نشر في سيلانجور

بالله عليكم احتاج مساعدتكم يالله يامهند96 ومسافر مختب بسرعة

rosemary1980

26-05-2022 - 06:11 am

السلام عليكم ورحمة الله وبركاته

السلام عليكم ورحمة الله وبركاته

مارح اطول بالموضوع هذي هي سفرتي الاولى لماليزيا ورتبت الجدول واحتاج مساعدتكم في ابداء رايكم فيه وتوجيهي بالذات في الاماكن السياحية زوجي كان يبينا بس في كوالا وسيلانجور بس الحمد لله وافق في آخر لحظة و عشان كذا راح تكون الرجعة من مطار لنكاوي الى كوالا ثم الى السعودية انا معاي اطفالي الثلاثة الله يحفظهم ويصلحهم
اول ليلتين في سيلانجور بفندق الصن وي لاقون وان شاء الله رح نروح الملاهي والفراشات المضيئة وسوق الماينز وندر لاند
بعدها ست ليالي رح تكون في كولا ببرجايا تايمز سكوير وراح اتمشى فيه ان شاء الله وراح نزور البرجين والمنارة والقرية الفرنسية وجينتغ هايلاند وبوتراجايا وشلالات تيمبلر بارك وشاع العرب(لازم ازور الحدايق والا لا؟؟ والبرجين دايم مفتوح والا في ايام يغلق فيها..افاموزا من كلام اللي زاروها ماني حابه ازوره.ا..بالنسبة للمجمعات انا ما افكر اشتري من برا بس يمكن اتمشى فيهم )
بعدها رح نطلع اربع ليالي في بينانج السكن في براديس الشكوى لله الميزانية تلعب دور :112: انا ما ابغى بس اختاره زوجي وما حبيت اعارض
والجدول هو اول يوم اكتشاف المنطقة وفعاليات شاطئ الفندق هذا بالصباح طبعا(اذا فيه وقت طبعا)
العصر هضبة بينانج والقطار المعلق
الليل السوق الليلي
اليوم الثاني الشاطئ الصباح وبعدين رحلة الى جزيرة القرود
العصر (ابغى مكان اشرب القهوة فيه مدمنة قهوة )
الليل (مجمع جورني بلازا )
اليوم الثالث نفسي اروح منطقة بوكيت ميراه (تستاهل والا لا ؟؟والحدايق اروحلها والا لا؟ لاني ما رحت في كوالا؟؟ايش افضل)
بالليل طبعا يكون جورج تاون (شواطئ باتو فرنجي لازم اروحلها والا تكفي الفعاليات اللي عند الفندق)
بعدين اليوم اللي بعده الروحة على لنكاوي وفيها خمسة ليالي احنا نحب الهدوء
اليوم الاول كالعادة اكتشاف لمنطقة (برجايا السكن)
بعدين ميدان النسر وحديقة لاجندا وزيارة مجمع لنكاوي
اليوم الثاني الافطار وطلب تاكسي
وزيارة عالم ماتحت البحار
العصر او الظهر التلفريك وحديقة التماسيح وسوق القرية
اليوم الثالث رحلة المانجروف بالاتفاق مع الفندق
بعدين العصر الذهاب الى الشلالات
وبالليل مجمع عندهم نسيت اسمه
اليوم الرابع قرية اير هنكت (ينابيع حارة) وجبل جنورايا
اليوم الخامس ؟؟؟؟؟ما ادري ايش نسوي ايش تقترحون ؟؟؟
اليوم اللي بعده مغادرة لنكاوي الى مطار كوالا ثم في نفس اليوم الرحلة الى السعودية ان شاء الله
ايش رايكم كذا كويس والا في اماكن حلوة ما ذكرتها ؟؟؟
زوجي معتمد على الله ثم علي لو سمحتم ساعدوني ؟؟؟؟

التعليقات (9)

أحب ماليزيا

26-05-2022 - 09:14 am

جدولكم حلو ملشاء الله سفره سعيدة ان شاء الله

Amola12

26-05-2022 - 10:15 am

اقترح ... تكون كوالالمبور أخر شي .... يعني يكون جدولكم كالتالي ...
سيلانجور ... بينانج ... لانكاوي ... كوالمبور ....
كذا التنقلات تكون أريح لكم خصوصا للأطفال
تحياتي
أموله

rosemary1980

26-05-2022 - 11:16 am

احب ماليزيا شكرا حياتي رفعتي معنوياتي
امولا12
كنت حابة اخلي الجدول زي ما قلتي بس مااقدر خلاص لانها رتبطنا بحجوزات الفنادق لان الجدول اول بس شي سيلالانجور وكوالا بس والحمد لله ان الله كتب لزوجي يغير رايه

مهند

26-05-2022 - 12:17 pm

وعليكم السلام ورحمة الله وبركاته
اختي روز حياك الله ولي الشرف والله انك تخصيني بسؤالك مع شيختنا مختبة
وإن شاء الله أقدر أفيدك
بس تعرفين اليوم أربعاء وموعد السهرة مع الربع وبإذن الله أرجع وأرد عليك باللي أقدر عليه
مبدئياً أبيك تحملين الملفات اللي حطيتهم بهذا الموضوع
https://artravelers.com/p/re/123709
وتتصفحين الأماكن اللي فيها وتشوفين اللي يعجبكم منها
وبعدين نكمل معك بإذن الله
وسامحينا عالقصور

(البندري)

26-05-2022 - 01:18 pm

جدولك حلو
تتهنون فيه يارب

rosemary1980

26-05-2022 - 02:19 pm

مهند96 مشكور على المرور الله يعين انا والله بدبي بس قلت لازم احط الموضوع ونسيت ان اليوم الاربعاء معليش خذ راحتك بس لا تطول علي
ما بقى لي اسم شكرا على المرور والحمد لله انه عجبكم معناته ان شاء الله حلو

مهند

26-05-2022 - 03:20 pm

اختي روز سامحيني إذا تأخرت عليك
أنا شفت جدولك ما شاء الله فيه جهد واضح
بصراحة ما خليتي شي يعني ممكن نزيده على اللي كتبتيه
لكن أنا وجهة نظري بخصوص الجدول اليومي
إنكم تخططونه هناك بحسب الجو والنفسية والايام والفعاليات
يعني فيه أماكن أفضل زيارتها أيام الاسبوع مثل جنتنق
وفيه أيام افضل بإجازة نهاية الاسبوع مثل القرية الفرنسية
وممكن تزورين بكوالا مصنع الشوكولاته ومصنع الجلديات قريبة من شارع العرب
البرجين ما ادري إذا فيه يوم تقفل فيه
بس أذكر لازم تروحون الصبح بدري تشترون تذاكر الزيارة
الحدائق اعتقد حلوة زيارتها اذا كان الجو ممطر لانها بالشمس تكون حر ورطوبه
زوري منطقة الخيول الذهبية ومدينة العاب وندرلاند
فيه متاحف علمية جميلة خصوصاً للأطفال
الملفات اللي ارفتها لك فيها كل الاماكن المهمة وهناك تحددون مثل ما قلت جدولكم كل يوم
بعد انصحك بقراءة تقرير ابو لينا الاول والثاني فيه معلومات كثيرة جداً ومستفيضة
وبالتوفيق واكرر اعتذاري على القصور

rosemary1980

26-05-2022 - 04:21 pm

الله يجزاك الجنة ماقصرت
والله يجعل كل عمل تقومين فيه بالمنتدى في صالح الناس في ميزان اعمالكم
وشكرا اخوي وبالفعل انا كنت مطلعة على تقرير ابو لينا خبيرنا الكبير وعندي ملف الماهري الرائع الله يسعدهم

مسافر2006

26-05-2022 - 05:22 pm

أختي الكريمة ،،،
لي ملاحظات على الجدول بعد أذنك وأخوي مهند96 ما قصر ،،،
رأيي الشخصي أن أول يومين تكون في صن واي لاقون بعدين اطلعوا لبينانج وغيرها من الأماكن وتكون الستة أيام الأخيرة في كوالالمبور أفضل بكثير لأنه في الغالب الأيام الأخيرة يكون فيها تسوق وأنتي في كوالالمبور باستطاعتك الذهاب لجنتنج من الصباح إلى المساء وزيارة الحدائق وغيرها من الأماكن ،،،
تروحون وتردون بالسلامه ،،،

سيلانجور المسافرون العرب

بالله عليكم احتاج مساعدتكم يالله يامهند96 ومسافر مختب بسرعة

السلام عليكم ورحمة الله وبركاته