السلام عليكم ورحمة الله وبركاته
اخوكم وده يروح فرنسا بس المشكلة للحين خويه ماصمل وهذا الي موهقه عند ضرف مايدري متى يخلص وماله داعي تروح لحالك احس طفش يعني يا معك خوي ولا ريح نفسك والله يكتب لنا الي فيه خير
عموما ابي اخذ معلومات من الحين عن فرنسا لاني رايح رايح الله لايعوق بشر هالشهر ولا بعد رمضان
بس المشكلة مالقيت موقع بالعربي او موضوع يعطيني اسعارر الفنادق كلها ووش مميزات كل فندق والمواقع الي حوله
واذا ممكن قائمة باسعار الفنادق المعقوله ((خبركم عزابية مايهم السكن لو في خيمة خ ))
رحت لبريطانيا وشفت فيها شركة فنادق اسمها (( ترافل ان )) اذا ماني غلطان وكانت اسعارها حلوة ومعقوله مرةة بس اعتقد انها موتيلات مو فنادق بس نفس الخدمه وكل شيء حتى فيه واحد جنب مطار هثيرو كبيرر مرة
مادري اذا احد يعرف فنادق زيها في باريس
الموهم مالكم بالطويل
الي يبي عشر ايام في اوربا وباريس محطة ريئسية وش تنصحونه فيه
وكم يبيلها ميزانيه عشان اعمل حسابي ((انحاشوا ياهل سوق الاسهم ترى بسيل محفظتي كلها لعيون باريس خ))>>>كلها سهمين في المكيرش ومتعلق فيهم بعد
كم يكفيها يوم ووش الفنادق المعقوله وقريب من الشانز
ووش احسن دولة ثانيه اروح لها
نفسي في سويسرا كم يكفيها يوم وهل تستاهل الروحه ((لا رح للثمامه ياشاطر اصرف لك خ))
خويي يقول المانيا حلوة ويدل فيها توه جاي علاج مع ابوه الله يعافيه وش رايكم هاذي ولا هذيك ولا وش تنصحون بغيرها
طبها محاكيكم يحب القومه بدري ويفرفر على المعالم السياحيه ويصور ((يقرب لي كوشيموتو الياباني هع هع ))
ادري اشغلتكم بتفاصيل مالها داعي بس ماعتبركم الا اخوان واخوات وان ماحصل معلومه هذا حنا نسولف خ ماورانا شيء