت عندك مشكله مع بنكك وش يدخل السفارة !!!!
والشئ الاخر لو تصفحت تقارير الاخوان لوجدت كذا تعليق وكذا استفسار يتكلم عن الصرف في بروكاي