اتمنى رد اخوكم في مأزق اتمنى ردود

السلام عليكم ورحمة الله وبركاته
اولا اخوي اتمنى لك رحلة سعيدة في احضان اوروبا طبعا بتكلم عن جنيف وانترلاكن اللي هي من ضمن جمهورية سويسرا
بخصوص النقل ... إما تكون بتأجير سيارة أو تكون عن طريق القطارات وهذي تكون بين منطقتين واما عن التنقل في انحاء المنطقة الواحدة فتسمى بالترام ..
وبعد الانتهاء من سويسرا تذهب من آخر منطقة كنت فيها إلى زلامسي وطبعا محطات القطارات موجودة في كل منطقة فماعليك إلا انك تتبع الإرشادات
بخصوص تكاليف النقل في القطارات ومثل ماهو معروف بان ارخص وسيلة نقل هي القطارات
وانا بعطيك موقع للقطارات وان شا ءالله راح يفيدك بالنسبة للأسعار
وطبعا تحط الوجهة اللي تريدها وراح يعطيك السعر بالدولار
http://www.raileurope-gcc.com/
تروح وترجع بالسلامة أخوي

بخصوص اللغه الأهم انك تقدر تمشي عمرك في المحطات والفنادق والمطار والمطاعم واما الباقي ان شاء الله تقدر تمشي عمرك

انا الان في جنيف بالنسبه لجنيف احس ماتحتاج سياره كل شي قريب وانا ارشح انك تستأجر سياره افضل وارخص
مع العلم اول مره اروح اوروبا واستاجرت سياره ممتعه جدا
بالنسبه لانترلاكن ماادري والله رحلتي لها بعد اسبوع
ولكن انتبه فالجو بارد جدا يعني لاتاخذ معك ملابس صيفيه ابد لانه بارد والله يمتعكم بسفرتكم يارب ...

محمد خليفة
مشكور أخوي محمد خليفة على ردك الجميل الله يعطيك كل عافيه واذا كانت سيارة كم تكلف وهل احجزها من طريق الفندق اللي انا فيه وكيف بس الرابط مايشتغل ياريت تعيده لي اذا سمحلك وقتك تقبل تحياتي

الملك808
اخوي الملك 808 دامك انت الان في جنيف ياليت تفيدني اخوي عن الاسعار بالنسبة للتنقل وكيف وهل تستأجر السيارة عن طريق الفندق طبعاً انا بنزل من مطار جنيف والفندق اللي بسكن فيه رمادا جنيف ياليت تحددلي موقعه اتمنى منك الرد تقبل تحياتي

السلام عليكم ورحمة والله وبركاته
بخصوص موقع القطارات فهو شغال وجربته مرة ثانية
اذا ماشتغل مرة ثانية اكتب في جوجل erouptrain
واما بخصوص السيارة فإذا كانت زيارتك الأولى لأوروبا عن نفسي ما انصحك لهذه الزيارة واما اذا كنت مصمم
فعندك شركات عالمية مثل يوروب كار وهي على هذا الرابط وهي تعتبر من أفضل الشركات
http://www.europcar.com
والله يوفقك ويحفظك

مشكور اخوي محمد خليفة الرابط صحيح الف شكر بس عندي استفسار بالنسبة للسيارة ليه ماتنصح والسؤال الثاني هل اقدر اروح بالباص وكيف احس اني غثيتك ماعليه استحملني الله يخليك

لا افا عليك أخوي ... بالنسبة لي انا ما افضل السيارة للمرة الأولى وذلك بسبب انك اول زيارة لك ويبيلك فترة لين ماتعرف المناطق عدل وقوانين المرور لسويسرا يعني تعرف القوانين المرة الأولى وفي الزيارة الثانية تستأجر سيارة وهذا رايي ...
بخصوص الباص تقصد لوين ؟
إذا بين الدولة او بين المناطق مثل جنيف وانترلاكن فطبعا انصحك بالقطار
والله الموفق