كل عام وانت بخير يابعد عرزي اخباركم ماشاء الله عليك الحمد لله على السلامه اخوي
يشرفني اني اكون اول واحد ارد على تقريرك وموفق باعسسل
اخوي انا عندي نقد فني قصدي ملاحظة بسيطه يابعدي لاتقطر علينا تكفى يعني لوسمحت عطنا شوي زياده ميخالف تراك احميت اتسبادنا
والله فرحت يوم شفت بداية التقرير بس يعني لو كحشت شوي من التقرير ولا اسبوعي وشلون ابنتظر انا تراني مهبول ما اتحمل اسمع او اشوف طاري الورده بس على كذا تامر امر وانا اول المتابعين وقص لي تذكره درجة اولى مع مرتبة الشرف يابعدي لمتابعة تقريرك
ويعطيك الف عافية اخوي
اخوك حمودي حماده ..........سكر زياده

الحمد لله على سلامتك نتمني تذكر لنا بالتفصيل الرحله ومرفقه بالصور

مرحبا اخونا الغالي باسل
ملاحظة:
نريد توضيح منك كي يستفيد الاعضاء (البكج 3 ايام في فندق 5 نجوم ياليت تذكر اسم الفندق + وهل شامل التذكره الطيران ايضاً كل هذا 100$ )
حيث قيمة التذاكر لوحدها تبداء من 4500 بيسو الى 8000 بيسو ايضا الفنادق من 4 نجوم الى 5 نجوم تبداء من 4000 بيسو
ليت تحيطنا بكل ما يتعلق بالبكج كامل
تقبل تحياتي لك رجنت

نبي شرح ممل زي ما قال مشرفنا الغالي رجنت
ورحو يا بعدي في سرد قصتك مع الورده
بس الله الله بالصور
باسل واصل ياخلفهم

متابعين معاك ..
لا تتأخر علينا ..

يامرحبا بالجميع واشكر الجميع على المرور
اولا يوم اقول اسبوع والله قصدي انزل الصور لانها بالجوال واعذروني على التقصير وابشر وبسعدكم
اما بخصوص البكج انا اخذته من المكتب اللي على اليسار اذا دخلت فندق سيتدل انن على اليسار باللوبي مكتب صغير وفيه بنت محترمه جدا وقالت السعر بالتذكره والمواصلات والقارب والجيب الصغير اللي استقبلنا عند مرفاء بروكاي الى الفندق واسمه (سي راب ) خمس نجوم مع الفطور المجاني حنا ثلاثه واخذنا غرفه واحده 3 اسره ونزل بالمبلغ وازيدكم قالت اذا تاخذونه الان بهذا السعر اما باكر يمكن يزيد السعر او ينقص والفندق يطل على البيتش مباشره والفطور من 7-9 بعده انسى بس فندق انصح الجميع فيه نسيت اذكر ان المبلغ 100$ يوميا عن الشخص الواحد واسف اذا كان فيه خطاء يعني 3 ايام دفعنا 900$ كل الرحله بعد الدفع صورت البنت الدولارات بالمكينه مع جوازاتنا وطلبت منها صور اخرى للجوازات ماقصرتلكن 3 ايام تكفي لبوروكاي
احب انزل التقرير بالصور وابشروا ايام بس يزبط مع تنزيل الصور واتمنى من اهل الخبره المساعد -مانستغني
ابد بالرحله:

اخوي باسل الله يعطيك العافيه بصراحه ودي تساعدني شكلك خبير في الورده بصراحه انا بروح 25 شوال
ومعي 3 اشخاص وبجلس شهر ابي مساعدتك طال عمرك ابيك تقسملي الشهر ع افضل المدن والجزر
بلورده وابيك تكتبلي افضل المنتجعات في كل جزيره ومدينه وكم اسعارها بصراحه اني محتار وين اروح
لاتبخل علي وافزعلي طال عمرك معاد بقى شي على موعد الرحله.. اتمنى الرد عاجلا؟؟؟؟
وبإتنظار كامل التقرير الممتع؟؟
الله لايحرمك الاجر... تقبل احترامي وتقديري ,,,

1. لكن نصيحه مجرب واسمع كلامي وسوف تشكرني عليه جدولك كالاتي

مرحبا اخوي كثير من الاخوان يعرفون اكثر مني بصراحه اذا سافرت ما اجلس كله فرفره في كل مكان سابع سفره الى الورده بس الاخوان تراهم ابخص مني في مانيلا وماجاورها وفنادقها لكن برا العاصمه اعرف مثل مايعرفون وعساي اساعدك قدر المستطاع
بالنسبه للجزر اذا كان معاك وقت اطمر لها ولا خلك حول العاصمه من سوبيك الى بطنقس يعني ساعتين بالسياره وانت بالشواطي

لكن نصيحه مجرب واسمع كلامي وسوف تشكرني عليه جدولك كالاتي

لاتقعد في العاصمه الايوم قدومك وباكر اطلع منها فيه مناطق حلوه زرها وجرب منها بينا توبو هذي ياطويل العمر في الشمال تبعد عن انقلس ساعتين تقريبا اذكر لك مافيه تبي لها يوم كامل
منطقه سياحه جدا ماحد يمكن ذكرها من الاخوان الرحله لها تحجز من المكتب في بينا توبو بعدين ياخذونك بالجيب الى الجبال طريق وعر وغير مسفلت ثم تنزل الى قارب ياخذك مشوار اخر ثم تنزل منه الى الخيل تركب والله يعينك ان كان ماعندك مبادي لو بسيطه للخيل ركوبه مخيف بس مايجري يمشي خفيف ثم تنزل مشي حوالي 3 كيلو او اكثر بس قمة المتعه مناطق سبحان من صورها جبل وشلالات وطيور وجو غريب فيها ترتاح هناك الوقت الكافي واذا اردت العوده الدليل موجود معك بس النفر 1500 بيسو في غير السبت والاحد ماتنساها لكن اطلع الصباح بدري اذا سكنت في مدينة بامين تبعد عن المنتجع 15 كيلو قريبه افضل
وطلع منه الى منتجع مي موسى اية في الجمال قريب من انجلس كلارك تدخل برسوم عباره عن حديقة كبيرة جدا فيها فلل للاجار صغيره باليوم وبحيرات ومطعم وبحر صغير موضوع من الانسان وشاطي وملعب طائره ومراكب وانهار موضوعه فيها اسماك واستاجر سناره وصد سمك وكل واذا ماتبغى تستاجر الفلل غاليه شوي انصحك تاخذ جلسه كراسي وطاوله ويعطونك فوط واسبح بالبحيره بسعر 50 بيسو اجار الفوطه بس خذ معاك العده واذا ما تبغى تصيد فيه مطعم اكل بحري سعره معقول عندهم
اطلع منها باليوم الاخر الى سان انطونيو يبعد عن سوبيك 15 -20 كيلو سبحان الخلاق طبيعه وبلا بروكاي بلا بطيخ لو تروح تجلس اسبوع هناك صحيح المكان هادي الشاطي ذهب وامواج كالجبال وجبال قيها شلالات تنزل للبحر ماها حلو جدا تستاجر فيلا من غرفتين ومطبخ وصاله وبلاكونه ارضيه 1200 بيسو ايضا خذلك جوله في مدينة كاباس السكن فيها رخيص جدا على الطريق الى بينا توبو
اطلع سوبيك وخذلك شاليه حلو بسعر 1500 مع شوي السمك بس السمك تشريه انت واذا معاك وقت اترك الشمال الى تقي تاي ريح فيها يومين لاتزيد ومنها اطلع الى مدينة دسما وتفرج على مصارعة الديكه وارجع وطلع منها الى الشلالات الصباح وارجع العصر الى العاصمه يومين تسوق وتوكل على الله وخل نشوفك هنا

تسلم اخوي باسل
باسل يابعد عرزي لو سمحت تسوي لنا تقرير بسيط عن المدن الي ذكرته الي هي قريبه من سوبيك ومن انجلس يابعدي تكفى عشان يستفيد منها الاعضاء واولهم انا ترى كل العالم ماتعرف الا بوراكاي وسيبو وبهول وبالاوان هذي هي الفلبين يالله خلك اول واحد يسوي دعايه على المدن الي ذكرته وخصوصا الديره او الجزيره الي تقول عنه بلا يوراكاي بلا يطيخ تراك شوقتني يابعدي
ادري انه طلب غثيث شوي بس تحملنا كلنا عيال الورده او كلامي فيه شك يسلمو