الله يحفظكم في حلكم وترحالكم
وتوصلون إن شاء الله بالسلامة ..
لكن هل عندكم ميزانية محددة للإستراحة لأن في إستراحة ب 2000 ريال لليوم وفيه إستراحات ب 300 لليوم وكلها في شرق الرياض ..

تسكنون في استراحه
كم يوم يعني ؟
اختارو شمال الرياض احسن المطاعم و الأسواق في الشمال احسن
و اي استفسار رح احاول افيدك
حياك الله .

سيرفس جزاك الله خير والميزانيه لله الحمد موجوده
الجوهره
الشمال أفضل ؟؟ شنو الأماكن الي بالشمال
تقريبا بنجلس 6ايام

حديقة الوطن في وسط الرياض في مركز الملك عبدالعزيز التاريخي.
عطني مكانك في الرياض وأنا أوصف لك.
طبعاً إذا وصلت الرياض.

هلا بك ياندى وش رايك انا اخذ بيتكم وانتي تجين بيتنا انا بروح الاسبوع الجاي الكويت ان شاء الله
غريب موضوع الاستراحة ، انا اعرف فيه ناس يجون للرياض يسكنون في قرية الثمامة تشبة الاستراحات بس يسمونها شاليهات حلوة وفيها امان باذن الله وفعاليات قناة المجد هناك يعني حتى لو ماطلعتوا بتنبسطون

استراحه زي ايش يعني في احد موصيكم على شئ
لكن انا اشوف ان احسن شئ تسكنون للشمال ترى الشرق اقل مستوى والوسط اغلبه وافدين وشعبي
شوفوا فندف ولا شقه قريبه من المولات والمطاعم واذا شاليهات فيه المرسى مخرج تسعه وقريبه وموبعيده عن الماكن يعني شمال شرق

بسبب الأجواء في الرياض ,, والكل له راي ما أيد اللإستراحة ,,, وحنا في الرياض مانطلع للإستراحة إلا بعد صلاة المغرب ,, من حلاة الجو عندنا في النهار,,
وبما أن الميزانية مناسبة يعني مايفرق لو أخذتوا شالية ب 2000 ريال وهي شاليهات كلوسترز ولو بحثتي في المنتدى أو في قوقل السعودية راح تلقين تفاصيل عنه أكثر ,,
وإذا ودك بمكان مناسب عند بودل في شمال الرياض ورائعة جداً وهي شقق فندقية .. وكل شيء حولها ,, وإذا بغتوا شاليهات عندك تاملاسى وفنتزي لاند والثمامة وأسعارها معقولة أكثر من كلوسترز المبالغ فيها ,,
والله يوفقكم ,,,

اختي الاستراحة في هذا الحر ما تصلح,, بالنهار ما تطلعون برا وش فايدتها اذن..... خذو شقة محترمة وبعدين اطلعوا لاستراحة ولا شاليه مرة مرتين ولا يمنع انك تسالين في فندق الفهد كراون عندهم فلل... بعدين حلاوة الرياض بالاسواق والمجمعات الكبيرة ... اما حديقة الوطن ماهي بمستوى العنوة بصراحة اهل الرياض اهل بر بالشتا واستراحات و مطاعم بالحر يعني الحدايق ما تهمهم...اسالي برضه عن شاليهات سبلاش يمكن تعجبكم ... وش جابكم بذا الحر ... رحلة سعيدة

آول شيء الله يحيك في دولتك الثآنيه
بالنسبه لأسترآحه شرق الريآض .. والله مأعرف في الاسترآحآت
لكن بالنسبه للمطآعم والاسوآق
عندك المطآعم .. والاسوآق في شمآل الرياض
ومن الاسوآق اللي تعجبني وفخمه .. المملكة - الفيصليه - رياض جاليري - حيآة مول ..
طبعاً هي شمآل الرياض .. ولو تركبون تآكسي ض1 ع طول يوديكم له
وبالنسبه للمطآعم كل حي فيه مطعم لكن في شارع آسمه التحليه
فيه مطعم آسمه آفآد مجنون آكلآت هندييه مع اني مآحب الاكلآت الهنديه الا انه له طعم رهيب
.. وان شاء الله عطيتك فآيده ..