وعليكم السلام
شوف الرابط بيفيدك للرائع صقر دبي
https://artravelers.com/p/re/399005

بصراحه شي لا يوصف
ممتاز وانا حاليا في دبي ،معتمد عليه بعد الله
التكاسي مره غالية
علي فكره فيه شيء غريب في التكاسي لو فتحت الباب وكبت ورحت مشوار قريب والعداد مثلا وصل 8 درهم لازم تدفع الحد الادنى 10 درهم
شي غريب بصراحه...
المترو ركبته من المطار اول ما وصلت ونزلت في محطة برج خليفه دبي مول
لاني ساكن بنفس المنطقه وكانت تكلفة المشوار 2.30 درهم
ولو اني راكب تكسي بدفع اقل شي 70 درهم
بالتوفيق

حلو ابو ليان طيب حبيبي بالنسبه اذا كنت ساكن في فندق في ديرة او بر دبي او المارينا
ومثلاً طلعت من الفندق بطلع اتمشى او بروح مشوار هل بحصل بجنب الفنادق مترو او باص يوصلني للمترو
يعني الفنادق والشغلات هذي حولها مترو ولا مافيه ؟
لانه ما تسوى علي اطلع من الفندق واركب تاكسي لين المترو واذا وصلت للمكان اللي ابيه انزل من المترو على تاكسي ما استفدت شي

أخ abolayan_stc النظام الجديد حتى المشوار 1 كيلو متر الأجرة الأدنى هي 10 دراهم

انصح بستأجار سياره
اما المترو فيه محطات مايروح لها
مثل الجميرا واتلانتس لازم توقف عند محطة وتاخذ تاكسي حتى يوصلك هناك

انصحك باستعمال المترو اسرع وارخص
ياخذك من جبل علي مرورا بمول ابن بطوطة ومول الامارات ووسط البلد الى مطار دبي

اخوي المترو له محطات معينه ينزل فيها ويخدم المناطق القريبه من كل محطه
وانا اشوف ان المترو ينفع في المشاوير البعيده
يعني من اللي من ديره مثل المناطق (المزهر وطوار والراشديه ) ويقدرون يركبون المترو من محطة الراشديه لين المكان اللي يبونه مثل (المرقبات او دبي مول او امارات مول او ابن بطوطه) ونفس الشي العكس اللي هم من جميرا يبون يسيرون لديره يعني بيوفر لهم الوقت والزحمه

اخي العزيز انصحك في المترو بقوة انا توي جاي من دبي
واستخدم المترو يوميا بالتنقلات واهم شي تكون المحطة
قريبة من السكن