- بس يمكن ان عندي بعض المعلومات اللي تفيدكم الا وهي :
سلام ..
بالنسبة لموضوع بالي وفنادقها وبعد ما رفع لنا الاخ البرق . .. تبين بعد الدراسه اني ما ادل واجد فيها لاني ما رحت الا مره وحده بس لبالي !!
بس يمكن ان عندي بعض المعلومات اللي تفيدكم الا وهي :
- بالي عبارة عن جزيرة .. يعني من كل جهاتها الابع هناك شواطئ, لكن الشاطئ اللي عليه الزحمه وعليه الكلام هو شاطئ كوتا لانه يعتبر وسط البلد .. وخذها قاعده اذي تبي تدل الديره (اي ديره ترووح لها) لازم تسكن في وسط البلد .. يعني اسكن في كوتا .. فيها فنادق كثير واسعارها جيده جداً .. وخذ من المطار فوتشر وقله ابي في شارع كوتا ..
- ايضاً هناك جبل ماهو طبيعي في بالي على ارتفاع شاهق وهو ايضا جبل جميل .. تركب في جيب مع سواق يطلع بك الجبل من الصباح ( مثل الذيب الساعه 5 ) .. وتشوف البحيرات اللي فوق الجبل ( منظر ساحر) .. لانه يوجد في اعلى الجبل اربع بحيرات موزعه على ارتفاعات مختلفه في هذا الجبل الاخضر الساحر ..
- لا تنسون سووق كوتا تراه سوق جميل والبضاعه اللي فيه جميله ومتنوعه وزينه وتصلح هدايا للربع عند العوده .. والله الله في المكاسر لاني مره من المرات وانا اتمشى في شاطئ كوتا لقيت عجييز تبيع شورتات ( مقوصر بالمحلي ) قلت لها بكم؟ قالت 20$ المهم قلت لا ومشيت قالت: كم كم .. مااي برايس داون (يعني تعال تعال ترااي عجوز اتكاسر ) .. قلت لها 10.000 ربيه بس !! قالت : نو سمول (قصدها شوي (ادري ان سموول يعني صغير بس هم يسمعوون بالانقليزي )) .. وانا افهم على شخاميطهم يعني افك الخط .. .. المهم مني ومنها الى ان اخذت 2 سراويل مقوصرات للبحر ( شورتات) لي ولخويي ب 50.000 يعني حوالي 5$ رفيقكم ذيب ..
- ايضاً هناك نشاطات بحريه كثيره ومتنوعه ممتعه جداً ( مع اني ما لعبت فيها ) .. لاكن سعرها بالدولار يعني زارفينك زارفينك الله لايعووق بشرّ .. وعلى قولة الفنان الراحل عبد الحليم ( تراك يا ولدي مزروفٌ مزروفٌ مزروفٌ مزروف)
- - انصحكم لاتسكون في نوسا دوا لانها بعيد جدا عن وسط البلد وبتنلطع على بعد 30-40 كيلو عن وسط البلد ولا تلقى تكاسي .. مع ان فنادقها حلوه وعلى البحر وشاطئها رائع بس ترى البعيد ما ينبغي ولو كان زين
وسلامتكم
وفعلا اللي يروح لبالي وما يسكن بكوتا هذا غلطان لأنه راح يتعب بالتنقلات وغير كذا بالمنطقة نفسها لأن كوتا معروفه بانها الأفضل وهي المنطقة الأولى ببالي..
تحياتي ،،،