بارود العمري
06-04-2022 - 12:17 am
السلام عليكم ..باقي اسبوعين بالضبط
ان شاءا لله الرحلة بتكون الساعه ثمانية ونصف مساء 19 اكتوبر من الرياض لدبي ثم الى كوالا
جدول الرحلة .. بيكون
يومين في سلانقور في فندق سن واي لاقون
واربعة ايام في بيننق في بارك رويال
واربعة ايام في لنكاوي في بلانجي بيتش
واربعة ايام في كوالا في جي دبليو ماريوت
خلاص تم الحجز والدفع للفنادق
اما سير الرحلة فأنا ناوي يكون من سلانقور الى بيننق بالباص .. ان شاء الله ( مين جرب ذا الشيء ووش رأيه فيه )
ومن بيننق الى لنكاوي ( بالسفينة .. نبي نجرب هذه التجربة شكلها جميلة جداً )
ومن لنكاوي الى كوالا ..( بالطيارة ان شاءا لله عن طريق خطوط اير اسيا )ابي ابيض الوجهة مع زوجتي ..
تعرفون زوج جديد وبيني وبينكم شقتي .. اختياري للأثاث ماهوب زين مررة .. ( ذوقي تعبان ) عشان كذا ابي انسيها اي انتقاد في راسها بالسفرة ذي
كم يكفيني لازم يكون معي كاش وكم يكون في الصرافة وفي الفيزا ..
ابي منكم خطة تفصيلية .. بقدر الأمكان وابي تفاعلكم معي وين اروح ووين اجي واللي يعرف ارقام ( سيارات اجرة في بيننق ولنكاوي وكوالا ياليت يعطيني بالخاص الله يحفظكم .. ).
ركزوا لي على بيننق ولنكاوي <
قسم بالله مدري وين ارووح ؟؟
واللي يعرف مكان اللي استاجر منه الباص من سلانقور الى بيننق ياليت يعلمني ..
بصراحة أريد أدق التفاصيل عن الرحلة وابي اشارككم كل شيء وابي اناقشكم عن اشياء كثيرة يعني تحملوني الله يخليكم .. الأسبوعين هذه وتكفون اهتموا فيني شوي ههه
لأني من جد بصراحة عليمي ..
ما قد سافرت الا مرتين لدبي
تكفون ...واشكركم كثير يا احبابي
ترتيبك ممتاز إن شاء الله
لكن يوجد بعض الملاحظات
أولاً بالنسبة لفكرة السفر إلى بينانج بالباص فكرة جيدة للإستمتاع بالطبيعة الجميلة أثناء الرحلة التي تساغرق 4 ساعات
تذاكر الباص تشتريها من نفس الصن وي لاقون أول ماتصل تحجز وتقض التكت على باص إيرولاين مكتبهم موجود بالقرب من مدخل الحديقة المائية
بالنسبة للسفر من بينانج إلى لنكاوي لا أوافقك في اختيار الفيري مايناسبك أبداً لعدة أسباب
1. الفيري شعبي جداً وكراسيه تعبانه ويفتقر لنظافة (تقدر تشبهه بباصات النقل الجماعي عندنا)
2. يفتقر للخدمات في داخله مافيه أي نوع من الخدمة
3. يستغرق 3 ساعات إلى لنكاوي وقت طويل مقارنة بالطيران 35 دقيقة فقط
4. توقيت الرحلات سيء جداً يوجد كل يوم رحلتان الأولى الساعة 8 2 والثانية بعدها بنصف ساعة 8:30 ص
وهذا يتطلب منك الخروج من الفندق الساعة 6 ص لكي تلحق بالفيري
5. غير مريح ويتمايل مع الموج بشكل كبير حتى تشعر كأنك على ظهر جمل أعرج خاصة لو كان الموج عالي
لذا أقترح عليك تسافر عن طريق طيران إيرأسيا أنظف وأسرع وأنسب لك كعريس
وبالنسب للحدول اليومي سوف أجهزه لك إن شاء الله بأذق التفاصيل
تمنياتي لك برحلة سعيدة