ساعدوني عشان لو احتاج اغير ..... هل صح سويسرا التكاليف فيها مان اكل وموصلات وكذا ضعف النمسا ؟

خليك على نفس حجزك يوم روحو لمونترو ويوم لانسي وشامونيه بفرنسا قريبات مره لجنيف نص ساعه تقريبا وبنفس الوقت لارجعتوا بالليل تتمشون بجنيف

مرحبا اختي
جنيف حلوة لاتفوتيهاوممكن زي ماذكر الاخ تطلعي منهاعلى القرى الفرنسيه الجميله القريبه منها
ومن وجهه نظري ان ميلان موزيادة يومين مناسبه مافيهازود مافيها الاالاسواق وبعض الاماكن السياحيه بس مااعبجبتني
اذا ممكن تطلعوا فينيسيا حلوة وممتعة
وبالنسبه للصرف والله سويسرا غاليه يعني علبة الماءالصغيرة بالسعوديه بريال هنا ب4فرنك ونص والفرنك مرتفع
يعني اكثر من 16 ريال
وربي ييسرلك الخير وان شاء الله رحلتك تكون ممتعه

السلام عليكم ، بخصوص جنيف فهي مدينة جميلة وتستحق الزيارة ليوم واحد على الأقل ، ولكنها بشكل عام مدينة خاصة بالأعمال والتسوق ، وليست مدينة للاستجمام ، وقد تكون مرغوبة أكثر للشباب والعزابية ، أو للعوائل الراغبين في التسوق والشراء من الماركات الشهيرة المنتشرة فيها . فأنت تعرفي نفسك من أي نوع ومن محبي أي نشاط ، هل تحبي التسوق ام الطبيعة ....الخ وتقدري تحددي مدة زيارتك فيها ، شخصياً أرى يوم واحد كافي خاصةً أن النهار طويل هنا .
بخصوص النقاب ، صراحة ما فهمت قصدك ، فأنت محددة زيارتك لباريس 3 ليال، وفي نفس الوقت لاتريدي السكن في المناطق الفرنسية ، على كل حال فرنسا معروف فيها قانون حظر النقاب في باريس وغير باريس طالما في حدود فرنسا .
بإمكانك الإطلاع على تقارير الأعضاء عن المدن السويسرية الأخرى مثل مونترو وغيرها كمان الريف السويسري جميل .
وحبيت أعلق على الغلاء في سويسرا ، فصحيح سويسرا غالية ولكن بعض السياح يشتري من أماكن سياحية فتكون التكلفة مضاعفة مرات كثيرة ، فاللي يقول قارورة الماء الصغيرة بأربعة فرنك ونص لا أدري من أين أشتراها لان قارورة الماء الكبيرة في المجرو لا تكمل فرنك واحد !!!! ، فلا تشتروا من الأماكن السياحية والأكشاك إلا لو اضطررتوا وخذوا حاجتكم كلها من المجرو أو الكوب أو الدينر وهو أرخصهم .
نصيحتي خذي وقتك في الإطلاع على تقارير الأعضاء لان الناس أذواقهم تختلف ، وشوفي اللي يناسبك .

haneen&leen
صادق اخوي فعلا ميلانو مدينة تسوق فقط وخاصة السكن في الدومو ولاتصلح للتمشية وجربت قيادة السيارة فيها قبل اسبوع والله ياسواقتهم طفاقة وهبال ومساقط وقطع اشارات وعند التقاطع الواحد اكثر من 7 اشارات لكل اشارة اتجاه والمواقف بصعوبة بالغة تحصلها واذا حصلتها كانك محقق انجاز براحة من 2009 وانا ازور اوربا وكل يوم يتضح لي انها تبدو للاسم والسمعة اقرب من الحقيقة

1- باريس تم حجزنا التذاكر وحجزنا الفندق غير مسترجع وبعدين صدر القرار ... وماينفع نغير عشان كدا مشيناها كلها 3 ايام
2- ميلان لارتباط الولد بمؤتمر ولانها اقرب شي لفنيسيا نرجع منها على جده
3- بعد ارائكم حستقر على جنيف بدل تغير حجز مره ثانيه

بالنسبه للطريق بالسياره بين باريس وجنيف هل هو 5 ام 6 ام 7 ساعات ؟؟ ياريت احد جرب يفيدنا