1. بالكويتي يقولك يا من شراله من حلاله عله !!!

بالكويتي يقولك يا من شراله من حلاله عله !!!

طبعا هذا لاني حالي حال اي واحد ما زار المغرب من قبل و كنت عايش مرتاح بس حسبي الله عليك ياللي اب بالي ! الصيف الي طاف كنت قاعد أخطط علشان سفرتي حق أسبانيا , ربعي كانوا سابقيني و أنا كنت لاحقهم , حجزت التذكره و نطرت السفره الي بتكون بعد اسبوع من ذاك الوقت , أتصل علي رفيجي و قالي أبيك تجي معاي السفريات علشان بيحجز تذكره , ركبت معاه السياره و اول شي سألته انته وين مسافر , رد علي أنه بيروح مراكش , معه منو ؟ معه واحد من الشباب , دارت الفكره بمخي و قلت ها حجي شنو ياك ؟ المهم رحنا السفريات و حجز تذكره ولا اشوف نفسي من غير تفكير أحجز معاه و كنسلت تذكره اسبانيا , و اليوم الي بعده سافرنا كازا علي القطريه , طبعا انا ما كنت أدري أنها تنزل اب ليبيا ! لانه قعدنا مده بمطار الدوحه نطالع الشاشه و نشوف خط الرحله لي ليبيا و قعدنا مده نسأل اذا هذي رحلتنا ولا لأ ! المهم غامرنا و ركبنا الطياره و اشوي وصلنا كازا و من كازا بالقطار الحلو لي مراكش لي ممر النخيل الي غير كل فكره تشاؤميه كنت شايلها بمخي أنه المكان ما راح يكون بالمستوي الي أنا أبيه ! طبعا بعد السفره الطويله كان لازم أنام اشوي بس صاحبي سوالي راعي سفر صج , لازم نروح نشتري أكل و الذي منه قبل لا ننام , انا تعبان وودي أنام بس أضطريت أروح معاه علشان لما نرد الديره لا يقول انا مو شقردي , المهم رحنا شرينا أكل من مادري شسمه ( تره انا من طبيت المغرب و ماكو أسم يركب اب مخي كله مخربط بالأسامي) المهم شرينا حق مدرسه مو حق أثنين بس بالشقه , ما علينا ردينا الشقه و بخاطري أنام اب اي مكان ان شاء الله عند الباب , طلعلي الأخ مره ثانيه و قالي لازم نروح ناكل قبل لا ننام علشان لا نقوم مستعسرين !! مستعسر بالكويتي يعني قاعد من النوم بوزه مترين و نص , رحنا مطعم علي ذوق الي كان معانا و نسيت أسمه بس كان المسؤول عن راحتنا في مراكش , وصل الأكل و غير فكرتي المتشائمه !! انا مو أكيل و ما أعرف أستمتع باللأكل يعني عادي أكل اي شي بس علشان أكل , بس الأكل هذا ! لا شي مو طبيعي , انا أكل السلطه و أقول هذي أحلي سلطه كليتها , و جا اللحم المشوي و قلت هذا أحلي مشوي أكله و بعدين صارت هذي حالتي اب كل شي أكله بالمغرب أنه أحلي شي كليته ! علي بن خيام انا حافظ هل الأسم , عجيب حده* ( مره بالسعودي) , رحنا مطعم اسمه الكونتوار راقي و بيعجب اب واحد يزوره انا متأكد , يكون طابقين الي تحت مطعم مغربي و يعطيك جو عائلي بس عيبه أنه الكراسي ساعات تقعد مجابل الطوفه أو صاحبك الي معاك و انا مو مليت من ويه فا أجابل الطوفه ,كان هذا عيبه الوحيد , بصراحه انا صارلي شهرين من رديت من المغرب و حالتي حاله ,لأن أحس أني ما خذيت كفايتي يعني من دخلت منتداكم الراقي هذا و انا أحس أني ما شفت شي من المغرب أو حتي مراكش , أن شاء الله زيارتي الجايه بتكون علي دراسه وافيه علي كل مشاركاتم و انا متأكد بحيل الله أني بشوف أكثر و بستانس أكثر بالمغرب ولو أني صج اسانست صج , انا كل اشوي مينن ربعي الي ما راحوا المغرب بسوالفي عنها و قاموا يتضايقون مني , حاسس أنه في واحد منهم بيتهور علي يوم و بيطقني , المهم أنه أنا زرت دول وايد و أكثر شي عجبني بالمغرب الناس الي فيها , ناس محترمين و من أهل الله , تعاملهم معانا كان فوق المستوي ( خاصه لما أكلمهم فرنسي ;) ) أرد و أقول انا رايح ان شاء الله مره ثانيه مراكش الحمرا 10 أيام و أغادير 7 أيام و أن شاء الله بتم أزور هل البلد سنه وره سنه لين الله يفرجها