رحلة موفقة وساجيب على الي اعرفة
انا ارشح باريس وميلان
باريس شرحة جدا والجو حلو ...
ميلان الاسواق تجنن ورخيصة
فينا مانصح فيها كئيبة ومملة ...
يعني تاخذ خط باريس وممكن منها جنيف انا تعجبني بعد اكثر من ايطاليا

qatar2007
مشكور اخوي بس ياليت توضح لي طريقة التنقل
يعني اول اطير على ايطاليا وعقبها باريس؟؟ وبالاخير تصير المانيا مثلا؟؟
ميلان غير التسوق فيها معالم اخرى؟؟ ولا روما افضل كمدينه سياحيه؟؟؟
مين الاحسن والاحلى ؟؟؟ 3 ليالي تكفي لو اخترت وحده منهم؟؟
هل فيه امكانيه اطلع سويسرا يوم وارجع ؟؟ لوقانو قريت عنها كثير وابي ازورها
انا باريس ضروريه في رحلتي ان شالله ازورها وانبسط فيها
بس مو عارفه مسار الرحله والتنقلات شلون بتصير؟؟
اخذ القطار ولا طيران اقتصادي وهل المسافات بعيده؟؟
اسئلتي كثيره بس ابي سفره حلوه ومرتبه صح
ياليت تساعدوني باقرب فرصه

مرحبا روزماري...
اسمك فرنسي و فرنسي قديم و اصيل بعد...
روز يعني الورده و ماري يعني مريم(للافاده)...
لو انت جايه اسبوع فقط و تبين المانيا و دوله اخرى فخليكي في باريس...باريس اقل شي 4 ايام...
ما ادري مين الي قال باريس ما فيها وناسه بعد الصيف...كلام مردود و لي يجي باريس و يعرفها يندهش لانها صراحه المدينه الوحيده في اوربا الي صيفها مثل شتاءها...و الوناسه في باريس غير...
لو مسويه برنامج اسبوع خليكي بين المانيا(اتصور تروحين ميونخ او اخن) و باريس...لان المده قصيره حيل عشان تروحين مكان ثاني...لكن لو تبين مدينه ثانيه فانا ارشحلك جنيف قريبه مو بعيده و حلوه...
خلي جيتك عل باريس و منها لو تبين تطعين جنيف او ميلانو(بالطايره) و منها لالمانيا...

Abu Malek1
مشكور على الافاده الحلوه .. فعلا روزماري اسم زهره ومعناها الذكرى
باريس حلم حياتي واتمنى ازورها وانبسط فيها
لو خصصت لها 4 ايام وين ممكن اروح؟؟؟
ياليت تقترح لي جدول مرتب واذا تعرف سكن حلو ونظيف وسعره معقول
كل سفرتي 12 يوم النصف تماما بقضيه في المانيا
كولون وفرانكفورت والباقي ان شالله ابي اوزعه بين روما وباريس مثلا
هل المدينتين متشابهه؟؟ وزيارة وحده تغني عن الاخرى؟؟
في باريس قررت مااروح لليورودزني لاني ناويه اروح فانتازي لاند
ولا رؤية الدزني ضروريه بما انها الزياره الاولى لباريس؟؟؟
كيف الاسعار في اكتوبر؟؟ كم المسافه بينها وبين فرانكفورت الالمانيه؟
القطار او الطائره افضل؟؟؟ هل فيه خط مباشر يصل بينهما؟؟
ياليت تقترح علي مسار الرحله والاماكن المميزه في باريس
اعذرني على الاسئله الكثيره بس والله محتاره واطمح الى رحله ناجحه بإذن الله ولاغني عنكم

انا انصحك تكتفين بباريس وبالامكان من باريس تزورين بروكسل أو لندن .. طبعا بروكسل اقرب .. يعني ساعة و اربعين دقيقة بالقطار ... بس بما ان مدة الرحلة قصيرة .. فيفضل الاكتفاء بباريس .. وخبراء فرنسا ما بيقصرون معاج بالنسبة للأماكن اللي ممكن تزورينها وبالنسبة لي انصح بالسكن بالقرب من الشانزلزيه وعندج بعض الاماكن اللي من الممكن تزورينها مثل متحف اللوفر اللي فيه لوحة الموناليزا
برج ايفل
قصر فرساي ( انا ما زرته للاسف)
يوروب فاليج ( للتسوق )
رحلة فالنهر
ومن بعد باريس بالقطار تروحين لكولن .. ومن كولن تتوجهين لمحطتك الاخيرة وهي فرانكفورت

اقتراحك جيد لكن طلعت الفيزه من الايطاليه وخايفه اروح باريس على طول
عشان كذا حطيت روما بالخطه واللي معاي يقولون 5 ايام على باريس كثيره
هل باريس تشبه روما ؟؟ ولا كل وحده لها طابع مختلف؟؟؟
اخاف زيارة روما او ميلان تضيع علي الوقت وبس
لو حسبتها وطلعت صعبه والتكلفه عاليه بالنسبه للمواصلات افكر الغي وحده منهم
لكن امرين احلاهم مر .. الله يسهلها يارب
ياليت تعلموني المسافه بين باريس وكولون بالقطار كم؟؟
والاسعار شلون هل هي ارخص من الطيران ؟؟ الرحلات مباشره تكون؟؟
انتظر ردودكم باقرب فرصه عشان اضبط الجدول

بالنسبة للفيزا .. فلا توجد أي مشكلة انج تنزلين باريس ... انا جربتها سابقا .. استخرجت الفيزا من مكان .. وسافرت على دولة اخرى .. ولم يسألني اي شخص في المطار .. يعني الموضوع عادي
بالنسبة لباريس .. فيها عدة اماكن للزيارة .. وانا رديت على موضوعج في الساحة الالمانية ..
في باريس تقدرين تزورين ديزني .. متحف اللوفر .. برج ايفل .. قصر فرساي .. الشانزلزيه ( انصح بالسكن بالقرب منه ) وغير هذا بيكون عندج وقت للتسوق .. فأنتي قدري اذا تكفيها خمس ايام ولا لا
بالنسبة للمسافة بين باريس وكولن مب متأكد منها .. بس تقدرين تتأكيد من قيمة التذاكر من خلال موقع اليورو ستار .. وطبعا سعر التذكرة يختلف في اليوم الواحد .. وكذلك بتشوفين وقت الرحلة كم يستغرق

مشكور الله يعطيك الف عافيه يارب
لوخلت جدول باريس
يوم الوصول الاربعاء برج ايفل وقوس النصر والتمشي في الشانزليزيه
الخميس يورودزني
الجمعه قصر فرساي ومتحف اللوف
السبت تسوق صباحا والسفر الى كولون مساءا
هل الايام كافيه كذا؟؟ ولا ازيد يوم للتسوق غير يوم السفر اريح؟؟
فرساي واللوفر يمكن زيارتهم بنفس اليوم ولا صعبه؟؟؟
متى تسكر المحلات والمقاهي عندهم؟؟ لازم ازو اللادفانس المنطقه الحديثه ولا مايحتاج
بما ان مدة سفري قصيره؟؟؟؟
ياليت لو تقترح علي فندق قريب سعره مناسب بشرط يكون نظيف وحلو
لو اخذت القطار السريع هل المحطه قريبه من الشانزليزيه؟؟
عذرا تعبتك معاي واسئلتي كثيره بس اطمح الى رحله مرتبه جيدا واتمنى تساعدوني

روزماري
مرحبا ورده ماري...
فعلا باريس لها سحر خاص وكل من يجيها لازم يرجعلها...
انا حسب ما فهمت منك انك نازله روما لان الفيزا من هناك...تقدرين تروحين لاي دوله تابعد الشنغن كدوله اوله مو بالضروره ايطاليا...و الصراحه خليكي بين المانيا و فرنسا و لو حبيتي اطلعي جنيف احسن من روما...
بالنسبه لديزني احسن بكثير من فنتازي لاند...خاصه لو معاكي اطفال وديهم هناك ديزني فيها عروض احل و فيها جو غير...في اوربا احلاهم ديزني و قريه الصاوا في اسبانيا...
بالنسبه للسفر من فرانكفورت ال باريس انصحك طايره انا شايف الحين فيه ب 84 يزر يا بلاش و السفره تدوم ساعه و 20 دقيقه...
بالنسبه للاماكن المميزه في باريس، انا مسوي برنامج لشهر(ربي يجعل كل ايامك عسل) عسل و فيه اهم الاماكن في باريس برنامج 7 ايام حلوين (انا مسوي 4 ايام و فاضل 3 في الايام الجايه) تفضلي و ان شاء الله البرنامج يعجبك...
لو فيه اي استفساي اضافي ما تترددي و يا مرحبا فيكي.