السلام عليكم ..
حبوبة برأيي الأفضل انك تسكنين بالشانز
لأن ما تسوى السكن بدزني علشان يوم واحد
ماتسوي عليك هالتنقل بالحقائب مني ومناك
استقري بفندق بالشانز
وبعدها روحوا علن طريق المترو اللي ياخذكم من الشانز الى دزني ب 40 دقيقة
ليش المترو ؟ لأن المترو أرخص من التاكسي لدزني
وان ما تعرفين اشلون اتروحين بالمترو من الشانز لي دزني
لا ترددين بالسؤال وانا اجاوبك عالرحب والسعة
والله يسل اموركم ان شاء الله
مشاركاتي ...
من برشلونة .. الى .. جيرونا ......... عن تجربه https://artravelers.com

يعطيك العافيه ام يروم
انا بسألك بس سؤال ثاني غير المترو
الحين ديزني لاند يكفيها يوم واحد ؟ عشان اشوف كل شيء فيها ؟

مرحبا اختي قصيدة المساء...ديزني ما يكفيها يوم اذا كنتي حابة اتجربين الالعاب وديزني استوديو أو البارك كلهم لهم ميزتهم بس احس البارك للي عنهم اطفال من سن 3 سنوات وحتى 10 سنوات والاستديو للمراهقين اكثر (ما ادري س هاذي وجة نظري)
ع العموم رحلة سعيدة واذا ما مداج خلي الجزء الي ما شفتيه للسنة اليايه )

اختي قصيدة المساء انا مع اخوي التنين الصغير بكلامه
دزني ما يكفيها يوم واحد نهائيا ..
كلمة يكفيها يوم واحد هذي تنقال من ناس يطنشون شغلات وايدة في دزني
او انهم رايحين لدزني كذا مرة فخلاص عارفين وجهتهم ولشنو يروحون فيها وشنو يخلون منها
بالنسبة لنا .. احنا معانا طفلين ( 7 سنين و4 سنين )
وحجزنا فقط للبارك وما حجزنا للاستديو لتوقعنا لعدم كفاية الوقت للبارك والاستديو بيوم واحد
كل واحد لازم يكون له يوم منفصل عالراحة
وتخيلي اختي احنا قضينا كل الوقت بقسم الاطفال من 10 الصبح لي 11 بالليل
زحمه شهر 7 طوابير للألعاب ولويه
وحطي ابالك اختي ان في وقت راح يضيع موزع على :
1. وقت الغداء
2. وقت للتسوق ياخذ منكم ساعة او اقل او اكثر
وهو يعتمد عليكم ان حبيتوا الشراء لليهال ولكم من محلات دزني
3. بيروح وقت عليكم حوالي ساعة كاملة
ان حبيتوا تصورون مع شخصيات دزني مثل ميكي وميني ماوس
( على حسب الناس بالطابور )
4. هذا غير وقت العرض المهم لكل شخصيات دزني اللي بيمشي بطرق الحديقة
وياخذ العرض منذ بدايته الي النهاية بالضبط نص ساعة
( لكن الوقت على ما تقعدون مع الناس وتنطرون العرض كله على بعضه جذي بيضيع منك حول الساعة )
علشان جذي اختي يوم واحد مو كافي
ومن الألعاب اللي لعبناها بره قسم الاطفال فقط
هي لعبه القطار اللي يدور حول الحديقة كلها
ووالله ماتوقعتها بهالشكل
طلعت لنا سوالف بالحديقة وايد حلوة
فانصح فيه لا تفوتونه
واذا كان معاكم أطفال فانصحكم بلعبة بيتر بان
اللعبة وايد وايد حلوة للكبار قبل اليهال كلنا طلعنا منها فرحانين لا طوفونها
( وهي لها تذاكر فاست باس )
وهناك في عرض مسرحي ( لبعض من شخصيات دزني ) عالمسرح يخلص ويجي غيره بشكل مستمر
وهو بمكان مغطى وهناك كراسي للجمهور
( ومكانه قريب وايد من لعبة بيتر بان ...
وهو بالضبط بين لعبة بيتر بان ولعبة أليس في بلاد العجائب )
والله يسهل الامور عليكم ان شاء الله
مشاركاتي ...
https://artravelers.com

والله ماقصرتوا
انا معاي بنتي بيكون عمرها ان شاء الله سنه و 7 شهور باذن الله
وخايفه تتعبني
وهل فيه العاب تناسبها ؟

قصيدة المساء
الله يخليها لج حبوبة وبارك لكم فيها
بنوتج اصغيرة في ألعاب تناسبها مثل الحصن اللي اتدور
ولعبة small world
و اذا كانت تمشي فحلوة لها لعبة أليس في بلاد العجايب
والعرض المسرحي اللي قلت لج عنه وغيرهم ..
بروشور الحديقة فيه الالعاب باساميها ومحديين لج بشكل حلو
حرصي انج اتحصلينه أول ما توصلين الحديقة ان شاء الله بتلاقينه عند البوابة
واذا على سالفة انها بتعبج ولا لأ .. ياهل أكيد لها سوالف
الله يسهل لكم أموركم ان شاء الله
مشاركاتي ...
https://artravelers.com/p/re/250710