حياك الله
مكتب كاها بالعادة يكون ارخص من حجز الانترنت بشسء بسيط ولكن ممكن تروح ولا تحصل حجز في الفنادق اللي تبي
واللي اعرفه انه ما يحجز فلل في الجبل
جاكرتا مثل ما تفضلت لا يوجد فيها الا الانشول والجزر القريبة والاسواق
المجمعات بتكون ارخص من الفلل المستقلة بشيء بسيط ولكن الله يعينكم على الازعاج
النظافة للفلل والمجمعات تختلف وليست واحدة

أسعد الله صباحكم بكل خير ومحبة يااخوان باقي على سفرتنا اسبوعين وماسوينا شيئ ابدا ماحجزنا سكن ولاتذاكر بالي ولاسائق ولاغيرة وصديقي يقول عادي نحجز من مكتب كاه اللي في المطار ارخص واحسن المشكلة انه خايف يتوهق بالسكن لو حجزت مدة طويلة من النت ومايقدر يغيرة بعدين ،،، خاصة اننا اول مرة نسافر ،،،،، وش الدبرة ،،،، فيه فندق عجبني في جاكرتا ويوصل من والى المطار مجانا لاننا نبي نريح يوم واحد في جاكرتا وبنطلع الى بالي بمشيئة الله وسعرة مناسب 200 ريال لكن مادري لو بنطلع الاربعاء نتمشى بيكون فيه اماكن قريبه منه وهل فيه احد جربه من قبل ويفيدنا ومشكورين
Aston Cengkareng City Hotel and convention center

حياك اخوي
انا انصحك ماتححجز من النت مكاتب كاها توفرلك كل شي
اول ماتوصل تلاقيهم بالمطار

أقرب الفنادق الشهيرة إلى المطار
هو فندق شيبوترا , و بجانبه شقق
قراند تروبيك ..
و خلقهما أشهر اسواق جاكرتا , و هو
مول تامان انقريك ..

اهلا (الطائر الجريح) مين قدي الزعيم بكبرة يرد على استفساري """ ( ترا والله كلكم على العين والراس وخاصة محبوب الملايين طارق ) بالنسبه لستفساري انا كل اللي خايف منه اني مااحصل حجز لما اوصل خاصة بالي انا بحثت في بوكنك على فنادق بالي حصلت كثير محجوزات بالكامل فاللي قاعد اشتغل عليه وابي ايضا رايكم اني احجز يوم واحد بالذات في جاكرتا وممكن بالي وبونشاك من الفنادق اللي ترشحوة ورشحها الاخوان واذا اعجبني المكان امدد عن طريق مكتب كاها خاصه اني حصلت رقم موظف بمكتب كاها وسئلته عن سعر شقق استون مارينا وسويت مقارنه مع بوكنك طلع فرق تقريبا 50 ريال وبصراحه فرق يسوا بالذات اذا حجزت اربع ايام بوفر تقريبا ريال200 خاصه اننا مراح نرجع للسكن الى وقت النوم فقط لكن الفندق اللي سئلت عنه مااحد عنده خبر ياريت والله تفيدونا ايضا بخصوص التاكسي كيف نظامهم بالعداد والعداد يبدئ من كم وماهي ارخص شركة عندهم واتمنى لو تكرمتم ايضا واعطيتوني اسم فندقين او شاليهن على البحر مباشرة في كوتا بالي ومجربات من قبلكم واسعارهن من 300 ريال وتحت المشكله ان اي موقع حجز سواء بوكنك ولا كاه ولاغيرة يعطيك صورممكن تكون قديمة او ماهي دقيقه بالذات في موضوع الاثاث والتجربه كما يقال خير برهان علشان كذا اطلب تجربة الاخوان ونصيحتكم اللي مانستغني عنها والشكر موصول للأخ العزيز أحمد ،،، ولكم من القلب مليون تحية .......

الله يخليك أخي الحبيب أحمد
و كلنا في الخدمة يا غالي ..
طالما رصدت مبلغ يومي لأحد
فنادق بالي الرائعة , فبهذا السعر
الذي يقارب ال 900 الف روبية
هناك فنادق رائعة و شهيرة على
شاطئ كوتا الرائع , مثل هارد روك
و ميركوري , و هاريس , و قريند إنا
و الثلاثة الأخيرة يقل سعرها قليلا عن
ال 300 ريال المرصودة ..
أما بالنسبة لنظام التكاسي , فمع النظام
الجديد , تفتح حاليا في جاكرتا ب 7000 روبية
و بعضها ما زال على القديم ..
و كذلك في بالي على القديم

الفندق اللي تسئل عنه قريب من منطقه المطار وانا اخوك وبرايي ماينفع للي يبي يسكن بجاكرتا لان منطقةمطار جاكرتا تقع في اقصي شمال غرب المدينه ولا حولك مزارات او اسواق قريبه يعني اذا تبي سوق ولا تطمر انشوا بتظطر تشق الجالاان تول او طريق سريع يوديك للمطار
برايي شف فندق شيوبترا اللي دلك عليه ابا الحسين مناسب او بولمان سنترال بارك مو بعيد عنه واجدد منه
نجي لنقطتين مهمه لاسئلتك
اولا قبل راس السنه بليلتين الي 11 من اول السنه هذا وقت سيزن عالي تقريبا بيكون فيه زحام حجوزات سكن وغيرها لانه بيوافق راس السنه يتبعه ايام اجازه منتصف عام دراسي
راس السنه بيكون فيه زحام ببالي بلتاكيد لكثرة السياح من اوربا واستراليا واسيا
وبقيه المناطق مثل بونشاك ايضا بيكون مقصد سياحي لاهل اندونيسيا وغيرهم ممن يفضلون زيارة مناطق ارتياد جاوه
ماادري متي رحلتك بلظبط المهم اذا هي بهذه التوقيتات الافضل تعمل حجز مؤكد للسكن قبل السفر وترتب برنامجك بشكل مناسب بعيد عن مناطق الزحام ان امكن علي الاقل تبتعد عن الويك اند في التنقل بين منطقة واخري اذا مضطر للسفر بهذا التوقيت
كاها ليس دوما ارخص من النت ولا يوفر دوما كل فنادق النت يعني الخيارات فيه قد تكون محدوده خاصه بالسيزن لكنه له اوقات يكون ارخص من النت اذا مافيه زحمة حجوزات يعني مافي اجابه كامله من هذه الناحيه احيانا ياخذ خصم جيد ارخص من النت من بعض الفنادق واحيانا يكون اعلي بقليل من النت
الاهم ان كانت رحلتك بموسم سياحي او اجازات ان يكون حجز السكن مؤكد علي الاقل لاول الليالي
بخصوص بوكينق او اقودا وصورهم للفندق
اذا تبي تقييم مناسب انسي مواقع حجز النت وصورهم تقدر تعتمد علي امرين لتقييم الفندق
اولا راي الزوار في خانه التقييم في مواقع الحجز
او موقع ترايب ادفايسر ممكن تشوف صور الزوار وليست صور الموقع وايضا تشاهد تقييم الزوار افضل من تقيم رسمي لانهم بيعطونك السلبيات بدون محاولة تسويق

شكرا للجميع وماقصرتوا وان شاء الله تسهل الامور ونروح ونرجع بالسلامه ونعد تقرير كرمال عيونكم الأول من نوعة ؟؟؟؟