نشر في بانكوك

بانكوك

راعيـ الفتك ـيه

23-05-2022 - 08:47 pm

السلام عليكم
شحالكم جميع .. ان شاء الله بخير
بعد مشاورات من شهرين تقريبا .. والحين مابقى شي عالصيف والناس يتزاحمون عالحجوازت ..الخ
وبعد مناورات وحروب ومشاورات تم الموافقه ع بانكوك 6 أيام دون 7 للسبب مجهول
بس بشروط ان مانشبر برع بانكوك .. الحمدالله شي عن لاشي
ف حبيت استفسار عن فندق نظيف ومستواه جميل وسعره حلو وينفع للعوايل.. لعلم عرض علينا المكتب ..
فندق ماريوت وقال أعتقد ماذكر والله ان في 2 مادري 3 فنادق ماريوت في تايلند ..
انزين المهم .. حبيت استفسار عن الاسواق اهم شي
وهل في بانكوك مناطق سياحيه بحكم ماشاء الله بيكونون ويانا يهال ولازم نكشتهم بعد
اللي عنده خبره ينجدني .. بحكم نأكد الحجز والفنادق لاني ماثق صراحه في المكاتب الااذا حد
مجرب خبرني
ومشكورين

أقدم اسفي للمشرفين مانتبهت عن هالقسم الا عقب ماكتبت الموضوع هناك ..

التعليقات (9)

الأخت فراولة

24-05-2022 - 12:20 am

راعي الفتك يه
تروحون وترجعون بالسلامه
روحي لبوكيت
احجزي على اير اسيا من بانكوك لبوكيت
بانكوك لحالها تطفش
انصحك ال 6 ايام تقسمينها
يوم بانكوك
4 أيام بوكيت
يوم بانكوك
= المجموع 6 أيام

الاستشهادي

24-05-2022 - 01:21 am

عليكم السلام
انا ما رحت تايلاند ولا مره بس ناوي في شهر 7
فبخبرك عن بعض الاماكن الي قمت بالبحث عنها بس ما رحت لها
1-دريم ورد عباره عن مدينه العاب
2- سفاري ورد حديقه حيوان مفتوحه
3- دست زو حديقه حيوان اخرى
4- Nakhon Nayok عباره عن منطقه طبيعيه حلوه بها شلالات وغابات و سد كبير شوف هذا الرابط http://thailand.sawadee.com/nakhonnayok/attractions.htm
5- حديقه التماسيح
6- حديقه الافاعي
7- حديقه الزهور
وان شاء الله الاخوان الي ذهبو الى بانكوك يفيدونك اكثر مني
و هذي رابط فيه الكثير من المعلومات عن بانكوك سواء سياحيه او سكنيه او تجاريه http://bangkok.sawadee.com/attractions.htm

soqor

24-05-2022 - 02:22 am

الاخ الاستشهادي ماقصر ويشكر علي المجهود انا بتكلم عن الفنادق
هناك 3 فروع للماريوت في بانكوك وهم جي دبليو ماريوت وهذا يقع في الحي العربي ويعتبر من اشهر الفنادق في بانكوك وافخمها وسعره غالي فى حدود 650 درهم اماراتي الفرع الثاني هي الشقق الفندقية ( ماي فير ماريوت وتقع في شارع لنكسوان وتصلح للعوائل كبيرة العدد اما الفرع الثاني فهو ماريوت ريزروت اند سبا ويقع علي النهر بعيد تقريبا عن المولات والحي العربي وكلهم اسعارهم متقاربة
شخصيا ارشح جي دبليو ماريوت اذا الميزتنية تسمح او فندق ماجستيك يترواح بين 350 درهم وفندق جديد وفخم وقريب جدا من الحي العربي
ثانيا الهوليدي ان والانتر كونتيننتال وهم قريبين من المولات والقرار لج

راعيـ الفتك ـيه

24-05-2022 - 03:23 am

الأخت فراولة
الله يسلمج فديتج ..
المشكله تدرين يهال والله ويانا وبنكون سايرين ع أول 7 وزحمه فنخاف نروح بس مانلقى رده
للعلم ورانا عقب 6 أيام بانكوك .. النمسا + المانيا = 3 أسابيع
ونحن مسوين كل هالحشره الا عشان نشوف الاسوااق
ومخ خويه العود .. بعيد عنج مقفل !

راعيـ الفتك ـيه

24-05-2022 - 04:24 am

الاستشهادي
واو والله كل هذا في بانكوك ..
ماتخبلت الا على سفاري ودورت موقعكم وحصلته .. شي عجيب
يعطيك الف عافيه وماقصرت أخويه

راعيـ الفتك ـيه

24-05-2022 - 05:25 am

soqor
فعلا هو نصحنا في فندق جي دبليو ووقعه أعتقد في حي نانا اللي هو العرب صح ولا ؟
المهم إن شاء الله باجر بنأكد الحجز ع فندق ماريوت جي دبليو
ماقصرت أخوي

soqor

24-05-2022 - 06:26 am

راعي الفتك يه
زين ماخترتى انا سكنت فيه اسبوعين استانست فيه والحي العربي خلفه بالضبط يعني 200 متر تقريبا علي فكرة مدير قسم الحجوزات للعرب هو سوري اسمه سامر ومختص فقط للعرب والفندق فيه مطاعم منوعه اشهرها مطعم امريكي يقدم ستيك علي كيفك وامامه مول صغير فيه ستاربوكس وتحته مطعم بيروت اعتبره افضل مطعم عربي في تايلند كلها من حيث النظافة والخدمة نوعية الاكل ورحلة سعيدة اتمناها لكم

الاستشهادي

24-05-2022 - 07:27 am

راعي الفتك يه
عندك بعد
سيام اوشن ورد (مكان فيه احواض سمك وممكن تمشي تحت الماء و السمك شكله في الصور روعه

الاستشهادي

24-05-2022 - 08:28 am

راعي الفتك يه
عندك بعد
سيام اوشن ورد (مكان فيه احواض سمك وممكن تمشي تحت الماء و السمك شكله في الصور روعه
http://www.siamoceanworld.co.th//

بانكوك المسافرون العرب

بانكوك